ମୁମ୍ବାଇ: ବବି ଦେଓଲ ଗତ ବର୍ଷ ଡିଜିଟାଲ ଡେବ୍ୟୁ କରିଥିଲେ । ତାଙ୍କ ଅଭିନୀତ ଡେବ୍ୟୁ ସିରିଜ ‘ଆଶ୍ରମ’ର ଚର୍ଚ୍ଚା ସବୁ ମହଲରେ । ପ୍ରଥମ ୱେବ ସିରିଜରୁ ଅଭିନେତାଙ୍କୁ ମିଳିଛି ବଡ ସମ୍ମାନ । ଯାହାକୁ ନେଇ ଖୁସି ତାଙ୍କ ଫ୍ୟାନ୍ସ । କାରଣ ‘ଆଶ୍ରମ’ ପାଇଁ ବବିଙ୍କୁ ଦାଦାସାହେବ ଫାଲକେ ଶ୍ରେଷ୍ଠ ଅଭିନେତା ପୁରସ୍କାର ପ୍ରଦାନ କରାଯାଇଛି।
ଗତ 20 ତାରିଖରେ ଦାଦାସାହେବ ଫାଲକେ ପୁରସ୍କାର ଅନୁଷ୍ଠିତ ହୋଇଥିଲା । ଏହି ସମାରୋହରେ ପୁରସ୍କାର ଜିତିବା ପରେ ବବି ସୋସିଆଲ ମିଡିଆରେ ମା' ପ୍ରକାଶ କୌରଙ୍କ ସହ ଏକ ସୁନ୍ଦର ଫଟୋ ସେୟାର କରିଛନ୍ତି ଖୁସି ଜାହିର କରିଛନ୍ତି । ଯାହା ବର୍ତ୍ତମାନ ଖୁବ୍ ଭାଇରାଲ ହେଉଛି। ଆଉ ଏହାର କ୍ୟାପସନରେ ସେ ଲେଖିଛନ୍ତି, ‘ଏହି ଶାନଦାର ମୁହୂର୍ତ୍ତ ମା'ଙ୍କ ସହ ।’
ସେପଟେ ବବିଙ୍କ ବ୍ୟତୀତ 'ଲୁଟକେସ' ଫିଲ୍ମ ପାଇଁ ଦାଦାସାହେବ ଫାଲକେ ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲରେ ଶ୍ରେଷ୍ଠ ଅଭିନେତା (କମେଡି)ର ଆଓ୍ବାର୍ଡ ଜିତିଛନ୍ତି କୁନାଲ ଖେମୁ ।
ପ୍ରକାଶ ଥାଉକି, ଗତ ବର୍ଷ ଅଗଷ୍ଟ 28ରେ ଏମଏକ୍ସ ପ୍ଲେୟାରରେ ଷ୍ଟ୍ରିମିଂ ହୋଇଥିଲା ଏହି ସିରିଜ । ଯେଉଁଥିରେ ବବି ଜଣେ ଭଣ୍ଡ ବାବା ନିରାଲା ଭୂମିକାରେ ଅଭିନୟ କରିଥିଲେ । ପ୍ରଥମ ସିରିଜର ସଫଳତା ପରେ ମେକର୍ସ ଦ୍ବିତୀୟ ପାର୍ଟ ଆଣିଥିଲେ । ଯାହାକୁ ଖୁବ୍ ପସନ୍ଦ କରିଛନ୍ତି ଦର୍ଶକ ।
