ହାଇଦ୍ରାବାଦ: ଇସ୍ରାଏଲ ଗାଜାରେ ଜାରି ରଖିଥିବା ସାମରିକ ଅଭିଯାନ ମାସେରୁ ଅଧିକ ସମୟ ଧରି ଜାରି ରହିଥିବା ବେଳେ 11 ହଜାର ଲୋକଙ୍କ ପ୍ରାଣହାନୀ ଘଟିସାରିଲାଣି । ଯେପର୍ଯ୍ୟନ୍ତ ସମସ୍ତ ଇସ୍ରାଏଲୀ ବନ୍ଦୀ ମୁକ୍ତ ହୋଇନାହାନ୍ତି, ସେପର୍ଯ୍ୟନ୍ତ ଅସ୍ତ୍ରବିରତିର ପ୍ରଶ୍ନ ଉଠୁନାହିଁ ବୋଲି କହିସାରିଥିବା ପ୍ରଧାନମନ୍ତ୍ରୀ ନେତାନ୍ୟାହୁ ଆଜି ଆଉ ଏକ ଚେତାବନୀ ଦେଇଛନ୍ତି । ଆଜି ଗାଜାସୀମାରେ ଇସ୍ରାଏଲ ଡିଫେନ୍ସ ଫୋର୍ସର ଯବାନ ଓ ସେନାଧିକାରୀଙ୍କ ସହ ସାକ୍ଷାତ କରିଛନ୍ତି ନେତାନ୍ୟାହୁ । ଏହି ଅବସରରେ ସେ କହିଛନ୍ତି, ଏହି ଅପରେସନ ଜାରି ରହିବ । ଇସ୍ରାଏଲ ହମାସକୁ ଶେଷ। ମଧ୍ୟ କରିବ ଓ ନିଜ ବନ୍ଦୀ ନାଗରିକଙ୍କୁ ଉଦ୍ଧାର ମଧ୍ୟ କରିବ ।
ଗତକାଲି ପ୍ରଧାନମନ୍ତ୍ରୀ ନେତାନ୍ୟାହୁ ଓ ପ୍ରତିରକ୍ଷା ମନ୍ତ୍ରୀ ୟୋଭା ଗାଲାଣ୍ଟ ଏକ ମିଳିତ ପ୍ରେସମିଟ କରିଥିଲେ । ଇସ୍ରାଏଲ ଜାରି ରଖିଥିବା ସାମରିକ ଅପରେସନକୁ ସମର୍ଥନ କରିବା ପାଇଁ ସେ ପଶ୍ଚିମ ରାଷ୍ଟ୍ରମାନଙ୍କୁ ଅନୁରୋଧ କରିଥିଲେ । ଆତଙ୍କବାଦ ବିରୋଧରେ ଇସ୍ରାଏଲର ବିଜୟ ସମଗ୍ର ମୁକ୍ତ ବିଶ୍ବ ପାଇଁ ବିଜୟ ହେବ ବୋଲି ସେମାନେ କରିଥିଲେ । ଅନ୍ୟ ଏକ ବଡ ସୂଚନା ମଧ୍ୟ ଏହି ପ୍ରେସମିଟରେ ସାମ୍ନାକୁ ଆସିଛି । ଯୁଦ୍ଧ ଶେଷ ହେବା ପରେ ଗାଜାର ନିୟନ୍ତ୍ରଣ ପୁନର୍ବାର ପାଲେଷ୍ଟାଇନ ଅଧୀନକୁ ଫେରିନପାରେ । ଗାଜାରେ ପାଲେଷ୍ଟାଇନର ନିୟନ୍ତ୍ରଣକୁ ଇସ୍ରାଏଲ ବିରୋଧ କରିପାରେ ବୋଲି ସେମାନେ ମତ କରିଥିଲେ । ଏହା ପୁଣି ଥରେ ଗାଜାକୁ ଇସ୍ରାଏଲ ଦଖଲ ନେଇପାରେ ବୋଲି ସଙ୍କେତ କରିଥିଲେ
।