ମୁମ୍ବାଇ: କିଛି ଦିନରୁ ସୋସିଆଲ ମିଡିଆରେ ବେଶ୍ ଆକ୍ଟିଭ ନଜର ଆସୁଛନ୍ତି ଦୀପିକା ପାଦୁକୋନ । ସେ ଫ୍ୟାନ୍ସଙ୍କୁ ମନୋରଞ୍ଜନ କରିବା ପାଇଁ ପ୍ରାୟତଃ କିଛି ନା କିଛି ପୋଷ୍ଟ କରୁଥିବାର ଦେଖାଯାଉଛନ୍ତି । ହେଲେ ଏଥର ସେ ଅଜବ-ଗଜବ ଭିଡିଓ ସେୟାର କରି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି । ଭାଇରାଲ ହେଉଥିବା ଭିଡିଓରେ ସବୁଆଡେ ଦୀପିକାଙ୍କୁ ଦେଖିବାକୁ ମିଳୁଛି । ସେପଟେ ଫ୍ୟାନ୍ସ ତାଙ୍କ ଏହି ଅନ୍ଦାଜ ଦେଖି କନଫ୍ୟୁଜ ।
- " class="align-text-top noRightClick twitterSection" data="
">
କଥାଟି ହେଲା ଯେ ଇନଷ୍ଟାଗ୍ରାମରେ ଦୀପିକା ନିଜର ଏକ ଭିଡିଓ ସେୟାର କରିଥିଲେ । ଯେଉଁଥିରେ କ୍ୟାମେରା ଏଡିଟିଂ ଜରିଆରେ ସେ ଭିଡିଓକୁ ଆଶ୍ଚର୍ଯ୍ୟକର ରୂପ ଦେଇଛନ୍ତି । ଆଉ ସବୁ ସ୍ଥାନରେ କେବଳ ସେ ନଜର ଆସୁଛନ୍ତି । ଯାହାର କ୍ୟାପସନରେ ଲେଖିଛନ୍ତି, ‘ଆଉଟ ଅଫ୍ ଦିସ୍ ୱାର୍ଲ୍ଡ । ଇନିଟ୍ ।’
ଯଦି ଦୀପିକା ଫିଲ୍ମ ବିଷୟରେ କଥା ହେବା ତାହାଲେ ସେ ବର୍ତ୍ତମାନ ନିର୍ଦ୍ଦେଶକ ଶକୁନ ବାତ୍ରାଙ୍କ ଆଗାମୀ ଫିଲ୍ମର ସୁଟିଂରେ ବ୍ୟସ୍ତ ଅଛନ୍ତି । ଯେଉଁଥିରେ ତାଙ୍କ ସହ ସିଦ୍ଧାନ୍ତ ଚତୁର୍ବେଦୀ ଓ ଅନନ୍ୟା ପାଣ୍ଡେ ନଜର ଆସିବେ । ସେହିପରି ଖୁବଶୀଘ୍ର ରିଲିଜ ହେବାକୁ ଯାଉଛି ତାଙ୍କ ସ୍ପୋର୍ଟ୍ସ ଡ୍ରାମା ଫିଲ୍ମ ‘83’ରେ । ବିବାହ ପରେ ସେ ପ୍ରଥମଥର ସ୍ବାମୀ, ଅଭିନେତା ରଣବୀର ସିଂଙ୍କ ସହ ଏଥିରେ ନଜର ଆସିବେ । ଯାହାକୁ ନେଇ ଏକ୍ସାଇଟେଡ ଦର୍ଶକ ।
