ମୁମ୍ବାଇ: ବି-ଟାଉନର ଚୁଲବୁଲି ଅଭିନେତ୍ରୀ ତାପସୀ ପନ୍ନୁ ସୋସିଆଲ ମିଡିଆରେ ନିଜ ଟ୍ବିଟ ପାଇଁ ପ୍ରାୟ ଟ୍ରୋଲର୍ସଙ୍କ ଶିକାର ହୁଅନ୍ତି । ଯେବେ ମଧ୍ୟ ଦେଶରେ କୌଣିସ ପ୍ରସଙ୍ଗ ସାମ୍ନାକୁ ଆସେ । ତେବେ ତାପସୀ ନିଜ ପ୍ରତିକ୍ରିୟା ଦେବାରେ କେବେ ମଧ୍ୟ ପଛ ଘୁଞ୍ଚା ଦିଅନ୍ତି ନାହିଁ । ସେ ମିଠୁ ଅଭିଯାନଠୁ ନେଇ ଏନଆରସି, ସିଏବି, ସିଏଏ ଉପରେ ମଧ୍ୟ ଟ୍ବିଟ କରି ଚର୍ଚ୍ଚାରେ ଆସିସାରିଛନ୍ତି । ଗତ ରବିବାର ଜେଏନୟୁ ହିଂସାରେ ମଧ୍ୟ ତାପସୀ କ୍ରୋଧଭରା ଏକ ଟ୍ବିଟ କରିଥିଲେ ।
ଯାହାପରେ ତାଙ୍କୁ କିଛି ୟୁଜର୍ସ ଟ୍ରୋଲ କରିବାର ଆରମ୍ଭ କରିଦେଇଥିଲେ । ଜଣେ ୟୁଜର ତାପସୀଙ୍କୁ ଟ୍ବିଟ ଜରିଆରେ ପ୍ରଶ୍ନ କରିଥିଲେ ଯେ ତୁମ ଭାରତୀୟ ? ଏହି ପ୍ରଶ୍ନରେ କଡା ଜବାବ ଦେଇ ତାପସୀ ମଧ୍ୟ ଟ୍ବିଟରରେ ଲେଖିଥିଲେ, ‘ଏବେ ତୁମକୁ ମଧ୍ୟ ପେପର ଦେଖାଇବାକୁ ପଡିବ କି ?’
ତାପସୀଙ୍କ ଏହି ରିପ୍ଲାଇ ପରେ ଟ୍ବିଟର ଅନେକ ପ୍ରଶଂସକଙ୍କ ତାଙ୍କୁ ସମର୍ଥନ କରୁଥିବାର ନଜର ଆସୁଛନ୍ତି । ସେହିପରି କିଛି ପ୍ରଶଂସକ ତାଙ୍କ ଟ୍ବିଟରେ କମେଣ୍ଟ କରି କହିଛନ୍ତି ଯେ କଡା ଜବାବ ଦେଇଛ ମୁହଁ ବନ୍ଦ କରିଦେଇଛ । ସେହିପରି ତାଙ୍କ ବିରୋଧରେ ମଧ୍ୟ କିଛି ୟୁଜର୍ସଙ୍କ କମେଣ୍ଟ ଦେଖିବାକୁ ମିଳୁଛି । ଆଉ କିଛି ଲେଖିଛନ୍ତି ତାପସୀଙ୍କ ପାଖରେ ଭାରତୀୟ ହେବାର କୌଣସି ପେପର ନଥିବ ।
