କାଲିଫର୍ଣ୍ଣିଆ: କୋରୋନା ପରିସ୍ଥିତିରେ ସମ୍ପୂର୍ଣ୍ଣ ସୁଧାର ନଆସିଥିଲେ ବି ଅତି ଖରାପ ହୋଇ ରହିନାହିଁ ପରିସ୍ଥିତି । ଏନେଇ ଗତ ସପ୍ତାହ କାଲିଫର୍ଣ୍ଣିଆର କିଛି ବିଚ ଓ ପାର୍କରେ ଲୋକଙ୍କ ଗହଳି ଲାଗିଥିବା ଦେଖିବାକୁ ମିଳିଥିଲା । ସୋସିଆଲ ମିଡିଆରେ ଏହି ଭିଡିଓ ଘୁରି ବୁଲିବା ପରେ ଗୁରୁବାର ଏକ କଠୋର ଘୋଷଣା କରିଛନ୍ତି କାଲିଫର୍ଣ୍ଣିଆ ରାଜ୍ୟପାଳ ଗାଭିନ ନ୍ୟୁସମ ।
କଟକଣାରେ କୋହଳ ନେଇ କୌଣସି ଘୋଷଣା ନହେବା ସତ୍ତ୍ବେ ଲୋକେ ଘରୁ ବାହାରି ବିପୁଳ ପରିମାଣରେ ଏକାଠି ହେଉଥିବା ଦେଖିବାକୁ ମିଳୁଛି । କୋରୋନା ପରିସ୍ଥିତିରେ ସମ୍ପୂର୍ଣ୍ଣ ନିୟନ୍ତ୍ରଣ ନଆସିଥିଲେ ବି ଲୋକେ ସାମାଜିକ ଦୂରତା ନିୟମ ଭାଙ୍ଗୁଥିବା ଦେଖିବାକୁ ମିଳୁଛି । ଏନେଇ ଗୁରୁବାର ରାଜ୍ୟର ସମସ୍ତ ଲୋକାଲ ବିଚ୍ ଓ ପବ୍ଲିକ ପାର୍କ ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି ରାଜ୍ୟପାଳ ଗାଭିନ । ସେ ଏହା ମଧ୍ୟ କହିଛନ୍ତି କି ଆଗାମୀ କିଛି ସପ୍ତାହ ମଧ୍ୟରେ ରାଜ୍ୟରେ କେତେକ ଲୋ ରିସ୍କ ସ୍ଥାନରେ ଦୋକାନ, ବଜାର ଓ ବ୍ୟବସାୟକୁ ସ୍ବାଭାବିକ କରାଯିବ ।
ଅନ୍ୟପଟେ ରାଜ୍ୟରେ କଣ୍ଟାକ୍ଟ-ଟ୍ରେସିଂ ପ୍ରକ୍ରିୟା ଜାରି ରହିବ ବୋଲି ସେ ସ୍ପଷ୍ଟ କରିଛନ୍ତି । ସେ ଏହା ମଧ୍ୟ କହିଛନ୍ତି କି ବିଚ୍ ଓ ପାର୍କରେ ବଢୁଥିବା ଲୋକଙ୍କ ସଂଖ୍ୟା ରାଜ୍ୟରେ କୋରୋନା ପରିସ୍ଥିତିରେ ସୁଧାର ଆଣିବା ଦିଗରେ ଏକ ବଡ ପ୍ରତିବନ୍ଧକ । ତେଣୁ ଏହାକୁ ରୋକିବା ପାଇଁ ପାର୍କ ଓ ବିଚ୍କୁ ସିଲ କରିବା ଆବଶ୍ୟକ ।
