ହାଇଦ୍ରାବାଦ: କରଣ ଜୋହରଙ୍କ ମୋଷ୍ଟ ପପୁଲାର ଚାଟ୍ ସୋ 'କଫି ୱିଥ୍ କରଣ' ସିଜନ୍ 7ର ଫାଇନାଲ୍କୁ ଆଉ କିଛି ଦିନ ବାକୁ ଅଛି । ଏହି ସମୟରେ କରଣ ଜୋହର ସୋ’ର ଫାଇନାଲ ଏପିସୋଡର ଏକ ଝଲକ ସୋସିଆଲ ମିଡିଆରେ ସେୟାର କରିଛନ୍ତି । ଏହି ଏପିସୋଡରେ କରଣ ଜୋହରଙ୍କ ରିଲେସନସିପ୍କୁ ନେଇ ଏକ ମଜାଳିଆ ଖୁଲାସା ହୋଇଛି। ଏହି ଫାଇନାଲ ସୋ’ରେ ସୋସିଆଲ ମିଡିଆ ଇନ୍ଫ୍ଲୁଏନ୍ସର ତନ୍ମୟ ଭଟ୍ଟ, କୁଶା କପିହା, ନିହାରିକା ଏନଏମ ଏବଂ ଦାନିଶ୍ ସୈତ ଅତିଥି ଭାବରେ ନଜର ଆସିବେ।
- " class="align-text-top noRightClick twitterSection" data="
">
ଫାଇନାଲ ପ୍ରମୋ
କରଣ ଜୋହର ସୋ’ର ପ୍ରୋମୋ ସୋସିଆଲ ମିଡିଆ ଆକାଉଣ୍ଟ ଇନଷ୍ଟାଗ୍ରାମରେ ସେୟାର କରିଛନ୍ତି। ଏଥର ସୋ’ରେ ତନ୍ମୟ ଭଟ୍ଟ, କୁଶା କପିହା, ନିହାରିକା ଏନଏମ ଏବଂ ଦାନିଶ୍ ସୈତଙ୍କ ପ୍ରଶ୍ନ କରଣ ଜୋହରଙ୍କ ମୁଣ୍ଡ ଖରାପ କରିଦେଇଛନ୍ତି । ପ୍ରମୋରେ, ଏହି ଚାରିଜଣ ଅତିଥି ଏକାଠି ହୋଇ କରଣଙ୍କୁ ପରିହାସ କରିଥିଲେ। କେବଳ ଏତିକି ନୁହେଁ, କରଣଙ୍କ ସାମ୍ନାକୁ ଏପରି ପ୍ରଶ୍ନ ଆସିଥିଲା କି ସେ ତାଙ୍କ ରିଲେସନର ସମସ୍ତ ରହସ୍ୟ ତାଙ୍କ ସାମ୍ନାରେ ଓଗାଳି ଦେଇଥିଲେ ।
କରଣ ଜୋହର ଡେଭିଡ ଧାୱନଙ୍କୁ ଡେଟ କରୁଛନ୍ତି କି ?
ଉଲ୍ଲେଖନୀୟ ଯେ, ପୂର୍ବରୁ ସୋ’ରେ ବରୁଣ ଧାୱନ ଅତିଥି ଭାବରେ ପହଞ୍ଚିଥିଲେ, ସେତେବେଳେ କରଣ ଜୋହର ବରୁଣଙ୍କ ସମ୍ପର୍କ ବିଷୟରେ ଏକ ମଜାଳିଆ ଖୁଲାସା କରିଥିଲେ । ଏହାପରେ ଅତିଥି ନିହାରିକା କରଣଙ୍କୁ ତାଙ୍କ ସମ୍ପର୍କ ବିଷୟରେ କହିବାକୁ କହିଥିଲେ। ଏଭଳି ପରିସ୍ଥିତିରେ କରଣ ଏହି ପ୍ରଶ୍ନକୁ ଅଣଦେଖା କରିବାକୁ ଚାହୁଁଥିଲେ, ମାତ୍ର କୁଶା କପିହା ତାଙ୍କ ପିଛା ଛାଡିନଥିଲେ । ଏହାପରେ ସଙ୍ଗେ ସଙ୍ଗେ ତନ୍ମୟ ଭଟ୍ଟ ପଚାରିଥିଲେ ଯେ 'ତୁମେ ଡେଭିଡ ଧାୱନଙ୍କୁ ଡେଟ କରୁଛ କି ? ତନ୍ମୟଙ୍କ ଏହି ପ୍ରଶ୍ନ ଶୁଣିବା ପରେ କରଣ ଜୋହର ଆଶ୍ଚର୍ଯ୍ୟ ହୋଇଯାଇଛନ୍ତି । ତାପରେ ଜବାବ୍ରେ ସେ କହିଛନ୍ତି ଯେ, ସେ ଡେଭିଡ ଧାୱନଙ୍କୁ ନୁହେଁ ବରଂ ତାଙ୍କ ପୁଅ ବରୁଣ ଧାୱନଙ୍କୁ.... ଏଭଳି ପରିସ୍ଥିତିରେ କରଣ ଜୋହରଙ୍କ ଏହି ମଜାଳିଆ ଖୁଲାସା ଏବେ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି ।
ଆଲିଆ ଭଟ୍ଟଙ୍କୁ ନେଇ ହେଲେ ଟ୍ରୋଲ୍
କେବଳ ଏତିକି ନୁହେଁ, ସୋ’ରେ ଆସିଥିବା ଅତିଥି କରଣ ଜୋହର ଏବଂ ଆଲିଆ ଭଟ୍ଟଙ୍କୁ ମଧ୍ୟ ପରିହାସ କରିଥିଲେ। 'କଫି ୱିଥ୍ କରଣ 7'ର ଗ୍ରାଣ୍ଡ୍ ଫାଇନାଲ୍ ଏପିସୋଡ୍ ସେପ୍ଟେମ୍ବର 29 ରେ ରାତି 12 ଟା ସମୟରେ ଡିସ୍ନି ପ୍ଲସ୍ ହଟଷ୍ଟାରରେ ପ୍ରସାରିତ ହେବ । ଏହି ସିଜନରେ ସମୁଦାୟ 13 ଟି ଏପିସୋଡ୍ ପ୍ରସାରିତ ହେବ ।
