ମୁମ୍ବାଇ: ନିକଟରେ ରିଲିଜ ହୋଇଥିଲା ବହୁ ପ୍ରତିକ୍ଷିତ ସିରିଜ ‘ଦ ଫ୍ୟାମିଲି ମ୍ୟାନ 2’ର ଟ୍ରେଲର । ମୁଖ୍ୟ ଭୂମିକାରେ ମନୋଜ ବାଜପେୟୀଙ୍କ ସହ ନଜର ଆସିଛନ୍ତି ସାଉଥ ଅଭିନେତ୍ରୀ ସାମନ୍ଥା । ଜବରଦସ୍ତ ଆକ୍ସନ ଷ୍ଟଣ୍ଟ ନେଇ ଫେରିଲେ ମନୋଜ । ସେପଟେ ଏହି ସିରିଜ ଜରିଆରେ ହିନ୍ଦୀ ଅଭିନୟ ଦୁନିଆରେ ଡେବ୍ୟୁ କରିଛନ୍ତି ସାମନ୍ଥା । ଏହି ଟ୍ରେଲରକୁ ଫ୍ୟାନ୍ସମାନେ ବହୁତ ପସନ୍ଦ କରିଛନ୍ତି ।
ଏବେ ‘ଦ ଫ୍ୟାମିଲି ମ୍ୟାନ 2’ର ଟ୍ରେଲରକୁ ବଲିଉଡ ଅଭିନେତ୍ରୀ କଙ୍ଗନା ରଣାୱତ ଦେଖିବା ପରେ ସାମନ୍ଥାଙ୍କ କାମକୁ ବହୁ ପସନ୍ଦ କରି ତାଙ୍କୁ ପ୍ରଶଂସା କରିଛନ୍ତି ।
କଙ୍ଗନା ଇନଷ୍ଟାଗ୍ରାମ ଷ୍ଟୋରୀରେ ‘ଦ ଫ୍ୟାମିଲି ମ୍ୟାନ 2’ ଟ୍ରେଲରର ସ୍କ୍ରିନସଟ୍ ସେୟାର କରି କ୍ୟାପସନରେ ଲେଖିଛନ୍ତି, 'ଏହି ଝିଅଟି ମୋର ହୃଦୟ ଜିତିଛି'।
ଟ୍ରେଲରରୁ ନିଆଯାଇଥିବା ସ୍କ୍ରିନସଟରେ ସାମନ୍ଥାଙ୍କ ଚରିତ୍ର ଏହି ସିରିଜରେ ଦେଖିବାକୁ ମିଳିଛି । ଏହା ସହିତ ସିରିଜର ଟାଇଟେଲ 'I Wil Kill Them' ଲେଖାଯାଇଛି ।
କଙ୍ଗନାଙ୍କ ପ୍ରଶଂସାରେ ସାମନ୍ଥା ଖୁସି ହୋଇ ହାର୍ଟର ଇମୋଜି ସହିତ ତାଙ୍କୁ ଧନ୍ୟବାଦ ଜଣାଇଛନ୍ତି।
ପ୍ରକାଶ ଥାଉ ଯେ, ଆସନ୍ତା ଜୁନ 4ରେ ଓଟିଟି ପ୍ଲାଟଫର୍ମ ଆମାଜନ ପ୍ରାଇମ ଭିଡିଓରେ ଷ୍ଟ୍ରିମିଂ ହେବ ସିରିଜ । ଯାହାକୁ ନେଇ ଏକ୍ସାଇଟେଡ ଦର୍ଶକ । ସେହିପରି ନିର୍ମାତା ରାଜ ଓ ଡିକେ ମିଶି ‘ଦ ଫ୍ୟାମିଲି ମ୍ୟାନ 2’ର ନିର୍ମାଣ କରିଛନ୍ତି ।
