ଓ୍ବାଶିଂଟନ: ଅରବପତି ଏଲନ ମସ୍କଙ୍କ ନୂଆ ପ୍ରୟାସ । ଖୁବ ଶୀଘ୍ର ମନୁଷ୍ୟ ମସ୍ତିଷ୍କରେ ଲାଗିବାକୁ ଯାଉଛି ଚିପ । ମଣିଷ ମସ୍ତିଷ୍କରେ ଏଣିକି କମ୍ପ୍ୟୁଟର ଚିପ ଲାଗିବ । କଥାଟି ଆଶ୍ଚର୍ଯ୍ୟ ଲାଗିଲେ ବି ସତ । ଏଣିକି ଅସମ୍ଭବ ମନେହେଉଥିବା କାର୍ଯ୍ୟ ମଧ୍ୟ ସମ୍ଭବ ହେବ । ଏହାର ମାନବ ପରୀକ୍ଷଣ ପାଇଁ ଏଲନ ମସ୍କଙ୍କ ବ୍ରେନ ଚିପ କମ୍ପାନୀ ନ୍ୟୁରୋଲିଙ୍କକୁ ଆମେରିକାର ଫୁଡ ଆଣ୍ଡ ଡ୍ରଗ ଆଡମିନେଷ୍ଟ୍ରେସନ(FDA) ଅନୁମତି ଦେଇଛି । ଯାହା ସାହାଯ୍ୟରେ ମାନବ ମସ୍ତିଷ୍କକୁ ନିୟନ୍ତ୍ରଣ କରାଯାଇପାରିବ । କମ୍ପ୍ୟୁଟର ସହ ଏହାକୁ ସଂଯୋଗ କରାଯିବ । ଦୀର୍ଘ ବର୍ଷର ପ୍ରଚେଷ୍ଟା ପରେ କମ୍ପାନୀ ପାଇଁ ଏହା ଏକ ବଡ ସଫଳତା ବୋଲି ଚର୍ଚ୍ଚା ହେଉଛି ।
-
We are excited to share that we have received the FDA’s approval to launch our first-in-human clinical study!
— Neuralink (@neuralink) May 25, 2023 " class="align-text-top noRightClick twitterSection" data="
This is the result of incredible work by the Neuralink team in close collaboration with the FDA and represents an important first step that will one day allow our…
">We are excited to share that we have received the FDA’s approval to launch our first-in-human clinical study!
— Neuralink (@neuralink) May 25, 2023
This is the result of incredible work by the Neuralink team in close collaboration with the FDA and represents an important first step that will one day allow our…We are excited to share that we have received the FDA’s approval to launch our first-in-human clinical study!
— Neuralink (@neuralink) May 25, 2023
This is the result of incredible work by the Neuralink team in close collaboration with the FDA and represents an important first step that will one day allow our…
ଏନେଇ ଟ୍ବିଟ କରି ନ୍ୟୁରୋଲିଙ୍କ ପକ୍ଷରୁ କୁହାଯାଇଛି,"ଆମେ ଉତ୍ସାହିତ ଯେ, ମାନବ ପରୀକ୍ଷଣ ପାଇଁ ଆମେ ଏଫଡିଏ ଠାରୁ ଅନୁମତି ପାଇଛୁ । ମସ୍ତିଷ୍କ ପ୍ରତିରୋପଣ ଲୋକଙ୍କୁ ମେଦବହୁଳତା, ସ୍କିଜୋଫ୍ରେନିୟା ଭଳି ରୋଗରୁ ମୁକ୍ତି ଦେଇଥାଏ । ଓ୍ବେବ ବ୍ରାଉଜିଂ ଏବଂ ଟେଲିପାଥିରେ ମଧ୍ୟ ସକ୍ଷମ କରିପାରେ । FDA ସହିତ ଘନିଷ୍ଠ ସହଯୋଗରେ ନ୍ୟୁରାଲିଙ୍କ ଦଳ ଦ୍ୱାରା ଏକ ଅବିଶ୍ବସନୀୟ କାର୍ଯ୍ୟ କରିବାକୁ ଯାଉଛି । କ୍ଲିନିକାଲ ତାରିଖ ଘୋଷଣା କରାଯାଇନାହିଁ । କିନ୍ତୁ ଖୁବ ଶୀଘ୍ର ଘୋଷଣା କରାଯିବ ।"
ଏହା ଦ୍ବାରା କେଉଁ ସୁବିଧା ମିଳିବ: ଏହାକୁ ସ୍ନାୟବିକ ରୋଗର ଚିକିତ୍ସା, ମନୁଷ୍ୟ ଏବଂ ମେସିନ ମଧ୍ୟରେ ସମ୍ପର୍କ ସ୍ଥାପନ କରିବା ଏବଂ ମଣିଷର ସ୍ମରଣ ଶକ୍ତି ବୃଦ୍ଧି କରିବାରେ ସହାୟକ ହେବ । ତେବେ ପରୀକ୍ଷଣ ସଫଳ ହେଲେ ଦୃଷ୍ଟି ବାଧିତ ବ୍ୟକ୍ତି ମଧ୍ୟ ଦେଖିପାରିବେ । ପକ୍ଷାଘାତ ରୋଗୀଙ୍କ ପାଇଁ ମଧ୍ୟ ଏହା ବେଶ ସହାୟକ ହେବ । ସେମାନେ ମୋବାଇଲ ଚଳାଇପାରିବେ । ସ୍ନାୟୁଗତ ସମସ୍ୟା, ମେରୁଦଣ୍ଡରେ ଆଘାତ ଭଳି ସମସ୍ୟା ଦେଇ ଗତି କରୁଥିବା ରୋଗୀମାନେ ଯେଉଁ କାମ କରିପାରୁନଥିଲେ, ଏହି ଚିପ ଦ୍ବାରା ସମସ୍ତ କାର୍ଯ୍ୟ କରିବାକୁ ସକ୍ଷମ ହେବେ ।
ତେବେ ଏହି ସଫଳତା ପାଇଁ ମସ୍କ ମଧ୍ୟ ତାଙ୍କ ଟିମକୁ ଧନ୍ୟବାଦ ଜଣାଇଛନ୍ତି । ଏନେଇ ମସ୍କ କହିଛନ୍ତି, "ଏହି ଉପକରଣ ଗୁଡିକର ସୁରକ୍ଷାକୁ ନେଇ ମୁଁ ବହୁତ ଆତ୍ମବିଶ୍ବାସୀ । ଏଗୁଡିକୁ ନିଜ ପିଲାଙ୍କ ଠାରେ ପ୍ରତିରୋପଣ କରିବା ପାଇଁ ଚାହିଁବି । ଆମର ଏହି ଟେକ୍ନୋଲୋଜି ଅନେକ ଲୋକଙ୍କୁ ସାହାଯ୍ୟ କରିବ । "
ପ୍ରକାଶଥାଉକି, 2016 ମସିହାରେ ଏଲନ ମସ୍କ ନ୍ୟୁରୋଲିଙ୍କ ସ୍ଥାପନ କରିଥିଲେ । କିନ୍ତୁ ଚିପକୁ ମାନବ ପରୀକ୍ଷଣ ନିମନ୍ତେ ଅନୁମତି ମିଳୁନଥିଲା । 2019 ମସିହାରେ ମସ୍କ ଅନେକ ଥର ମାନବ ପରୀକ୍ଷଣ ପାଇଁ ଚେଷ୍ଟା କରିଥିଲେ । କିନ୍ତୁ ଅନୁମତି ମିଳିନଥିଲା । ଏହାପରେ 2022ରେ ପରୀକ୍ଷଣ ପାଇ ଆବେଦନ କରିଥିବା ସତ୍ତ୍ବେ ଏଫଡିଏ ପ୍ରତ୍ୟାଖାନ କରିଥିଲା । 2019 ମସିହାରେ ଏହା ପଶୁଙ୍କ ଉପରେ ପରୀକ୍ଷଣ କରାଯାଇଥିଲା । ଏନେଇ କମ୍ପାନୀ ପକ୍ଷରୁ ଏକ ଭିଡିଓ ମଧ୍ୟ ଜାରି କରାଯାଇଥିଲା ।
କହିରଖୁଛୁ କି, ନ୍ୟୁରୋଲିଙ୍କ ମୁଦ୍ରା ଆକାରରେ ଏକ ଡିଭାଇସ ତିଆରି କରିଛି । ଏହାର ନାମ ଲିଙ୍କ ରଖାଯାଇଛି । ଏହି ଚିପ କମ୍ପ୍ୟୁଟର, ମୋବାଇଲ ଏବଂ ଅନ୍ୟ ଉପକରଣକୁ ମସ୍ତିଷ୍କର କାର୍ଯ୍ୟକଳାପ ସହ ନିୟନ୍ତ୍ରଣ କରିବାରେ ସକ୍ଷମ ହୋଇପାରେ । ଏହି ଚିପରେ ଅନେକ ସଂଖ୍ୟାରେ ସୂକ୍ଷ୍ମ ଇଲେକଟ୍ରୋଡ୍ସ ରହିଛି । ଏହା ମଣିଷର କାର୍ଯ୍ୟକଳାପକୁ ରେକର୍ଡ କରିପାରିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
