ମୁମ୍ବାଇ: ଅକ୍ଷୟ କୁମାରଙ୍କ ମଲ୍ଟି ଷ୍ଟାର ଫିଲ୍ମ ‘ଗୁଡନ୍ୟୁଜ’ ଗତ ଶୁକ୍ରବାର ରିଲିଜ ହୋଇଥିଲା । ଏଯାବତ ଫିଲ୍ମ ବକ୍ସ ଅଫିସରେ ଶାନଦାର ପ୍ରଦର୍ଶନ କରିବାରେ ଲାଗିଛି । ଏହାସହ କଲେକ୍ସନ ମାମଲାରେ ମଧ୍ୟ ଫିଲ୍ମ ସମସ୍ତଙ୍କୁ ପଛରେ ପକାଇ ଦେଇଛି । ମୁଖ୍ୟତଃ ସଲମାନ ଖାନଙ୍କ ଚର୍ଚ୍ଚିତ ଫିଲ୍ମ ‘ଦବଙ୍ଗ 3’ କଲେକ୍ସନକୁ ଡାଉନ କରିଦେଇଛି ଫିଲ୍ମ । ଅକ୍ଷୟଙ୍କ ସହ ଫିଲ୍ମରେ ଦମଦାର କମେଡି ଅଭିନୟ କରିଛନ୍ତି କରୀନା କପୁର ଖାନ, ଦିଲଜିତ ଦୋସାଞ୍ଝ ଓ କିୟାରା ଆଡଭାନୀ । ରିଲିଜର ପ୍ରଥମ ଦିନରେ ବକ୍ସ ଅଫିସରେ ଚହଳ ସୃଷ୍ଟି କରିଥିବା ଫିଲ୍ମ ‘ଗୁଡନ୍ୟୁଜ’ ପଞ୍ଚମ ଦିନରେ ଆସି ପହଞ୍ଚିଛି ।
ବର୍ତ୍ତମାନ ଏହି ଫିଲ୍ମ ବଡ ଟେଷ୍ଟ ପାସ୍ କରିନେଇଛି । ନୂଆ ବର୍ଷର ଫାଇଦା ଉଠାଇ ନେଇଛି ଫିଲ୍ମ । ବକ୍ସ ଅଫିସ ଇଣ୍ଡିଆ ଅନୁଯାୟୀ ‘ଗୁଡନ୍ୟୁଜ’ ପଞ୍ଚମ ଦିନରେ 16 କୋଟି ଟଙ୍କା ଆୟ କରିବାରେ ସଫଳ ହୋଇଛି । ଏଯାବତ ଫିଲ୍ମଟି ପାଖାପାଖି 94 କୋଟି ଆୟ କରିସାରିଲାଣି । ବର୍ତ୍ତମାନ ଆଶା କରାଯାଉଛି ଯେ ଫିଲ୍ମଟି ରିଲିଜର ପ୍ରଥମ ସପ୍ତାହରେ 115 କୋଟି ଆୟ କରିନେବ । ଫିଲ୍ମର ବଢୁଥିବାର କଲେକ୍ସନ ଦେଖି ଏପରି ଅନ୍ଦାଜ ଲଗାଇଛନ୍ତି କ୍ରିଟିକ୍ସ । ତେବେ ଦେଖିବାକୁ ଗଲେ ନୂଆ ବର୍ଷ ଗୁଡନ୍ୟୁଜ ପାଇଁ ଖାସ୍ ସାବ୍ୟସ୍ତ ହୋଇଛି ।
ପ୍ରକାଶ ଥାଉକି ‘ଗୁଡନ୍ୟୁଜ’ର ଆଉ ମାତ୍ର ତିନି ଦିନର କଲେକ୍ସନ ବାକି ଅଛି । ଯାହା ଫିଲ୍ମକୁ 100 କୋଟି କ୍ଲବରେ ସାମିଲ କରାଇବ । ଚଳିତ ବର୍ଷ ଅକ୍ଷୟ ଫିଲ୍ମ ‘କେସରୀ’ ଜରିଆରେ ବକ୍ସ ଅଫିସରେ ହିଟ ଆରମ୍ଭ କରିଥିଲେ । ଏହାପରେ ତାଙ୍କ ‘ମିଶନ ମଙ୍ଗଲ’ ଓ ‘ହାଉସଫୁଲ 4’ ବକ୍ସ ଅଫିସରେ ହିଟ୍ ସାବ୍ୟସ୍ତ ହୋଇଥିଲା । ଆଉ 2020 ମଧ୍ୟ ସେ ‘ଗୁଡନ୍ୟୁଜ’ ଫିଲ୍ମ ଜରିଆରୁ ଆରମ୍ଭ କରିଛନ୍ତି । ଏବେ ଦେଖିବା ବାକି ରହିଲା କି ଆଗାମୀ ଭବିଷ୍ୟତରେ ସେ ଆଉ କେଉଁ କେଉଁ ଦମଦାର କାହାଣୀ ନେଇ ପରଦାରେ ନଜର ଆସିବେ ।
