ୱେଲିଙ୍ଗଟନ: ଭାରତରୁ ଯାତ୍ରା କରି ନ୍ୟୁଜଲାଣ୍ଡରେ ପହଞ୍ଚୁଥିବା ଅଧିକାଂଶ ଯାତ୍ରୀ କୋରୋନା ପଜିଟିଭ ଚିହ୍ନଟ ହେବା ପରେ ଭାରତରୁ ଯାତ୍ରାକୁ ସ୍ଥଗିତ ରଖିଛି ନ୍ୟୁଜିଲ୍ୟାଣ୍ଡ । ଆସନ୍ତା ରବିବାରଠାରୁ ଏପ୍ରିଲ 28 ତାରିଖ ପର୍ଯ୍ୟନ୍ତ ଭାରତରୁ ଦେଶକୁ ଯାତ୍ରା ସ୍ଥଗିତ ରଖିବା ପାଇଁ ନ୍ୟୁଜିଲ୍ୟାଣ୍ଡ ପ୍ରଧାନମନ୍ତ୍ରୀ ଜାକିଣ୍ଡା ଆରଡର୍ନ ଗୁରୁବାର ସୂଚନା ଦେଇଛନ୍ତି ।
ନ୍ୟୁଜିଲାଣ୍ଡରେ କୋଭିଡ ସଂକ୍ରମଣକୁ ରୋକିବା ପାଇଁ ପିଏମ ଆରଡର୍ନ ଏହି ନିଷ୍ପତ୍ତି ନେଇଛନ୍ତି । ତେବେ ଯେଉଁ ଦେଶରୁ ଅଧିକ ସଂକ୍ରମିତ ଚିହ୍ନଟ ହେଉଛନ୍ତି ସେହି ସ୍ଥାନରୁ ଯାତ୍ରୀଙ୍କ ଆଗମନକୁ ରୋକିବା ପାଇଁ ଦେଶ ସ୍ଥିର କରିଛି । ଦେଶରେ ପ୍ରଥମ ଥର ପାଇଁ କୌଣସି ଦେଶରୁ ଲୋକଙ୍କ ଆଗମନକୁ ଦେଶ ରୋକିଥିବା ପ୍ରଧାନମନ୍ତ୍ରୀ କହିଛନ୍ତି । ନ୍ୟୁଜିଲ୍ୟାଣ୍ଡ ଏହି ସଂକ୍ରମଣକୁ ରୋକିବାରେ ସଫଳ ହୋଇଛି । ଏଣୁ ଦେଶରେ ଯେକୌଣସି ବ୍ୟକ୍ତି ସଙ୍ଗରୋଧରେ ନ ରହି କୋଭିଡ ପଜିଟିଭ ଚିହ୍ନଟ ହେଉଛନ୍ତି ଏହାକୁ ଗୁରୁତର ଭାବରେ ନେଉଛନ୍ତି ନ୍ୟୁଜିଲ୍ୟାଣ୍ଡ ସରକାର ।
