ହାଇଦ୍ରାବାଦ: ବଲିଉଡର ହିରୋ ନମ୍ବର-1 ଗୋବିନ୍ଦାଙ୍କୁ ନେଇ ଏବେ ଚର୍ଚ୍ଚା । ଏକ ଟେଲିଭିଜନ ଶୋ'ରେ ଗୋବିନ୍ଦାଙ୍କ ବୟାନ ଏବେ ସୋସିଆଲ ମିଡିଆରେ ଟ୍ରୋଲ ହେବାରେ ଲାଗିଛି । ନିକଟରେ ଗୋବିନ୍ଦା ଏକ ରିଆଲିଟି ଶୋ'ରେ କହିଛନ୍ତି କି ତାଙ୍କୁ ଅବତାର ଫିଲ୍ମ ପାଇଁ ଅଫର ମିଳିଥିଲା । ଯାହାକୁ ନେଇ ଏବେ ସୋସିଆଲ ମିଡିଆରେ ଗୋବିନ୍ଦାଙ୍କୁ ଟ୍ରୋଲ କରାଯାଉଛି ।
ଗୋବିନ୍ଦାଙ୍କ ଏହି ବୟାନକୁ ସୋସିଆଲ ମିଡିଆରେ ‘ଜୋକ ଅଫ ଦି ଇୟର’ବୋଲି କୁହାଯାଉଛି । ଏପିରିକି ଗୋବିନ୍ଦାଙ୍କ ଫଟୋକୁ ଫଟୋସପ୍ କରି ଅବତାର ଲୁକରେ ପରିବର୍ତ୍ତନ କରି ମିମି ସେୟାର କରାଯାଉଛି । ଜଣେ ୟୁଜର୍ସ ଲେଖିଥିଲେ,‘ ଯଦି ଗୋବିନ୍ଦାଙ୍କୁ ଅବତାର ଫିଲ୍ମ ଅଫର ହୋଇଥିଲା ତାହେଲେ ସଲମାନ ଖାନଙ୍କୁ ଭୌତିକ ବିଜ୍ଞାନ ପାଇଁ ନୋବେଲ ପୁରସ୍କାର ଦିଆଯିବ ।’
ଅନ୍ୟଜଣେ ଲେଖିଥିଲେ,‘ ଯଦି ଗୋବିନ୍ଦାଙ୍କୁ ଅବତାର ଫିଲ୍ମ ମିଳିଥିଲା ତାହେଲେ ଓ ବାପାଙ୍କୁ ସୋଲେ ଫିଲ୍ମ ମିଳିଥିଲା କିନ୍ତୁ ସେ ଧର୍ମେନ୍ଦ୍ରଙ୍କ ସହ କାମ କରିବାକୁ ମନା କରିଦେଲେ ।’ପ୍ରକାଶଥାଉକି ଅବତାର 2009ରେ ସାରା ବିଶ୍ବରେ ରିଲିଜ ହୋଇଥିଲା ଓ ବିଶ୍ବର ସବୁଠୁ ଅଧିକା ବ୍ୟବସାୟ କରିଥିବା ଫିଲ୍ମ ଥିଲା ଅବତାର ମାତ୍ର ନିକଟରେ ‘ଆଭେଞ୍ଜର୍ସ ଏଣ୍ଡ ଗେମ୍’ ଏହି ରେକର୍ଡକୁ ଭାଙ୍ଗିଛି ।
