ମୁମ୍ବାଇ: ଏବେ ବଲିଉଡ ଅଭିନେତ୍ରୀ ଭୂମି ତାଙ୍କର ଆଗାମୀ ଚଳଚ୍ଚିତ୍ର 'ବଧାଇ ଦୋ'ର ସୁଟିଂରେ ବ୍ୟସ୍ତ ଅଛନ୍ତି । ସେ ଇନଷ୍ଟାଗ୍ରାମରେ ସୁଟିଂ ସ୍ଥାନରୁ କିଛି ଭିଡିଓ ଏବଂ ଫଟୋ ସେୟାର କରିଛନ୍ତି । ଇନଷ୍ଟାଗ୍ରାମ ପୋଷ୍ଟ ମାଧ୍ୟମରେ ଭୂମି କହିଥିଲେ ଯେ, ସେ ଜିରୋ ଡିଗ୍ରୀ ସେଲସିୟସରେ ସୁଟିଂ କରୁଛନ୍ତି ।
ସେୟାର କରିଥିବା ଏକ ଫଟୋରେ ଭୂମି ଖଟ ଉପରେ ଶୋଇଥିବାର ନଜର ଆସିଛନ୍ତି, ଯେଉଁଥିରେ କ୍ୟାପସନରେ ଭୂମି ଲେଖିଛନ୍ତି, 'ସୁମି ଆଜି ବିଛଣା ଛାଡିବାକୁ ଚାହୁଁନାହାଁନ୍ତି । HashtagSumidariesHashtagbadhaii 0 (ଡିଗ୍ରୀ ସେଲସିୟସ), 4.37 A.M. ' ।
ଭୂମି ସକାଳ 5.04 ରେ ଆଉ ଏକ ଫଟୋ ସେୟାର କରିଥିଲେ, ଯେଉଁଥିରେ ସେ ଗରମ କଫି ପିଉଥିବାର ଦେଖିବାକୁ ମିଳିଥିଲା । ଏହି ଫଟୋ ସହିତ କ୍ୟାପସନରେ ଭୂମି ଲେଖିଛନ୍ତି, 'କାରଣ ତୁମକୁ ଯାହା କରିବାକୁ ପଡିବ, ତୁମକୁ ତାହା କରିବାକୁ ହେବ । ମୋତେ ରେଡି ହେବାକୁ ପଡିବ ।
ଯଦିଓ ଫିଲ୍ମର ସୁଟିଂ କେଉଁଠି କରାଯାଉଛି, ତାହା ଭୂମି ଏପର୍ଯ୍ୟନ୍ତ ପ୍ରକାଶ କରିନାହାଁନ୍ତି ।
ପ୍ରକାଶ ଥାଉ ଯେ, ହର୍ଷବର୍ଦ୍ଧନ କୁଲକର୍ଣ୍ଣିଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରରେ ରାଜକୁମାର ରାଓ ମଧ୍ୟ ନଜର ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
