ନୂଆଦିଲ୍ଲୀ: ବିଜେପି ନେତ୍ରୀ ତଥା ଅଭିନେତ୍ରୀ ସୋନାଲି ଫୋଗଟଙ୍କ ଅକାଳ ବିୟୋଗ (Sonali Phogat Passes Away) ସମସ୍ତଙ୍କୁ ସ୍ତବ୍ଧ କରିଦେଇଛି। ମିଳିଥିବା ସୂଚନା ଅନୁଯାୟୀ, ସୋନାଲି ହୃଦଘାତରେ ମୃତ୍ୟୁ ବରଣ କରିଛନ୍ତି । ସୋମବାର ରାତିରେ ସେ ଗୋଆରେ ଶେଷ ନିଶ୍ୱାସ ତ୍ୟାଗ କରିଥିଲେ । ସୋନାଲି ଫୋଗଟ ମଧ୍ୟ ସୋସିଆଲ ମିଡିଆରେ ବହୁତ ସକ୍ରିୟ ଥିଲେ । ମୃତ୍ୟୁର କିଛି ଘଣ୍ଟା ପୂର୍ବରୁ ସେ ଏକ ଭିଡିଓ ପୋଷ୍ଟ କରିଥିଲେ । ଏଥିରେ ସେ ଖୁବ୍ ସୁନ୍ଦର ଅନ୍ଦାଜରେ ନଜର ଆସିଛନ୍ତି । ଏହି ଭିଡିଓ ଦେଖିଲେ ଅନୁମାନ କରାଯାଇପାରିବ ନାହିଁ କି ସେ ଅସୁସ୍ଥ ଥିଲେ ।
ଭିଡିଓରେ ସୋନାଲି ଫୋଗାଟ୍ ରାଜକୀୟ ଅନ୍ଦାଜରେ ସୁନ୍ଦର ଲାଗୁଛନ୍ତି । ସେ ଏକ ଧଳା ସାର୍ଟ, ବ୍ରାଉନ୍ ପ୍ୟାଣ୍ଟ ସହିତ ମୁଣ୍ଡରେ ଗୋଲାପୀ ରଙ୍ଗର ପଗଡି ବାନ୍ଧିଛନ୍ତି । ଭିଡିଓରେ ସେ 'ରୁଖ ସେ ଜରା ନକାବ ଉଠା ଦୋ ମେରେ ହୁଜୁର...' ଗୀତରେ ଚାଲୁଥିବାର ନଜର ଆସିଛନ୍ତି । ସୋନାଲିଙ୍କ ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ପ୍ରଶଂସକ ମଧ୍ୟ ଏହି ଭିଡିଓକୁ ଖୁବ୍ ପସନ୍ଦ କରିଛନ୍ତି । ଏହି ଭିଡିଓ ଦେଖିଲେ ସହଜରେ ବିଶ୍ୱାସ କରିହେଉନି କି, ସୋନାଲି ଏତେ ଶୀଘ୍ର ଦୁନିଆରୁ ବିଦାୟ ନେଇଯିବେ ବୋଲି । ଜଣେ ୟୁଜର ଲେଖିଛନ୍ତି, 'ଜୀବନର କୌଣସି ଭରସା ନାହିଁ । ଆପଣ ଆଉ ନାହାଁନ୍ତି, ବିଶ୍ବାସ କରିବା ଆମ ପାଇଁ କଷ୍ଟକର ହୋଇପଡୁଛି । ଅନ୍ୟ ଜଣେ ୟୁଜର ଲେଖିଛନ୍ତି, 'ତୁମ ପରି ଜଣେ ଯୁବ ନେତ୍ରୀଙ୍କୁ ହରାଇବା ବିଜେପି ଏବଂ ହରିୟାଣା ପାଇଁ ଏକ ବଡ ଦୁଃଖର ବିଷୟ ।'
- " class="align-text-top noRightClick twitterSection" data="
">
ଉଲ୍ଲେଖନୀୟ ଯେ, ରାଜନୀତିରେ ସକ୍ରିୟ ହେବା ପୂର୍ବରୁ ସୋନାଲି ଫୋଗଟ ଅଭିନୟ ଏବଂ ମଡେଲିଂ ଦୁନିଆରେ ନିଜର ଜଲଓ୍ବା ଦେଖାଇଥିଲେ । ଟିଭି ରିଆଲିଟି ସୋ 'ବିଗ୍ ବସ୍ 14' ସିଜିନରେ ମଧ୍ୟ ସେ ଭାଗ ନେଇଥିଲେ । ସୋନାଲିଙ୍କ ରାଜନୈତିକ କ୍ୟାରିୟର ବିଷୟରେ କହିବାକୁ ଗଲେ, ସୋନାଲି 2008 ମସିହାରେ ବିଜେପିରେ ଯୋଗ ଦେଇଥିଲେ ଏବଂ ସେବେଠାରୁ ସେ ରାଜନୀତିରେ ସକ୍ରିୟ ହୋଇଥିଲେ । ସେନାଲି ୨୦୧୯ରେ ବିଜେପି ଟିକେଟରେ ହରିୟାଣାର ଆଦମପୁର ବିଧାନସଭା ଆସନରୁ ନିର୍ବାଚନ ଲଢିଥିଲେ । ବିଜେପିର ହରିୟାଣା ୟୁନିଟ୍ ସୋନାଲି ଫୋଗଟଙ୍କୁ ମହିଳା ମୋର୍ଚ୍ଚାର ରାଜ୍ୟ ଉପସଭାପତି ଭାବରେ ମଧ୍ୟ ନିଯୁକ୍ତ କରିଥିଲା ।
ଏହା ବି ପଢନ୍ତୁ: ହୃଦଘାତରେ BJP ନେତ୍ରୀ ସୋନାଲି ଫୋଗଟଙ୍କ ପରଲୋକ
ସୋନାଲି ଫୋଗଟ ୧୯୭୯ ସେପ୍ଟେମ୍ବର ୨୧ତାରିଖରେ ହରିୟାଣାର ଫତେହାବାଦରେ ଜନ୍ମଗ୍ରହଣ କରିଥିଲେ । ସେ ୨୦୦୬ ରେ ହିସାର ଦୂରଦର୍ଶନରେ ଆଙ୍କର୍ ଭାବରେ କାମ କରିବା ଆରମ୍ଭ କରିଥିଲେ । ଦୁଇ ବର୍ଷ ପରେ ଅର୍ଥାତ ୨୦୦୮ ରେ, ସେ ବିଜେପିରେ ଯୋଗ ଦେଇଥିଲେ ଏବଂ ଦଳ ପାଇଁ କାମ କରିବା ଆରମ୍ଭ କରିଥିଲେ । ସୋନାଲି ଜଣେ ଭଲ ଅଭିନେତ୍ରୀ ମଧ୍ୟ । ଅନେକ ସଙ୍ଗୀତ ଆଲବମରେ ମଧ୍ୟ ଅଭିନୟ କରିଛନ୍ତି ।
