କାବୁଲ: ଆଫଗାନିସ୍ତାନରେ ସୁରକ୍ଷାକର୍ମୀ ଏବଂ ତାଲିବାନ ଆତଙ୍କବାଦୀଙ୍କ ମଧ୍ୟରେ ପୁଣିଥରେ ସଂଘର୍ଷ ହୋଇଛି । ତାଲିବାନ ଆତଙ୍କବାଦୀଙ୍କ ଆକ୍ରମଣର ଜବାବ ଦେବାକୁ ଯାଇ ଅତି କମରେ 25 ଜଣ ଆତଙ୍କବାଦୀଙ୍କୁ ନିହତ କରିଛନ୍ତି ଆଫଗାନ ସୈନ୍ୟ । ଏହି ସଂଘର୍ଷରେ ଅନ୍ୟ 8 ଜଣ ଆହତ ହୋଇଛନ୍ତି । ସରକାରୀ ମୁଖପାତ୍ର ସୋମବାର ଏନେଇ ସୂଚନା ଦେଇଛନ୍ତି ।
ସରକାରୀ ମୁଖପାତ୍ର ଅସଦୁଲ୍ଲା ଦୌଲାତଜାଇଙ୍କ କହିବା ଅନୁଯାୟୀ, ଆତଙ୍କବାଦୀମାନେ ରବିବାର ମଧ୍ୟରାତ୍ରିର ଆଫଗାନିସ୍ତାନ ଉତ୍ତର ପ୍ରାନ୍ତର ରାଜଧାନୀ ମେହେରଲାମର ଜୟବନ୍ ଅଞ୍ଚଳରେ ସୁରକ୍ଷାକର୍ମୀଙ୍କ ଉପରେ ଆକ୍ରମଣ କରିଥିଲେ। ସୁରକ୍ଷାକର୍ମୀ ଏହାର କଡା ଜବାବ ଦେଇଥିଲେ । ଏଥିରେ 25 ତାଲିବାନ ଆତଙ୍କବାଦୀ ନିହତ ହୋଇଥିବାବେଳେ 8 ଜଣ ଆହତ ହୋଇଥିଲେ । ତେବେ ଆହତଙ୍କ ମଧ୍ୟରେ ତାଲିବାନର ରେଡ ୟୁନିଟର ପାଞ୍ଚ ଜଣ ଆତଙ୍କବାଦୀ ଥିବା ଜଣାପଡିଛି ।
ସେପଟେ ଆତଙ୍କବାଦୀ ଗୋଷ୍ଠୀ ଏପର୍ଯ୍ୟନ୍ତ ଏହି ଆକ୍ରମଣ ଉପରେ କୌଣସି ପ୍ରତିକ୍ରିୟା ଦେଇନାହାଁନ୍ତି।
