ନୂଆଦିଲ୍ଲୀ: ବଲିଉଡ ଅଭିନେତା ମନୋଜ ବାଜପେୟୀଙ୍କ ଚର୍ଚ୍ଚିତ ୱେବ ସିରିଜ ‘ଦ ଫ୍ୟାମିଲି ମ୍ୟାନ-2’ ଦେଖିବାକୁ ଏକ୍ସାଇଟେଡ ଫ୍ୟାନ୍ସ । ଏହି ସିରିଜରେ ସାଉଥ ଅଭିନେତ୍ରୀ ସାମନ୍ଥା ନଜର ଆସିବେ । ଏହା ତାଙ୍କ ପ୍ରଥମ ହିନ୍ଦୀ ୱେବ ସିରିଜ । ଏବେ ୱେବ ସିରିଜକୁ ନେଇ ପ୍ରଶଂସକଙ୍କ ପାଇଁ ଗୁଡନ୍ୟୁଜ ସାମ୍ନାକୁ ଆସିଛି । ଯାହାକୁ ଶୁଣି ଖୁସି ହୋଇଯିବେ ଦର୍ଶକ ।
- " class="align-text-top noRightClick twitterSection" data="
">
ଚଳିତ ବର୍ଷର ବହୁ ପ୍ରତୀକ୍ଷିତ ୱେବ୍ ସିରିଜ୍ 'ଦ ଫ୍ୟାମିଲି ମ୍ୟାନ୍ -2' ର ଷ୍ଟ୍ରିମିଂ ଖୁବ୍ ଶୀଘ୍ର OTT ପ୍ଲାଟଫର୍ମ ଆମାଜନ ପ୍ରାଇମ୍ ରେ ହେବାକୁ ଯାଉଛି । ସୂଚନା ଅନୁଯାୟୀ, ମନୋଜଙ୍କ ଅଭିନୀତ ଏହି ସିରିଜ୍ ଆସନ୍ତା ମାସରେ ଅର୍ଥାତ୍ ଜୁନ୍ ମାସରେ ଷ୍ଟ୍ରିମ୍ ହେବ । ଏହା ପ୍ରଥମେ 12 ଫେବୃଆରୀ 2021 ରେ ମୁକ୍ତିଲାଭ କରିବାର ଥିଲା । ଏବେ ଏହାର ନିର୍ମାତା ରାଜ ଆଣ୍ତ ଡି.କେ ଖୁବ ଶୀଘ୍ର ଏହାର ନୂଆ ତାରିଖ ପ୍ରକାଶ କରିବେ ।
ପ୍ରଶଂସକମାନଙ୍କ ପାଇଁ ରାଜ ଆଣ୍ତ ଡି.କେ ଏକ ବାର୍ତ୍ତା ଲେଖିଛନ୍ତି, "ଆମେ ଜାଣୁ ଯେ ଆପଣମାନେ 'ଦ ଫ୍ୟାମିଲି ମ୍ୟାନ୍ -2' କୁ ଉତ୍ସାହର ସହିତ ଅପେକ୍ଷା କରିଛନ୍ତି । ଆପଣ ସମସ୍ତଙ୍କ ଏହି ଭଲପାଇବା ପାଇଁ ଆମେ ଆପଣଙ୍କୁ ଆନ୍ତରିକ ସହ ଧନ୍ୟବାଦ ଦେଉଛୁ । ଆପଣଙ୍କ ପାଇଁ ଗୋଟିଏ ଅପଡେଟ୍ ଅଛି । ଏହି ଗ୍ରୀଷ୍ମ ସମୟରେ 'ଦ ଫ୍ୟାମିଲି ମ୍ୟାନ୍ -2' ଆମାଜନ ପ୍ରାଇମ୍ ରେ ପ୍ରିମିୟର୍ ହେବ । ପ୍ରକାଶ ଥାଉ ଯେ, ମନୋଜଙ୍କ ଅଭିନୀତ ଏହି ୱେବ୍ ସିରିଜ୍ 2019 ରେ ମୁକ୍ତିଲାଭ କରିଥିଲା, ସେବେଠାରୁ ଏହାର ଦ୍ବିତୀୟ ସିଜିନକୁ ନେଇ ଫ୍ୟାନ୍ସ ଅପେକ୍ଷା କରିଛନ୍ତି ।
