ମୁମ୍ବାଇ: ପୁଣି ଚର୍ଚ୍ଚାରେ ବି-ଟାଉନର କୁଇନ କଙ୍ଗନା ରଣାୱତ । ଏଥର ଚୁଲବୁଲି ଅଭିନେତ୍ରୀ ତାପସୀ ପନ୍ନୁଙ୍କ ନେଇ ସେ ଚର୍ଚ୍ଚାରେ । କଙ୍ଗନାଙ୍କ ସୋସିଆଲ ମିଡିଆ ଟିମ ଶନିବାର ତାପସୀଙ୍କ ଉପରେ ଏକ ଅଭିଯୋଗ ଲଗାଇଛନ୍ତି ଯେ କଙ୍ଗନାଙ୍କ ଦ୍ବାରା କରାଯାଇଥିବା ସଂଘର୍ଷର ଫାଇଦା ସେ ଉଠାଉଛନ୍ତି । କଙ୍ଗନାଙ୍କ ଟିମଙ୍କ ଦ୍ବାରା ତାପସୀଙ୍କୁ ଟ୍ୟାଗ କରାଯାଇ ଏହି ଅଭିଯୋଗ ଲଗାଯାଇଛି ।
ଟ୍ବିଟରରେ ଲେଖାଯାଇଛି, ‘ବାହାରର ଅନେକ ନିୟମିତ ରୂପେ କଙ୍ଗନା ଦ୍ବାରା ଆରମ୍ଭ କରାଯାଇଥିବା ଅଭିଯାନକୁ ଖରାପ କରିବାକୁ ଚେଷ୍ଟା ଚଳାଉଛନ୍ତି । ସେମାନେ ମୁଭି ମାଫିଆଙ୍କ ଗୁଡବୁକରେ ରହିବାକୁ ଚାହୁଁଛନ୍ତି । କଙ୍ଗନାଙ୍କୁ ଟାର୍ଗେଟ କରିବା ପାଇଁ ସେମାନଙ୍କୁ ଫିଲ୍ମ ଆୱାର୍ଡ ମିଳୁଛି ଆଉ ସେମାନେ ଖୁଲମଖୁଲା ମହିଳାଙ୍କ ଉପରେ ନିର୍ଯାତନା କରୁଛନ୍ତି । ଲଜ୍ୟା ଲାଗିବା କଥା ତୁମକୁ ତାପସୀ, ତୁମେ କଙ୍ଗନାଙ୍କ ସଂଘର୍ଷର ଫାଇଦା ଉଠାଉଛ । ଆଉ ତାଙ୍କ ବିରୋଧରେ ଏକଜୁଟ ମଧ୍ୟ ହେଉଛ ।’
ସେପଟେ ତାପସୀ ମଧ୍ୟ କେଉଁ ଛାଡିବା ଝିଅ । ସେ ଟ୍ବିଟରରେ ଟୋନି ଗସ୍କିନ୍ସଙ୍କ ମୋଟିଭେସନାଲ ମେସେଜ ସେୟାର କରି ଲେଖିଛନ୍ତି, ‘ସକରାତ୍ମକ କଥା କହିବା ପାଇଁ ତିକ୍ତ ଲୋକଙ୍କୁ ସର୍ବଦା ନକରାତ୍ମକ ଆବଶ୍ୟକ ପଡିଥାଏ । ମୋ ଜୀବନରେ କିଛି ଜିନିଷ ମୁଁ ଅନୁସରଣ କରୁଛି । ବିଶେଷ କରି ଗତ କିଛି ମାସ ମଧ୍ୟରେ । ଯାହା ମତେ ଜୀବନକୁ ଏକ ଭଲ ଢଙ୍ଗରେ ବଞ୍ଚିବା ଶିଖାଉଛି । ଏହା ମତେ ଶାନ୍ତି ଏବଂ ଶାନଦାର ଦୃଷ୍ଟିକୋଣ ଶିଖାଇଛି ।’
