ମୁମ୍ବାଇ: ଟିଭିର ପପୁଲାର ଆକ୍ଟର କୁଶାଲ ଟଣ୍ଡନ ବର୍ତ୍ତମାନ ଉଦୟପୁରରେ ଅଛନ୍ତି । ଯେଉଁଠାରୁ ସେ ଫ୍ୟାନ୍ସଙ୍କ ପାଇଁ ନିଜର ଫଟୋ, ଭିଡିଓ ସେୟାର କରୁଛନ୍ତି । ହେଲେ ଏଥର ସେ ଦିବଙ୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ସହ ସମ୍ପୃକ୍ତ ଥିବା ଏକ ଭିଡିଓ ସେୟାର କରିଛନ୍ତି । ଯାହାକୁ ନେଇ ଇମୋସନାଲ ତାଙ୍କ ଫ୍ୟାନ୍ସ ।
କଥାଟି ହେଲା ଯେ ଉଦୟପୁରରେ ଏକ ହୋଟେଲକୁ ସେ ପରିବାର ସହ ରାତ୍ରି ଭୋଜନ ପାଇଁ ଯାଇଥିଲେ । ଯେଉଁଠାରେ ସୁଶାନ୍ତଙ୍କ ଅଭିନୀତ ଫିଲ୍ମ ‘ଏମଏମସ ଧୋନି’ର ପପୁଲାର ଗୀତ ‘କୌନ ତୁଝେ ପ୍ୟାର କରେଗା’ ବଇଁଶିରେ ବଜାଇଥିଲେ କିଛି ସ୍ଥାନୀୟ କଳାକାର । ଯାହା ଶୁଣି ସେ ଇମୋସନାଲ ହେବା ସହ ଏହି ଭିଡିଓକୁ ସେ ସୁଶାନ୍ତଙ୍କ ଏକ୍ସ ଗାର୍ଲଫ୍ରେଣ୍ଡ ଅଙ୍କିତାଙ୍କୁ ମଧ୍ୟ ପଠାଇଥିଲେ । ଆଉ ଭିଡିଓ ଉପରେ ଲେଖିଥିଲେ, ‘ଅଙ୍କିତା ଏହା ତୁମ ପାଇଁ ଯାହା ଆମ ଆଞ୍ଜେଲ ଫ୍ରେଣ୍ଡଙ୍କର ।’
ସେପଟେ ଅଙ୍କିତା ମଧ୍ୟ ଏହି ଭିଡିଓକୁ ଇନଷ୍ଟାଗ୍ରାମରେ ସେୟାର କରି ଖୁସି ପ୍ରକାଶ କରିଛନ୍ତି ।
