ମୁମ୍ବାଇ: ଏହି ସମୟରେ ଦୀପାବଳିକୁ ନେଇ ସମସ୍ତେ ଏକ୍ସାଇଟେଡ ଅଛନ୍ତି । ଦୀପାବଳି ଧୁମଧାମରେ ପାଳନ କରିବା ପାଇଁ ପ୍ରସ୍ତୁତି ଆରମ୍ଭ କରିସାରିଲେଣି ଜନସାଧାରଣ । ସେପଟେ ବଲିଉଡରେ ମଧ୍ୟ ଦୀପାବଳି ପାର୍ଟି ଆରମ୍ଭ ହୋଇଯାଇଛି । ଅନେକ କଳାକାରଙ୍କୁ ଦୀପାବଳି ପାର୍ଟିରେ ଦେଖିବାକୁ ମିଳୁଛି । କିନ୍ତୁ ଏଥର ଦୀପାବଳି ସେଲିବ୍ରେଶନ କରିବେନି ଆଲିୟା ଭଟ୍ଟ । ହୁଏତଃ ଏକଥା ଶୁଣି ତାଙ୍କ ଫ୍ୟାନ୍ସଙ୍କ ମନ ଦୁଃଖ ହୋଇଯିବ । ତେବେ ଆସନ୍ତୁ ଜାଣିବା ଏହାର କାରଣ...
କଥାଟି ହେଲା କି ନିଜ ଆଗାମୀ ଫିଲ୍ମରେ ଖୁବ୍ ବ୍ୟସ୍ତ ଅଛନ୍ତି ଆଲିୟା । ପିତା ମହେଶ ଭଟ୍ଟଙ୍କ ଅପକମିଂ ଫିଲ୍ମ ‘ସଡ଼କ-2’ର ସୁଟିଂ ପାଇଁ ସେ ଉଟିକୁ ଯାତ୍ରା କରିସାରିଲେଣି । ଗତ କାଲି ତାଙ୍କୁ ମୁମ୍ବାଇ ଏୟାରପୋର୍ଟରେ ଦେଖିବାକୁ ମିଳିଥିଲା । ଏହି କାରଣ ପାଇଁ ଏଥର ଦୀପାବଳି ପରିବାର ସହ ସେଲିବ୍ରେଶନ କରିପାରିବେ ନାହିଁ ଆଲିୟା ।
ପ୍ରକାଶ ଥାଉକି ‘ସଡ଼କ 2’ରେ ଆଲିୟାଙ୍କ ସହ ରୋମାନ୍ସ କରିବେ ହ୍ୟାଣ୍ଡସମ ଆକ୍ଟର ଆଦିତ୍ୟ ରାୟ କପୁର । ଏହାସହ ଫିଲ୍ମରେ ସଞ୍ଜୁ ବାବା ସଞ୍ଜୟ ଦତ୍ତ ଓ ପୂଜା ଭଟ୍ଟ ମଧ୍ୟ ନଜର ଆସିବେ । ଆସନ୍ତା ବର୍ଷ ଜୁଲାଇ 10ରେ ଫିଲ୍ମର ରିଲିଜ କରିବାକୁ ଯୋଜନା କରିଛନ୍ତି ମେକର୍ସ । 1991 ଡିସେମ୍ବର 3ରେ ରିଲିଜ ହୋଇଥିବା ‘ସଡ଼କ’ ଫିଲ୍ମର ଏହା ସିକ୍ବେଲ ଫିଲ୍ମ । ଯାହାର ନିର୍ଦ୍ଦେଶନା ମହେଶ କରିଥିଲେ । ସଡ଼କରେ ସଞ୍ଜୟ ଓ ପୂଜାଙ୍କ କେମେଷ୍ଟ୍ରି ବ୍ଲକବଷ୍ଟର ସାବ୍ୟସ୍ତ ହୋଇଥିଲା ।
