ହାଇଦ୍ରାବାଦ: ବଲିଉଡ 'ବାଦଶାହ' ଶାହାରୁଖ ଖାନଙ୍କ ଅଭିନୀତ ଚଳଚ୍ଚିତ୍ର 'ରଇଜ୍'ରେ ମୁଖ୍ୟ ଭୂମିକାରେ ଅଭିନୟ କରିଥିବା ପାକିସ୍ତାନୀ ଅଭିନେତ୍ରୀ ମହିରା ଖାନଙ୍କ ବିଷୟରେ ଏକ ଖୁସି ଖବର ଆସିଛି । କୁହାଯାଉଛି ଯେ ଅଭିନେତ୍ରୀ ବିବାହ କରିବାକୁ ଯାଉଛନ୍ତି । ଫିଲ୍ମ ରଇଜ୍ ପରେ ମାହିରା ଖାନଙ୍କ ନାମ ବଲିଉଡ ଅଭିନେତା ରଣବୀର କପୁରଙ୍କ ସହ ଯୋଡ଼ା ଯାଇଥିଲା । ରଣବୀର କପୁର ଏବଂ ମାହିରା ଖାନଙ୍କ ଏକ ସାକ୍ଷାତକାରର ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା ଏବଂ ଉଭୟ ଲାଇମଲାଇଟରେ ଥିଲେ । ବର୍ତ୍ତମାନ ଅଭିନେତ୍ରୀଙ୍କ ବିଷୟରେ କୁହାଯାଉଛି ଯେ ସେ ଖୁବ୍ଶୀଘ୍ର ତାଙ୍କ ପ୍ରେମିକଙ୍କୁ ବିବାହ କରିବାକୁ ଯାଉଛନ୍ତି । ଆସନ୍ତୁ ଜାଣିବା ମହିରା ଖାନଙ୍କ ଜୀବନସାଥୀ କିଏ ?
ବର୍ତ୍ତମାନ ସଲିମ କରିମ ନାମକ ଜଣେ ବ୍ୟକ୍ତି ମାହିରାଙ୍କ ଜୀବନସାଥୀ ହେବାକୁ ଯାଉଛନ୍ତି । ସଲିମ ପାକିସ୍ତାନୀ ଷ୍ଟାର୍ଟଅପ୍ ସିମ୍ପୈସାର ସିଇଓ ଅଟନ୍ତି । ଏହି ନେଟୱାର୍କ କ୍ୟାରିଅର୍ ୱିଲିଂ କମ୍ପାନୀ ସିମ୍ପୈସା କରାଚିରେ ଅଛି । ଏହା ବ୍ୟତୀତ ସଲିମ ଜଣେ ଡିଜେ ମଧ୍ୟ । ମାହିରା ଏବଂ ସଲିମ ଦୀର୍ଘ ଦିନ ଧରି ପରସ୍ପରକୁ ଡେଟ୍ କରୁଥିଲେ । କୁହାଯାଉଛି ଯେ ଏହି କପଲ ବର୍ତ୍ତମାନ ବିବାହ କରିବାକୁ ଯୋଜନା କରିଛନ୍ତି । ମିଡିଆ ରିପୋର୍ଟ ଅନୁଯାୟୀ, ମାହିରା ଏବଂ ସଲିମ ଆସନ୍ତା ମାସରେ ଅର୍ଥାତ୍ ସେପ୍ଟେମ୍ବରରେ ବିବାହ କରିବେ । ଏହା ଏକ ବ୍ୟକ୍ତିଗତ ସମାରୋହ ହେବ, ଯେଉଁଥିରେ କେବଳ ନିକଟତମ ସମ୍ପର୍କୀୟ ଏବଂ ପରିବାର ସଦସ୍ୟ ସାମିଲ ହେବେ । ଏହି ବିବାହ ପାକିସ୍ତାନ ସ୍ଥିତ ପଞ୍ଜାବର ହିଲ୍ ଷ୍ଟେସନରେ ହେବ, କିନ୍ତୁ ବିବାହ ଖବର ଉପରେ ମାହିରା ଏପର୍ଯ୍ୟନ୍ତ ପ୍ରତିକ୍ରିୟା ପ୍ରକାଶ କରିନାହାଁନ୍ତି।
ସୂଚନା ଥାଉ କି, 38 ବର୍ଷୀୟ ଅଭିନେତ୍ରୀ ମାହିରା ଖାନଙ୍କ ପୂର୍ବରୁ ବିବାହ ବିଚ୍ଛେଦ ହୋଇଛି । ମାହିରା 2007 ମସିହାରେ ପାକିସ୍ତାନୀ ଅଭିନେତା ତଥା ନିର୍ଦ୍ଦେଶକ ଅଲି ଅକ୍ସାରୀଙ୍କୁ ବିବାହ କରିଥିଲେ ଏବଂ 2015 ମସିହାରେ ଦୁହେଁ ଅଲଗା ହୋଇଥିଲେ । ଏବେ ପୁଣି ଥରେ ମାହିରା ବିବାହ କରିବାକୁ ଯାଉଛନ୍ତି । ତାଙ୍କର ଦୀର୍ଘ ସମୟର ପ୍ରେମିକ ସଲିମ କରିମଙ୍କ ସହ ବିବାହ କରିବାକୁ ଯାଉଛନ୍ତି । 2019 ମସିହାରେ, ସଲିମ ଏବଂ ମାହିରାଙ୍କ ନିର୍ବନ୍ଧର ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା, କିନ୍ତୁ ଏହି ଫଟୋଗୁଡ଼ିକରେ ମଧ୍ୟ ମାହିରାଙ୍କର କୌଣସି ପ୍ରତିକ୍ରିୟା ମିଳିନି ।
ଏହା ମଧ୍ୟ ପଢନ୍ତୁ: ଶାହରୁଖଙ୍କୁ ବ୍ୟାଟ୍ରି କହିଲେ ପାକିସ୍ତାନୀ ଅଭିନେତତ୍ରୀ, ଭାଇରାଲ ଭିଡିଓ
ପ୍ରକାଶ ଥାଉ କି, ‘ରଇଜ୍’ 2017 ଜାନୁଆରୀ 25ରେ ଭାରତରେ ରିଲିଜ ହୋଇଥିଲା । ଏହି ଫିଲ୍ମ ସହ ମାହିରା ଖାନ ବଲିଉଡରେ ଡେବ୍ୟୁ କରିଥିଲେ । ଏବଂ ପ୍ରଥମ ଥର ପାଇଁ ସେ କିଙ୍ଗ୍ ଖାନ୍ଙ୍କ ସହ ସ୍କ୍ରିନ୍ ସେୟାର କରିଥିଲେ । ଏହି ପିଲ୍ମ ଲୋକପ୍ରିୟତା ହାସଲ କରିବା ସହ ହିଟ୍ ହୋଇଥିଲା ।
