ହାଇଦ୍ରାବାଦ: ଫରହାନ ଅଖତରଙ୍କ ନିର୍ଦ୍ଦେଶିତ ଫିଲ୍ମ 'ଜି ଲେ ଜରା'କୁ ନେଇ ଫ୍ୟାନ୍ସ ଉତ୍ସାହିତ ଅଛନ୍ତି । ଫିଲ୍ମରେ ଲିଡ ରୋଲରେ ନଜର ଆସିଥାନ୍ତେ ବଲିଉଡ ଅଭିନେତ୍ରୀ କ୍ୟାଟ୍ରିନା କୈଫ, ଆଲିଆ ଭଟ୍ଟ ଏବଂ ଦେଶୀଗର୍ଲ ପ୍ରିୟଙ୍କା ଚୋପ୍ରା । ହେଲେ ଫିଲ୍ମ ସୁଟିଂ ପାଇଁ କାହା ପାଖରେ ମଧ୍ୟ ସମୟ ନଥିବାରୁ ଫିଲ୍ମର ସୁଟିଂ ହୋଇପାରିନାହିଁ । ଏହାରି ମଧ୍ୟରେ ବର୍ତ୍ତମାନ ଫିଲ୍ମକୁ ନେଇ ଏକ ବଡ ଖବର ସାମ୍ନାକୁ ଆସିଛି । ଫିଲ୍ମରୁ ବାଦ ପଡିଛନ୍ତି ପ୍ରିୟଙ୍କା ଚୋପ୍ରା ଏବଂ କ୍ୟାଟ୍ରିନା କୈଫ ।
ଏହା ମଧ୍ୟ ପଢନ୍ତୁ:ଟିଜର ଆଉଟ୍, ପୁଣି ସ୍କ୍ରିନ୍ରେ ଜଲୱା ଦେଖାଇବେ ଆଲିଆ ରଣଭୀର
ରିପୋର୍ଟ ଅନୁସାରେ, 3 ଅଭିନେତ୍ରୀଙ୍କ ପାଖରେ ନିଜ ଆଗାମୀ ଫିଲ୍ମ ନେଇ ବ୍ୟସ୍ତ ଥିବାରୁ ଫରହାନଙ୍କ 'ଜି ଲେ ଜରା'ର ସୁଟିଂରେ ବିଳମ୍ବ ହେଉଛି । ଏହାରି ମଧ୍ୟରେ ବର୍ତ୍ତମାନ ଖବର ଆସୁଛି କି ପ୍ରିୟଙ୍କା ଚୋପ୍ରା ଏବେ କ୍ୟାଟ୍ରିନା ଫିଲ୍ମରୁ ବାଦ ପଡିଛନ୍ତି । ଫିଲ୍ମ ପାଇଁ ନିର୍ମାତା ପ୍ରିୟଙ୍କା ଚୋପ୍ରା ଏବଂ କ୍ୟାଟ୍ରିନା କୈଫଙ୍କ ବଦଳରେ ବଲିଉଡ ଅଭିନେତ୍ରୀ କିଆରା ଆଡଭାନୀ ଏବଂ ଅନୁଷ୍କା ଶର୍ମାଙ୍କୁ ଅଫର ଦେଇଛନ୍ତି । ସେପଟେ ଫ୍ୟାନ୍ସ କିଆରାଙ୍କ ବଦଳରେ ଦୀପିକା ପାଦୁକନଙ୍କ ନାଁ ସୁପାରିଶ କରିଛନ୍ତି । ହେଲେ ଏହାକୁ ନେଇ ଫରହାନ କୌଣସି ଅଫିସିଆଲି ଘୋଷଣା କରିନଥିବା ବେଳେ ପ୍ରିୟଙ୍କା ଚୋପ୍ରା ଏବଂ କ୍ୟାଟ୍ରିନା କୈଫ ଉଭୟ ଫିଲ୍ମରୁ ବାଦ ପଡିଥିବା ନେଇ ଚର୍ଚ୍ଚା ଜୋର ଧରିଛି । ତେବେ ଫରହାନଙ୍କ ଜିନ୍ଦେଗୀ ନା ମିଲେଗୀ ଦୁୱାରାର ଫିମେଲ ଭର୍ସନ ମୁଭି ଅଟେ 'ଜି ଲେ ଜରା' ।
ଏହା ମଧ୍ୟ ପଢନ୍ତୁ: ଝିଅ ସହ ଦେଶୀ ଲୁକରେ ପ୍ରିୟଙ୍କା ଚୋପ୍ରା
ପ୍ରିୟଙ୍କା ଚୋପ୍ରା ହଲିଉଡ ପ୍ରୋଜେକ୍ଟ କାରଣରୁ 2023ରେ ଏହି ଫିଲ୍ମର ସୁଟିଂ କରିପାରିବେ ନାହିଁ । ସେହିପରି ଆଲିଆ ମଧ୍ୟ ବୈଜୁ ବାବରା ଏବଂ ରାମାୟଣର ସୁଟିଂ ପାଇଁ ବ୍ୟସ୍ତ ଅଛନ୍ତି । ଅନ୍ୟପକ୍ଷରେ, କ୍ୟାଟ୍ରିନା କୈଫ ମଧ୍ୟ ଫିଲ୍ମ 'ମେରୀ ଖ୍ରୀଷ୍ଟମାସ'ରେ ବ୍ୟସ୍ତ ଅଛନ୍ତି । ଏହି ଫିଲ୍ମରେ ସେ ସାଉଥ୍ ସିନେମା ସୁପରଷ୍ଟାର ବିଜୟ ସେଥୁପତିଙ୍କ ସହ ମୁଖ୍ୟ ଭୂମିକାରେ ନଜର ଆସିବେ । ଅଭିନେତ୍ରୀ ମାନଙ୍କ ଡେଟକୁ ନେଇ ଫରହାନ ଏହି ଫିଲ୍ମକୁ 2024ରେ ସୁଟ କରିବେ ବୋଲି କହିଛନ୍ତି । ସେପଟେ ଫରହାନ 'ଜି ଲେ ଜରା' ପୂର୍ବରୁ ଡୋନ 3 ଏବଂ ବାକି ଫିଲ୍ମ ଉପରେ କାମ କରୁଛନ୍ତି । ପ୍ରିୟଙ୍କା ଚୋପ୍ରା ହଲିଉଡ ଫିଲ୍ମ ହେଡ୍ସ ଅଫ ଷ୍ଟେଟଡରେ ନଜର ଆସିବାକୁ ଥିବା ବେଳେ ଆଲିଆ ରକି ଔର ରୀନୀ କି ପ୍ରେମ କାହାନୀରେ ନଜର ଆସିବେ ।
