ହାଇଦ୍ରାବାଦ: ପାଠ ପଢିବା ସମୟରେ ପ୍ରେମର ମାନେ ବୁଝାଇଥିଲା ହିନ୍ଦୀ ଚଳଚ୍ଚିତ୍ର ଷ୍ଟୁଡେଣ୍ଟ ଅଫ୍ ଦି ଇୟର । ଖାଲି ପାଠ ପଢା ନୁହେଁ ହୃଦୟ ଯାହା କହୁଛି ସେହି କାମରେ ଫୋକସ କର ତାହା ମଧ୍ୟ ଶିଖାଇଥିଲା ଫିଲ୍ମ । ନିର୍ଦ୍ଦେଶକ କରଣ ଜୋହରଙ୍କ ଏହି ଫିଲ୍ମ 2012ରେ ପରଦାକୁ ଆସିଥିଲା । ଏଥିରେ ମୁଖ୍ୟ ତିନି ଭୂମିକାରେ ଥିଲେ ସିଦ୍ଧାର୍ଥ ମଲହୋତ୍ରା, ବରୁଣ ଧାୱନ ଓ ଆଲିଆ ଭଟ୍ଟ । ବର୍ତ୍ତମାନ ଏହି 3 ମୁଖ୍ୟ ଚରିତ୍ରକୁ ସେମାନଙ୍କ ଇସ୍କ ବାଲା ଲଭ ମିଳି ସାରିଛି । ସେମାନଙ୍କ ମନର ମଣିଷକୁ ସାତ ଜନ୍ମରସାଥୀ କରିଛନ୍ତି ଏହି ତିନି କଳାକାର ।
ସିଦ୍ଧାର୍ଥ-କିଆରା: ଷ୍ଟୁଡେଣ୍ଟ ଅଫ ଦି ଇୟର ଫିଲ୍ମ ଜରିଆରେ ଡେବ୍ୟୁ କରିଥିଲେ ସିଦ୍ଧାର୍ଥ ମଲହୋତ୍ରା । ଫିଲ୍ମରେ ଏକ ଭଲ ଚରିତ୍ରରେ ନଜର ଆସିଥିଲେ । ଏହା ପରେ ଗୋଟିଏ ପରେ ଗୋଟିଏ ଫିଲ୍ମରେ କାମ କରିଥିଲେ ସିଦ୍ଧାର୍ଥ । 2021ରେ ପରମବୀର ଚକ୍ର ବିଜେତା ବିକ୍ରମ ବତ୍ରାଙ୍କ ଜୀବନ କାହାଣୀକୁ ନେଇ ତିଆରି ଶେରଶାହ ଫିଲ୍ମରେ ମୁଖ୍ୟ ଚରିତ୍ରରେ ଅଭିନୟ କରିଥିଲେ ସିଦ୍ଧାର୍ଥ । ତାଙ୍କ ଅଭିନେତ୍ରୀ ସାଜିଥିଲେ କିଆରା ଆଡଭାନୀ । ଏହି ଫିଲ୍ମ ପରେ ଉଭୟ ପ୍ରେମରେ ପଡିଥିଲେ । ଦୀର୍ଘ ଦିନର ପ୍ରେମ ସମ୍ପର୍କ ଏବେ ବିବାହରେ ପରିଣତ ହୋଇଛି । ଗତକାଲି ରାଜସ୍ଥାନର ଜୈସଲମେରର ସୂର୍ଯ୍ୟଗଡ ପ୍ୟାଲେସରେ ସାତ ଜନ୍ମର ସାଥୀ ହୋଇଛନ୍ତି ଏହି ଚର୍ଚ୍ଚିତ ଯୋଡି ।
ଆଲିଆ- ରଣବୀର: ଆଲିଆ ଭଟ୍ଟ । ଶିଶୁ କଳାକାର ଭାବେ ଅଭିନୟ ଯାତ୍ରା ଆରମ୍ଭ କରିିଥିଲେ ବି ଷ୍ଟୁଡେଣ୍ଟ ଅଫ ଦି ଇୟର ଫିଲ୍ମ ଜରିଆରେ ଦମଦାର ଅଭିନୟ ଦେଖିବାକୁ ମିଳିଥିଲା । ଋଷି କପୁରଙ୍କ ପୁଅ ରଣବୀର କପୁରଙ୍କୁ ମନ ଦେଇ ବସିଥିଲେ ଆଲିଆ । ଦୀର୍ଘ ଦିନର ପ୍ରେମ ସମ୍ପର୍କ ପରେ ଗତବର୍ଷ ଅର୍ଥାତ 2022ରେ କପୁର ଘରର କୁଳବଧୂ ହୋଇଥିଲେ ଆଳିଆ । କନ୍ୟା ସନ୍ତାନର ପିତାମାତା ହୋଇଛନ୍ତି ଏହି ଦମ୍ପତି ।
ବରୁଣ-ନତାଶା: ଏହି ଷ୍ଟୁଡେଣ୍ଟ ଅଫ ଦି ଇୟର ଫିଲ୍ମରେ ଅନ୍ୟ ଜଣେ ମୁଖ୍ୟ ଚରିତ୍ର ଥିଲେ ବରୁଣ ଧାୱନ । ଯିଏକି ହାତକୁ ଦି ହାତ ହୋଇ ସାରିଛନ୍ତି । 2021 ମସିହାରେ ପିଲାଦିନ ସାଙ୍ଗ ନତାଶାଙ୍କୁ ସାତ ଜନ୍ମର ସାଥୀ କରିଥିଲେ ବରୁଣ । ନତାଶା ଦଲାଲ ଫିଲ୍ମ ଇଣ୍ଟଷ୍ଟ୍ରିର ନୁହନ୍ତି । ବରୁଣ ନତାଶା ଭଲ ସାଙ୍ଗ ଥିଲେ । ପରବର୍ତ୍ତୀ ସମୟରେ ବନ୍ଧୁତା ପ୍ରେମରେ ପରିଣତ ହୋଇଥିଲା । ଉଭୟ ପରସ୍ପର ସହ ସାରା ଜୀବନ ବିତାଇବାକୁ ନିଷ୍ପତ୍ତି ନେଇଥିଲେ । ପ୍ରାଇଭେଟ୍ ୱେଡିଂ ଆଲ୍ଲିବାଗର ମାନସନ ହାଉସ ରିଜୋର୍ଟରେ ଉଭୟଙ୍କ ବିବାହ ସମ୍ପର୍ଣ୍ଣ ହୋଇଥିଲା ।
