ନ୍ୟୁୟର୍କ: କୋରୋନା ଭୂତାଣୁ ସଂକ୍ରମଣରେ ଅଧିକ ମାତ୍ରାରେ ପ୍ରଭାବିତ ଇରାନ ପାଇଁ ସହାୟତାର ହାତ ବଢାଇଛି ୟୁରୋପ । ଆବଶ୍ୟକୀୟ ଔଷଧ ସହ ଇରାନକୁ ସାହାଯ୍ୟ କରିବା ପାଇଁ ୟୁରୋପ ଅଣ୍ଟା ଭିଡିଥିବା ବେଳେ ଏହାକୁ ଗ୍ରୀନ ସିଗନାଲ ଦେଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ।
ନିକଟରେ ଇରାନ ଉପରେ ଆମେରିକା କଠିନତମ ଆର୍ଥିକ ପ୍ରତିବନ୍ଧ ମଧ୍ୟରୁ ଗୋଟିଏ ଲଗାଇଥିଲା । ଏଥିସହ କହିଥିଲା କି ଇରାନ ଆଣବିକ ଶକ୍ତିକୁ ସୁଦୃଢ କରିବା ଦିଗରେ ଆଗେଇ ଏପରି ଅନେକ ଆତଙ୍କୀ ସଙ୍ଗଠନଙ୍କୁ ସମର୍ଥନ ଜଣାଉଛି ଯାହା ମଧ୍ୟ ପୂର୍ବରେ ଧ୍ବଂସ ଲୀଳା ସୃଷ୍ଟି କରିପାରେ । ଏସବୁ ଜାଣି ବି ୟୁରୋପ ଏପରି ଘଡସନ୍ଧି ମୁହୂର୍ତ୍ତରେ ଇରାନକୁ ଔଷଧ ଯୋଗାଇ ସାହାଯ୍ୟ କରିବାକୁ ଚାହିଁଲେ, ଏଥିରେ କୌଣସି ଆପତ୍ତି ନାହିଁ ବୋଲି କହିଛନ୍ତି ଟ୍ରମ୍ପ ।
ତେବେ ବର୍ତ୍ତମାନ ସୁଦ୍ଧା ଇରାନରେ 60 ହଜାରରୁ ଉର୍ଦ୍ଧ୍ବ ଲୋକେ ଏହି ମହାମାରୀରେ ସଂକ୍ରମିତ ହୋଇଥିବା ବେଳେ ମୃତ୍ୟୁ ସଂଖ୍ୟା 3,800 ପାର କରିଥିବା ଜଣାପଡିଛି ।
