ହାଇଦ୍ରାବାଦ: ବଲିଉଡ ଅଭିନେତା ରାଜକୁମାର ରାଓ ଏବଂ ଅଭିନେତ୍ରୀ ଶ୍ରଦ୍ଧା କପୁରଙ୍କ ଅଭିନୀତ ହରୋର କମେଡି ଫିଲ୍ମ 'ସ୍ତ୍ରୀ' (2018) ଦର୍ଶକଙ୍କୁ ବେଶ ମନୋରଞ୍ଜନ କରିଥିଲା । ସ୍ତ୍ରୀର ସିକ୍ବେଲ ପ୍ରସ୍ତୁତ କରିଛନ୍ତି ନିର୍ମାତା । ଆଜିଠାରୁ ଫିଲ୍ମର ସୁଟିଂ ଆରମ୍ଭ ହୋଇଛି । ସୋସିଆଲ ମିଡିଆରେ ଏକ ଭିଡିଓ ସେୟାର କରି ନିର୍ମାତା ଏହି ସୂଚନା ଦେଇଛନ୍ତି । ଫିଲ୍ମର ପ୍ରଥମ ଭାଗ ଦର୍ଶକମାନଙ୍କୁ ବେଶ ପସନ୍ଦ ଆସିଥିବା ବେଳେ ସ୍ତ୍ରୀର ଦ୍ୱିତୀୟ ଭାଗକୁ ବେଶ ଉତ୍ସାହର ସହ ଅପେକ୍ଷା କରିଛନ୍ତି ।
ମାଡୋକ ଫିଲ୍ମସ ନିଜ ଇନଷ୍ଟାଗ୍ରାମରେ ଫିଲ୍ମର ଏକ ଛୋଟ ଭିଡିଓ ସେୟାର କରି ଆଜିଠୁ ଫିଲ୍ମର ସୁଟିଂ ଆରମ୍ଭ ହୋଇଥିବା କୁହାଯାଇଛି। ଏଥିସହ ଫିଲ୍ମର ରିଲିଜ ତାରିଖ ଘୋଷଣା କରିଛନ୍ତି । ସ୍ତ୍ରୀ 2ରେ ବେଶ ଦମଦାର ହେବ ନେଇ ଆଶା କରାଯାଉଛି । ଭିଡିଓରେ ଲେଖାଅଛି, 2018 'ଓଃ ସ୍ତ୍ରୀ କଲ୍ ଆନା' କିନ୍ତୁ ବର୍ତ୍ତମାନ 'ହେ ସ୍ତ୍ରୀ ରକ୍ଷା କରନା'। ପୋଷ୍ଟର ସେୟାର କରି ନିର୍ମାତା କ୍ୟାପ୍ସନରେ ଲେଖିଛନ୍ତି, ''ପୁଣି ଥରେ ଚନ୍ଦେରୀରେ ଆତଙ୍କ । ସ୍ତ୍ରୀ-2 ସୁଟିଂ ଆରମ୍ଭ । ଅଗଷ୍ଟ 2024ରେ ଆସୁଛି ।"
ଏହା ମଧ୍ୟ ପଢନ୍ତୁ: ଆସୁଛି ସ୍ତ୍ରୀ ଓ ଭେଡିଆ ଫିଲ୍ମର ପାର୍ଟ-2, ଜାଣନ୍ତୁ କେବେ ହେବ ରିଲିଜ
2018 ମସିହାରେ ଆସିଥିବା ଫିଲ୍ମ ସ୍ତ୍ରୀ ଲୋକଙ୍କ ଖୁବ୍ ମନୋରଞ୍ଜନ କରିଥିଲା । ବର୍ତ୍ତମାନ ନିର୍ଦ୍ଦେଶକ ଅମର କୌଶିକ ଏହି ଫିଲ୍ମକୁ ନେଇ ଖୁବ ଆଶାବାଦୀ ଅଛନ୍ତି, ଯିଏକି 'ଭେଡିଆ' ଏବଂ 'ବାଲା' ଭଳି ଚଳଚ୍ଚିତ୍ର ସହ ଲୋକଙ୍କୁ ମନୋରଞ୍ଜନ କରିଛନ୍ତି । ତେବେ ପୁଣି ସେ ତାଙ୍କ ଚଳଚ୍ଚିତ୍ର ସ୍ତ୍ରୀର ଦ୍ୱିତୀୟ ଭାଗ ସହ ଲୋକଙ୍କୁ ଡରାଇବା ସହ ହସାଇବାକୁ ଯାଉଛନ୍ତି । ଦୀନେଶ ଭାଇଜାନ ଏବଂ ଜ୍ୟୋତି ଦେଶପାଣ୍ଡେ ଏକାଠି ଏହି ଚଳଚ୍ଚିତ୍ର ନିର୍ମାଣ କରୁଥିବା ବେଳେ ଫିଲ୍ମରେ ରାଜକୁମାର ରାଓ, ଶ୍ରଦ୍ଧା କପୁର, ପଙ୍କଜ ତ୍ରିପାଠୀ ଏବଂ ଅଭିଷେକ ବାନାର୍ଜୀ ପୁଣିଥରେ ଫିଲ୍ମରେ ନିଜର କମେଡି ସହ ଲୋକଙ୍କ ହୃଦୟ ଜିତିବେ । ଫିଲ୍ମର କାହାଣୀ ନିରେନ ଭଟ୍ଟ ଲେଖିଛନ୍ତି । ତେବେ ସ୍ତ୍ରୀ-2ରେ ଏଥର ଶ୍ରଦ୍ଧା କପୁରଙ୍କୁ ଚନ୍ଦେରୀ ଗାଁକୁ ମୁଣ୍ଡକଟା ଆତଙ୍କରୁ ରକ୍ଷା କରୁଥିବା ଦେଖିବାକୁ ମିଳିବ । ଫିଲ୍ମ ଅଗଷ୍ଟ 2024ରେ ରିଲିଜ କରିବ । ଶ୍ରଦ୍ଧା କପୁରଙ୍କ ଫିଲ୍ମ 'ତୁ ଝୁଟି ମେ ମକ୍କାର' ଚଳିତବର୍ଷ ରିଲିଜ ହୋଇଥିଲା। ଏବଂ ଏହି ଫିଲ୍ମ ଅଧିକ ଆୟ କରି ହିଟ୍ ରହିଥିଲା । ସେପଟେ ରାଜକୁମାର ରାଓ ଆଗାମୀ ଫିଲ୍ମ 'ମିଷ୍ଟର ଓ ମିସେସ୍ ମାହି'ରେ ଜାହ୍ନବୀ କପୁରଙ୍କ ସହ ମୁଖ୍ୟ ଭୂମିକାରେ ନଜର ଆସିବେ ।
