ଅମରାବତୀ: ବଲିଉଡ ଅଭିନେତ୍ରୀ ଜାହ୍ନବୀ କପୁର ପୁଣିଥରେ ଆନ୍ଧ୍ରପ୍ରଦେଶ ସ୍ଥିତ ତିରୁମାଲା ଶ୍ରୀ ଭେଙ୍କଟେଶ୍ବର ସ୍ବାମୀଙ୍କ ମନ୍ଦିର ପରିଦର୍ଶନ କରିଛନ୍ତି । ଗତବର୍ଷ ଅଭିନେତ୍ରୀ ଅନେକ ଥର ତିରୁପତି ବାଲାଜୀଙ୍କ ଦର୍ଶନ କରିଥିବା ବେଳେ ଏବେ ନୂଆବର୍ଷ ପ୍ରାରମ୍ଭରେ ଜାହ୍ନବୀ ପୁଣି ଏଠାକୁ ଆସିଛନ୍ତି । ସେ ରୁମର ବୟଫ୍ରେଣ୍ଡ ଶିଖର ପହରିଆଙ୍କ ସହ ଭେଙ୍କଟେଶ୍ବର ସ୍ବାମୀଙ୍କ ଦର୍ଶନ କରିଥିବା ନଜର ଆସିଛନ୍ତି । ତେବେ ଏହା ପ୍ରଥମ ଥର ନୁହେଁ, ଏହା ପୂର୍ବରୁ ଅନେକ ଥର ଏହି ଲଭବାର୍ଡଙ୍କୁ ତିରୁପତି ମନ୍ଦିର ପରିଦର୍ଶନରେ ଏକାଠି ଆସିଥିବା ଦେଖିବାକୁ ମିଳିଛି ।
ଜାହ୍ନବୀ ନିଜ ଇନଷ୍ଟାଗ୍ରାମରେ ତିରୁପତି ବାଲାଜୀଙ୍କ ଦର୍ଶନ ପୂର୍ବରୁ ଅନେକ ଫଟୋ ସେୟାର କରିଛନ୍ତି ଏବଂ କ୍ୟାପସନରେ ଲେଖିଛନ୍ତି, ବର୍ତ୍ତମାନ ଏହା ଲାଗୁଛି ଯେ, ୨୦୨୪ ଆରମ୍ଭ ହୋଇଛି । ଫଟୋରେ ସେ ମନ୍ଦିରକୁ ଯିବା ସିଢିର ଫଟୋ ଏବଂ ନିଜର ଅନେକ ଫଟୋ ସେୟାର କରିଛନ୍ତି । ଫଟୋରେ ସେ ପାରମ୍ପରିକ ଲୁକ ସହ କ୍ରିମ ରଙ୍ଗର ଶାଢୀରେ ନଜର ଆସିଛନ୍ତି । ସେପଟେ ମନ୍ଦିର ଦର୍ଶନର ମଧ୍ୟ ଅନେକ ଭିଡିଓ ସାମ୍ନାକୁ ଆସିଛି । ଯେଉଁଥିରେ ଜାହ୍ନବୀଙ୍କ ସହ ଶିଖରଙ୍କୁ ଦେଖିବାକୁ ମିଳିଛି । ଶିଖର ମଧ୍ୟ ଏହି ସମୟରେ କ୍ରିମି ରଙ୍ଗର ଧୋତିରେ ନଜର ଆସିଛନ୍ତି ।
ସୂଚନା ଥାଉକି, ଜାହ୍ନବୀ ନୂପୁରଙ୍କୁ ଡେଟ୍ କରୁଥିବା ନେଇ ସର୍ବଦା ଲାଇମଲାଇଟରେ ରହିଆସୁଛନ୍ତି । ନିକଟରେ କରଣ ଜୋହରଙ୍କ ଚାଟ୍ ଶୋ' 'କଫି ୱିଥ କରଣ ସିଜନ ୮' ରେ ଜାହ୍ନବୀ ଏବଂ ଉଭଣୀ ଖୁସି କପୁର ଏକାଠି ନଜର ଆସିଥିଲେ । ଏହି ସମୟରେ ଜାହ୍ନବୀ ନିଜ ଶିଖରଙ୍କ ନିଜ ସମ୍ପର୍କ ନେଇ ଖୁଲାସା କରିଥିଲେ । ଯାହାପରେ ଉଭୟଙ୍କ ଡେଟିଂକୁ ନେଇ ଜାହ୍ନବୀ ପରୋକ୍ଷରେ ନିଶ୍ଚିନ୍ତ କରିଥିବା ଜଣାପଡିଥିଲା । ଏବେ ପୁଣି ତିରୁମତିରେ ଏକାଠି ନଜର ଆସି ଉଭୟଙ୍କ ଡେଟିଂ ଗୁଜବ ସତ ହୋଇଥିବା ନେଇ ଚର୍ଚ୍ଚା ହେଉଛି ।
ଏହା ମଧ୍ୟ ପଢନ୍ତୁ: ଶିଖର ପହରିଆଙ୍କୁ ଡେଟ୍ ନେଇ କନଫର୍ମ କଲେ ଜାହ୍ନବୀ !
ୱାର୍କପ୍ରଣ୍ଟ କଥା କହିବାକୁ ଗଲେ, ଜାହ୍ନବୀଙ୍କୁ ଶେଷରେ ବରୁଣ ଧୱନଙ୍କ ବିପକ୍ଷରେ ବାୱାଲରେ ଦେଖିବାକୁ ମିଳିଥିଲା । ଜାହ୍ନବୀ କପୁର ରାଜକୁମାର ରାଓଙ୍କ ସହ 'ମିଷ୍ଟର ଏବଂ ମିସେସ ମାହି' ଏବଂ ଗୁଲଶନ ଦେବୟାଙ୍କ ସହ ରାଜନୈତିକ ଥ୍ରୀଲର 'ଉଲଝ'ରେ ନଜର ଆସିବେ । ଏଥିସହ ସେ ଜୁନିଅର ଏନଟିଆରଙ୍କ ସହିତ ମଧ୍ୟ ଫିଲ୍ମ 'ଦେବରା' ସହ ସାଉଥରେ ଡେବ୍ୟୁ କରିବାକୁ ଯାଉଛନ୍ତି । ଏହି ଫିଲ୍ମ ୨ଟି ଭାଗରେ ରିଲିଜ ହେବ । ପ୍ରଥମ ଭାଗ 2024 ଏପ୍ରିଲ୍ 5ରେ ରିଲିଜ ହେବ । ଫିଲ୍ମର ଦ୍ୱିତୀୟ ଭାଗ ପାଇଁ ଅଫିସିଆଲ୍ ରିଲିଜ ତାରିଖ ଏପର୍ଯ୍ୟନ୍ତ ଘୋଷଣା କରାଯାଇ ନାହିଁ ।
