ମୁମ୍ବାଇ: ଖୁବଶୀଘ୍ର ବଲିଉଡରେ ନୂଆ ଚେହେରା ଦେଖିବାକୁ ଯାଉଛନ୍ତି ଦର୍ଶକ । ସୈଫ ଅଲ୍ଲୀ ଖାନଙ୍କ ଆଗାମୀ ଫିଲ୍ମ ‘ଜୱାନୀ ଜାନେମନ’ରେ ଅଭିନେତ୍ରୀ ପୂଜା ବେଦୀଙ୍କ ଲାଡଲୀ ଅଲାୟା ଫର୍ଣ୍ଣିଚରୱାଲା ନଜର ଆସିବେ । ଆସନ୍ତା ମାସ 7ରେ ରିଲିଜ ହେବାକୁ ଯାଉଛି ଏହି ଫିଲ୍ମ। ସୈଫ ଓ ଅଲିୟାଙ୍କ ବ୍ୟତୀତ ଫିଲ୍ମରେ ତବ୍ବୁ ମଧ୍ୟ ମୁଖ୍ୟ ଭୂମିକାରେ ଦେଖାଯିବେ। ଇତିମଧ୍ୟରେ ଅଲିୟା ବି-ଟାଉନର କ୍ୟୁଟ ଅଭିନେତା କାର୍ତ୍ତିକ ଆର୍ୟନଙ୍କୁ ନେଇ ଏମିତି କିଛି କହିଛନ୍ତି । ଯାହା ଶୁଣି ସମସ୍ତେ ଆଶ୍ଚର୍ଯ୍ୟ ।
ବର୍ତ୍ତମାନ ଫିଲ୍ମ ପ୍ରମୋଶନରେ ବ୍ୟସ୍ତ ଥିବା ଅଲାୟା ନିକଟରେ ଏକ ଚାର୍ଟ ଶୋରେ ପହଞ୍ଚଥିଲେ । ଆଉ ଏହି ଶୋରେ ସେ କାର୍ତ୍ତିକଙ୍କୁ ନେଇ ଅନେକ ପ୍ରଶ୍ନର ଉତ୍ତର ଦେଇଥିଲେ । ସେ କହିଥିଲେ ଯେ କାର୍ତ୍ତିକଙ୍କ ସହ ବେଡ ସେୟାର କରିବାରେ ତାଙ୍କୁ କୌଣସି ଆପତ୍ତି ନାହିଁ ।
ଖାଲି ଏତିକି ନୁହେଁ ତାଙ୍କୁ ଶୋରେ ପ୍ରଶ୍ନ କରାଯାଇଥିଲା ଯେ ସାରା ଅଲ୍ଲୀ ଖାନ ଓ କାର୍ତ୍ତିକଙ୍କ ‘ଲଭ ଆଜକଲ’ ଫିଲ୍ମ ବୋଲ୍ଡ ସିନରେ ତାଙ୍କ ପ୍ରତିକ୍ରିୟା କଣ ? ଏହାର ଜବାବରେ ସେ କହିଥିଲେ ଯେ ସେ ‘ଲଭ ଆଜକଲ’ର ଟ୍ରେଲର ଦେଖିଛନ୍ତି । ଆଉ ସାରାଙ୍କ ପରିବର୍ତ୍ତେ ସେ ଯଦି ସେହି ସିନରେ ଥାଆନ୍ତେ ତେବେ ସିନକୁ ଆହୁରି ଦମଦାର କରିପାରିଥାଆନ୍ତେ । ତଥାପି ସାରା ଓ କାର୍ତ୍ତିକ ବୋଲ୍ଡ ସିନକୁ ଦମଦାର କରିବାରେ ସଫଳ ହୋଇଛନ୍ତି ।
ଏହାବ୍ୟତୀତ ସେ ନବାଗତ ଅଭିନେତ୍ରୀ ଅନନ୍ୟା ପାଣ୍ଡେଙ୍କ ବିଷୟରେ କହିଥିଲେ ଯେ ତାଙ୍କ ତୁଳନାରେ ସେ ପରିବାରବାଦ ଉପରେ ଭଲ ଜବାବ ଦେଇପାରିବେ । ଅନନ୍ୟାଙ୍କୁ ଯେବେ ପରିବାରବାଦ ଉପରେ ପ୍ରଶ୍ନ କରାଯାଉଛି ତେବେ ଅନନ୍ୟା ଏହାର ସଠିକ ଜବାବ ଦେଇପାରୁନାହଁନ୍ତି । ହେଲେ ପରିବାରବାଦ ଉପରେ ସେ ପରଫେକ୍ଟ ଜବାବ ଦେଇପାରିବେ ।
