ଇସଲାମାବାଦ: ପାକିସ୍ତାନରେ ଅଣାୟତ୍ତ ହେବାରେ ଲାଗିଛି କୋରୋନା ସଂକ୍ରମଣ । ଗତ 24 ଘଣ୍ଟାରେ ଦେଶରେ ମୋଟ 1991 ନୂଆ ମାମଲା ଚିହ୍ନଟ ହୋଇଥିବା ବେଳେ ଏହି ସଂଖ୍ୟା ସହ ଦେଶରେ ମୋଟ କୋରୋନା ଆକ୍ରାନ୍ତ ସଂଖ୍ୟା 29,464ରେ ପହଞ୍ଚିଛି । ଏନେଇ ରବିବାର ସୂଚନା ଦେଇଛି ଜାତୀୟ କମାଣ୍ଡ ଓ ଅପରେସନ ସେଣ୍ଟର ।
ଗତ 24 ଘଣ୍ଟା ମଧ୍ୟରେ ଦେଶରେ 21 ଜଣଙ୍କ ମୃତ୍ୟୁ ହୋଇଥିବା ଜଣା ପଡିଛି । ଏଥିସହ ମୋଟ କୋରୋନା ମୃତ୍ୟୁ ସଂଖ୍ୟା 639କୁ ବୃଦ୍ଧି ପାଇଥିବା ଜଣା ପଡିଛି । ସେପଟେ କୋରୋନା ସଂକ୍ରମଣରେ ପଞ୍ଜାବ ପ୍ରାନ୍ତରେ ଥିବା ଲୋକେ ସର୍ବାଧିକ କ୍ଷତିଗ୍ରସ୍ତ ହୋଇଥିବା ଜଣା ପଡିଛି । ଏଠାରେ ମୋଟ ଆକ୍ରାନ୍ତ ସଂଖ୍ୟା 11,093 ରହିଥିବା ବେଳେ ମୃତ୍ୟୁ ସଂଖ୍ୟା 193 ରହିଛି । ଏହାପରେ ଦେଶରେ ଦ୍ବିତୀୟ ସର୍ବାଧିକ ପ୍ରଭାବିତ ସ୍ଥାନ ପାଲଟିଛି ସିନ୍ଧ ପ୍ରାନ୍ତ । ଏଠାରେ ମୋଟ 10,771 ଜଣ ଆକ୍ରାନ୍ତ ଚିହ୍ନଟ ହେବା ସହ ମୃତ୍ୟୁ ସଂଖ୍ୟା 180 ରହିଛି ।
ସେପଟେ ରାଜଧାନୀ ଇସଲାମାବାଦରେ ଏଯାବତ 641 ମାମଲା ଚିହ୍ନଟ ସହ 5ଟି ମୃତ୍ୟୁ ରେକର୍ଡ ହୋଇଛି । ତେଣେ ଦେଶରେ କୋରୋନାର ବଢୁଥିବା ପ୍ରକୋପ ଦେଖି ପ୍ରଚଳିତ ଲକଡାଉନ ଅବଧି 31 ମେ ଯାଏଁ ବୃଦ୍ଧି କରିଛନ୍ତି ଇମରାନ ସରକାର ।
@IANS
