ହାଇଦ୍ରାବାଦ: 'ରକି ଔର ରାନୀ' ଫିଲ୍ମର ସଫଳତା ପରେ ବର୍ତ୍ତମାନ ଟ୍ରେଣ୍ଡିଂରେ ରହିଛନ୍ତି ବଲିଉଡ ଅଭିନେତ୍ରୀ ଆଲିଆ ଭଟ୍ଟ । ନିଜ ଦମଦାର ଅଭିନୟ ବ୍ୟତୀତ ନିଜ ଲୁକ୍ସ ପାଇଁ ସବୁବେଳେ ଚର୍ଚ୍ଚାରେ ଥାଆନ୍ତି ଅଭିନେତ୍ରୀ । ସୋସିଆଲ ମିଡିଆରେ ସକ୍ରିୟ ଥିବା ଆଲିଆ ଭଟ୍ଟ ସର୍ବଦା ନିଜ ବ୍ୟକ୍ତିଗତ ଏବଂ ବୃତ୍ତିଗତ ଜୀବନ ସହିତ ଜଡ଼ିତ ତଥ୍ୟ ସେୟାର କରିଥାଆନ୍ତି । ବର୍ତ୍ତମାନ ଆଲିଆ ଭଟ୍ଟ ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ସେ ପୁଲରେ ଗାଧଉଥିବାର ନଜର ଆସିଛନ୍ତି । ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ପ୍ରଶଂସକମାନେ ବେଶ ପସନ୍ଦ କରିବା ସହ ପ୍ରତିକ୍ରିୟା ଦେଇଛନ୍ତି ।
ଆଲିଆ ଭଟ୍ଟ ଏକ ଭିଡିଓ ନିଜ ଇନ୍ଷ୍ଟାଗ୍ରାମରେ ସେୟାର କରିଛନ୍ତି । ଏହି ଭିଡିଓ ସେୟାର କରି ଆଲିଆ କ୍ୟାପସନରେ ଲେଖିଛନ୍ତି, DND (Do Not Distrub)। ଆଲିଆ ଭଟ୍ଟ ପିଙ୍କ୍ ମନୋକିନି ଲୁକ୍ ସହ ସୁଇମିଂ ପୁଲରେ ଆରାମ କରୁଥିବା ଦେଖିବାକୁ ମିଳିଛି । ଆଲିଆଙ୍କ ଭିଡିଓ ଉପରେ ପ୍ରଶଂସକ ଏବଂ ସେଲିବ୍ରେଟିମାନେ ମଧ୍ୟ ପ୍ରତିକ୍ରିୟା ଦେଉଛନ୍ତି । ଆଲିଆ ଭଟ୍ଟଙ୍କ ଭିଡିଓରେ ଅଭିନେତା ଅର୍ଜୁନ କପୁର ଲେଖିଛନ୍ତି, 'ମୋତେ ମଧ୍ୟ ଏହି ସେଡ୍ୟୁଲ୍ ଏବଂ ଏହି ହୋଟେଲ ଦରକାର ।' ଏଥିସହିତ ଜଣେ ପ୍ରଶଂସକ ଲେଖିଛନ୍ତି, 'ଆଲିଆ, ପାଣିରେ ନିଆଁ ଲାଗିଯିବ।' ଅନ୍ୟ ଜଣେ ପ୍ରଶଂସକ ଲେଖିଛନ୍ତି, 'ୱାଟର ବେବି ।' ସୂଚନା ଥାଉ କି, ଅଳ୍ପ ସମୟ ମଧ୍ୟରେ ଆଲିଆ ଭଟ୍ଟଙ୍କ ଏହି ଭିଡିଓକୁ ପସନ୍ଦ କରୁଥିବା ୟୁଜର୍ସ ସଂଖ୍ୟା ପାଖାପାଖି 4 ଲକ୍ଷରେ ପହଞ୍ଚିଛି । ଆଲିଆଙ୍କ ଏହି ଭିଡିଓକୁ ମାତ୍ର ଏକ ଘଣ୍ଟା ମଧ୍ୟରେ ଏକ ମିଲିୟନ୍ ଭିୟୁ ମିଳି ସାରିଲାଣି ।
ଏହା ମଧ୍ୟ ପଢନ୍ତୁ: ନ୍ୟୁୟର୍କରେ ଆଲିଆ-ରଣଭୀର, ଫ୍ୟାନ୍ସଙ୍କୁ ଦିୱାନା କଲା ଅଭିନେତାଙ୍କ ନୂଆ ହେୟାର୍ ଷ୍ଟାଇଲ୍
ଆଲିଆଙ୍କ ୱାର୍କଫ୍ରଣ୍ଟ କଥା କହିବାକୁ ଗଲେ, 69ତମ ଜାତୀୟ ଚଳଚ୍ଚିତ୍ର ପୁରସ୍କାର ପାଇଁ ଆଲିଆଙ୍କୁ ଫିଲ୍ମ (ଗଙ୍ଗୁବାଇ କାଠିଆୱାଡି) ଶ୍ରେଷ୍ଠ ଅଭିନେତ୍ରୀ ଭାବେ ମନୋନୀତ କରାଯାଇଛି । ତାଙ୍କୁ ଶେଷଥର ପାଇଁ ବିଜୟ ବର୍ମାଙ୍କ ସହ ଡାର୍ଲିଂ ଫିଲ୍ମରେ ଦେଖିବାକୁ ମିଳିଥିଲା। ଏଥିସହ କରଣ ଜୋହରଙ୍କ ପିଲ୍ମ ରକି ଔର ରାନୀ କି ପ୍ରେମ କାହାନୀରେ ମଧ୍ୟ ଦେଖିବାକୁ ମିଳିଥିଲା । ଏହି ଫିଲ୍ମ ବେଶ ରୋଜଗାର କରିବା ସହ ଲୋକପ୍ରିୟତା ହାସଲ କରିଥିଲା । ଅଗଷ୍ଟ 11ରେ ଆଲିଆ ଭଟ୍ଟଙ୍କ ହଲିଉଡ ଡେବ୍ୟୁ ଫିଲ୍ମ ହାର୍ଟ ଷ୍ଟୋନ ମୁକ୍ତିଲାଭ କରିଥିଲା । ଯାହାକି ବିଶେଷ କିଛି ଲୋକପ୍ରିୟତା ହାସଲ କରିପାରି ନଥିଲା । ବର୍ତ୍ତମାନ ଆଲିଆ ଭଟ୍ଟଙ୍କ ଆଗାମୀ ଚଳଚ୍ଚିତ୍ର ବ୍ରହ୍ମାସ୍ତ୍ର-୨, ବାଇଜୁ ବାୱରା, ଇଂଶାଆଲ୍ଲା ଏବଂ ତଖତ୍ ଲାଇନ-ଅପ୍ ହୋଇ ରହିଛି ।
