ନୂଆଦିଲ୍ଲୀ: ଅଭିନେତା ଅର୍ଜୁନ କପୁର କିଛି ଦିନ ହେବ ବାରମ୍ବାର ଚର୍ଚ୍ଚାରେ ଆସୁଛନ୍ତି । ଅର୍ଜୁନ ଏହି ସମୟରେ ନିଜ କାମ ପାଇଁ ନୁହେଁ ବରଂ ନିଜ ଲଭ ଲାଇଫକୁ ନେଇ ଫ୍ୟାନ୍ସଙ୍କ ଚର୍ଚ୍ଚାର ବିଷୟ ପାଲଟିଛନ୍ତି । ଇତିମଧ୍ୟରେ ଅର୍ଜୁନଙ୍କ ଅପକମିଂ ଫିଲ୍ମ 'ଇଣ୍ଡିଆଜ ମୋଷ୍ଟ ୱାଣ୍ଟେଡ'ର ପୋଷ୍ଟର ରିଲିଜ ହୋଇଯାଇଛି । ଅର୍ଜୁନ ନିଜ ଇନଷ୍ଟାଗ୍ରାମରେ ପୋଷ୍ଟର ପୋଷ୍ଟ କରି ଲେଖିଛନ୍ତି, "ମୁଁ ଇଣ୍ଡିଆଜ ମୋଷ୍ଟ ୱାଣ୍ଟେଡକୁ ଆପଣଙ୍କ ସହ ସେୟାର କରି ଗର୍ବିତ ଅନୁଭବ କରୁଛି ।"
- " class="align-text-top noRightClick twitterSection" data="
">
ସତ ଘଟଣା ଉପରେ ଆଧାରିତ ଏହି ଫିଲ୍ମରେ ଅବିଶ୍ବନୀୟ କାହାଣୀ ଦେଖିବାକୁ ମିଳିବ । ଫିଲ୍ମର ଟିଜର ଆସନ୍ତାକାଲି ରିଲିଜ ହେବାକୁ ଯାଉଛି । ପୋଷ୍ଟରରେ ଅର୍ଜୁନଙ୍କ ଚେହେରା ହାଫ ନଜର ଆସୁଛି । କିନ୍ତୁ ତାଙ୍କ ଲୁକକୁ ଦେଖି ଲାଗୁଛି ଯେ ଫିଲ୍ମଟି ଖୁବ୍ ମଜାଦାର ହେବାକୁ ଯାଉଛି ।
ଅନ୍ୟପଟେ ଏହି ପୋଷ୍ଟରକୁ ନେଇ ଟ୍ରୋଲ ମଧ୍ୟ ହୋଇଛନ୍ତି ଅର୍ଜୁନ । ସେ ପୋଷ୍ଟର ସେୟାର କରିବା ମାତ୍ରେ ତାଙ୍କୁ ୟୁଜର୍ସ ଟ୍ରୋଲ କରିବା ଆରମ୍ଭ କରିଦେଇଥିଲେ । ପୋଷ୍ଟରରେ ଜଣେ ୟୁଜର କମେଣ୍ଟ କରି ଲେଖିଛନ୍ତି, "ମୁଁ ଏହି ଫିଲ୍ମକୁ ଦେଖିବାକୁ ଆଦୌ ଯିବି ନାହିଁ ।" ସେହିଠାରେ ଆଉ ଜଣେ ଲେଖିଛନ୍ତି, "ଅର୍ଜୁନ କଣ ତୁମେ ଆଉ ଏକ ଫ୍ଲପ ଫିଲ୍ମ ପାଇଁ ପ୍ରସ୍ତୁତ ଅଛ।" ସେହିପରି ଆଉ କିଛି ୟୁଜର୍ସ ଅର୍ଜୁନ ଓ ମଲାଇକା ଅରୋରାଙ୍କ ବ୍ୟକ୍ତିଗତ ଜୀବନ ଉପରେ କମେଣ୍ଟ କରିଛନ୍ତି ।
ଟ୍ରୋଲର୍ସଙ୍କ ବ୍ୟତୀତ ଅର୍ଜୁନଙ୍କ ପୋଷ୍ଟରରେ ତାଙ୍କ ବନ୍ଧୁ ଓ କଥିତ ଗର୍ଲଫ୍ରେଣ୍ଡ ମଧ୍ୟ କମେଣ୍ଟ କରି ଇମୋଜି ପୋଷ୍ଟ କରିଛନ୍ତି । ଅନ୍ୟପଟେ ଅର୍ଜୁନଙ୍କ କୋ-ଷ୍ଟାର ରହିସାରିଥିବା ଅଭିନେତ୍ରୀ ପରିଣୀତି ଚୋପ୍ରା କମେଣ୍ଟ କରି କହିଛନ୍ତି, "ପୁରା ଚେହେରା ଦେଖାଯାଇନାହିଁ ତଥାପି ପୋଷ୍ଟର ମସ୍ତ ହୋଇଛି ।"
