ଜୟପୁର: ଅଭିନେତା ସିଦ୍ଧାର୍ଥ ମଲହୋତ୍ରା ଓ କିଆରା ଆଡଭାନୀଙ୍କ ବିବାହକୁ ନେଇ ଏକ ବଡ ଖବର ଆସିଛି । ଭଭୟ ଆଜି ବିବାହ ବନ୍ଧନରେ ଆବଦ୍ଧ ହେବାକୁ ଯାଉଥିଲେ । ମାତ୍ର ବିବାହ ତାରିଖକୁ ଘୁଞ୍ଚାଇ ଦିଆଯାଇଛି । ଆଜି ନୁହେଁ ଆସନ୍ତାକାଲି (ମଙ୍ଗଳବାର) ପରସ୍ପର ବିବାହ ବନ୍ଧନରେ ଆବଦ୍ଧ ହେବେ । ଶନିବାର କିଆରାଙ୍କ ହାତରେ ସିଦ୍ଧାର୍ଥଙ୍କ ନାମରେ ମେହେନ୍ଦୀ ଲାଗିବାର ଥିଲା । ଆଜି ସକାଳୁ ହଳଦୀ କାର୍ଯ୍ୟକ୍ରମ ଆରମ୍ଭ ହେବାର ଥିଲା । ଏହାପରେ ବିବାହ ଉତ୍ସବ ହେବାର ଥିଲା । ମାତ୍ର ଫ୍ୟାନ୍ସଙ୍କୁ ଆଉ ଗୋଟିଏ ଅପେକ୍ଷା କରିବାକୁ ପଡିବ । ଏହି ଯୋଡିଙ୍କ ବିବାହ ଆସନ୍ତାକାଲି ହେବ ।
ସିଦ୍ଧାର୍ଥ ମଲହୋତ୍ରା ଓ କିଆରା ଆଡଭାନୀଙ୍କ ବିବାହ ଖବର ସୋସିଆଲ ମିଡିଆରେ ଆସିବା ପରେ ସେମାନଙ୍କ ଫ୍ୟାନ୍ସ ମଧ୍ୟରେ ଉତ୍ସାହ ଦେଖିବାକୁ ମିଳିଥିଲା । ରାଜସ୍ଥାନର ଜୈସଲମେରରେ ଏକ ବିଳାସପୂର୍ଣ୍ଣ ହୋଟେଲରେ ବିବାହ କାର୍ଯ୍ୟକ୍ରମର ଆୟୋଜନ ହୋଇଛି । ମାତ୍ର ଉଭୟଙ୍କ ବିବାହ ଆଜି ନୁହେଁ ଆସନ୍ତାକାଲିକୁ ଘୁଞ୍ଚାଇ ଦିଆଯାଇଛି । ମିଡିଆ ରିପୋର୍ଟ ଅନୁସାରେ ଏହି ବଲିଉଡ ଯୋଡି ଆସନ୍ତାକାଲି (ମଙ୍ଗଳବାର) ଜୈସଲମେରର ସୂର୍ଯ୍ୟଗଡ ହୋଟେଲରେ ସାତଫେରା ନେବେ । ସେହି ଦିନ ତାଙ୍କର ରିସେପସନ ପାର୍ଟି ରହିଛି ।
ଏହା ବି ପଢନ୍ତୁ...Pathaan Collection: ଦଙ୍ଗଲ ରେକର୍ଡ ଭାଙ୍ଗିଲା ପଠାନ, ୧୧ ଦିନରେ କଲା ସର୍ବାଧିକ ବ୍ୟବସାୟ
ସିଦ୍ଧାର୍ଥ ଓ କିଆରା ବିବାହରେ ସାମିଲ ହେବାକୁ ସେଲିବ୍ରିଟି ରାଜସ୍ଥାନର ଜୈସଲମେରରେ ପହଞ୍ଚିଛନ୍ତି । କିଆରାଙ୍କ ପିଲାଦିନ ବନ୍ଧୁ ମୁକେଶ ଅମ୍ବାନୀଙ୍କ ଝିଅ ଇଷା ଆମ୍ବାନୀ ତାଙ୍କ ସ୍ବାମୀଙ୍କ ସହ ଜୈସଲମେରରେ ପହଞ୍ଚି ସାରିଛନ୍ତି । ଏହାପୂର୍ବରୁ ବଲିଉଡ ନିର୍ଦ୍ଦେଶର କରଣ ଜୋହର ଏବଂ ସାହିଦ କପୁର ତାଙ୍କ ପତ୍ନୀ ମୀରା କପୁର ସମେତ ସେଲିବ୍ରିଟି ପହଞ୍ଚିଥିବା ଦେଖିବାକୁ ମିଳିଛି ।
ବିବାହରେ ସାମିଲ ହେବାକୁ ଥିବା ଅତିଥିମାନଙ୍କ ଲାଗି ଖାସ୍ ବ୍ୟବସ୍ଥା କରାଯାଇଛି । ଜୈସଲମେରଠାରେ ହେଉଥିବା ଏହି ବିବାହ ଉତ୍ସବରେ ଅନେକ ଅତିଥି ସାମିଲ ହେବେ ବୋଲି ଚର୍ଚ୍ଚା ହେଉଛି । ଏହି ଲୋକପ୍ରିୟ ବଲିଉଡ କପଲ୍ ବିବାହରେ ସାମିଲ ହେବାକୁ ଥିବା ଅତିଥିମାନଙ୍କ ଲାଗି ଡେସର୍ଟ ସଫାରୀ ଟୁର୍ ଓ ଫୁଡ ଷ୍ଟଲ୍ର ବ୍ୟବସ୍ଥା କରିଛନ୍ତି । ହୋଟେଲ ସୂର୍ଯ୍ୟଗଡ ଠାରେ ହେବାକୁ ଥିବା ବିବାହର ସଙ୍ଗୀତ କାର୍ଯ୍ୟକ୍ରମ ଲାଗି ସମସ୍ତ ଆୟୋଜନ ଶେଷ ପର୍ଯ୍ୟାୟରେ ପହଞ୍ଚିଛି ।
ବିବାହରେ 'ନୋ ଫୋନ ପଲିସି' ଘୋଷଣା: ସିଦ୍ଧାର୍ଥ ଓ କିଆରା ତାଙ୍କ ବିବାହରେ ନୋ ଫୋନ ପଲିସି ଘୋଷଣା କରିଛନ୍ତି । ଯୋଡି ତାଙ୍କ ଅତିଥି ଏବଂ ହୋଟେଲ କର୍ମଚାରୀଙ୍କୁ ସୋସିଆଲ ମିଡିଆରେ ଫଟୋ ପକାଇବାକୁ ମନା କରିଛନ୍ତି । ବିବାହର ପ୍ରଥମ ଫଟୋ ସିଦ୍ଧାର୍ଥ ଓ କିଆରା ପୋଷ୍ଟ କରିବେ । ରାଜସ୍ଥାନ ଏହି ଷ୍ଟାର ଦମ୍ପତିଙ୍କ ବିବାହର ସାକ୍ଷୀ ହେବାକୁ ଯାଉଛି । 2023ର ପ୍ରଥମ ବଲିଉଡ ବିବାହ ଏହିଠାରେ ହେବାକୁ ଯାଉଛି ।
