ନୂଆଦିଲ୍ଲୀ: ଇସ୍ରାଏଲକୁ ଭାରି ପଡିଲା ଏୟାରଷ୍ଟ୍ରାଇକ । ମିସାଇଲରେ ଜବାବ ଦେଲା ଗାଜା । ଇସ୍ରାଇଲ ଏୟାରଷ୍ଟ୍ରାଇକ ପରେ ଶତାଧିକ ମିସାଇଲ ଆଟାକ କରିଚାଲିଛି ଗାଜା । ଇସ୍ରାଏଲ ଏୟାରଷ୍ଟ୍ରାଇକରେ ମୃତ୍ୟୁବରଣ କରିଥିଲା ଇସଲାମିକ ଜିହାଦୀର କମାଣ୍ଡର ।
ଗତ ମଙ୍ଗଳବାର ଏହି ଆଟାକ କରାଯାଇଥିବାବେଳେ ଉତ୍ତର ଗାଜାରେ ଥିବା ଆତଙ୍କବାଦୀ ଅବୁ ଅଲ ଅବୁ ଅତ୍ତା ନିହତ ହୋଇଥିଲା । ଇସ୍ରାଏଲର ପ୍ରତିରକ୍ଷା ମନ୍ତ୍ରଣାଳୟ ଅନୁଯାୟୀ, ଆତଙ୍କୀ ଅତ୍ତା ଏକ ବଡ ଆକ୍ରମଣ ହମଲାର ଯୋଜନା ଚଳାଇଥିଲା । ଯାହାର ସୂଚନା ପାଇ ଏୟାରଷ୍ଟ୍ରାଇକ କରାଯାଇଥିଲା ।
ଅବୁ ଅତ୍ତା ବହୁତ ଆକ୍ରମଣର ମାଷ୍ଟରମାଇଣ୍ଡ ଥିଲା । ଏପରିକି ସେ ବିଭିନ୍ନ ସ୍ଥାନରେ ସେ ଗୋଳାବାରୁଦ ଘଟଣାରେ ସାମିଲ ଥିବା ନେଇ କହିଛନ୍ତି ଇସ୍ରାଏଲ ପ୍ରଧାନମନ୍ତ୍ରୀ ବିଜେମିନ ନେତାନ୍ୟାହୁ । ତେବେ ଏୟାରଷ୍ଟ୍ରାଇକର 2 ଘଣ୍ଟା ପରେ ଦକ୍ଷିଣ ଇସ୍ରାଏଲରେ ସାଇରନ ବାଜିବା ଆରମ୍ଭ କରିଥିଲା । ଆଉ ଗୋଟିଏ ପରେ ଗୋଟିଏ ମିସାଇଲ ହମଲା କରିଚାଲିଥିଲା ଗାଜା । ଏହି ଘଟଣାରେ 7ଜଣଙ୍କ ମୃତ୍ୟୁ ହୋଇଥିବାବେଳେ ଶତାଧିକ ଲୋକେ ଆହତ ହୋଇଛନ୍ତି ।
