ହାଇଦ୍ରାବାଦ: ବଲିଉଡ ଅଭିନେତ୍ରୀ ଦିଶା ପଟାନି ସବୁବେଳେ ଫ୍ୟାଶନ ଇନ୍ସ ପାଇଁ ଚର୍ଚ୍ଚାରେ ଥାଆନ୍ତି । ବୃତ୍ତିଗତ ଜୀବନ ଅପେକ୍ଷା ଆଜିକାଲି ଦିଶା ନିଜ ବ୍ୟକ୍ତିଗତ ଜୀବନ ପାଇଁ ଲାଇମ୍ଲାଇଟରେ ଅଛନ୍ତି । ଦିଶା ଅଭିନେତା ତଥା ମଡେଲ ଆଲେକ୍ସଜାଣ୍ଡାର ଏଲିକ୍ଙ୍କ ସହ ଡେଟ୍ କରୁଥିବା ଜଣାପଡ଼ିଛି । ଉଭୟଙ୍କୁ ପ୍ରାୟ ସମୟରେ ଏକାଠି ଦେଖିବାକୁ ମିଳିଥାଏ । ବର୍ତ୍ତମାନ ସୋସିଆଲ ମିଡିଆରେ ଦିଶା ଏବଂ ତାଙ୍କ ରୁମର୍ ବୟଫ୍ରେଣ୍ଡ୍ଙ୍କ ଏକ ଭିଡିଓ ସାମ୍ନାକୁ ଆସିଛି । ଯେଉଁଥିରେ ଆଲେକ୍ସ ତାଙ୍କ ବାହୁରେ ଦିଶାଙ୍କ ଚେହେରାର ଟାଟୁ କରିଥିବା ଦେଖିବାକୁ ମିଳିଛି ।
ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଅଭିନେତ୍ରୀ ଦିଶା ଆଲେକ୍ସଜାଣ୍ଡାର ଏବଂ ଟାଇଗରଙ୍କ ଭଉଣୀ କୃଷ୍ଣ ଶ୍ରଫଙ୍କୁ ଦେଖିବାକୁ ମିଳିଛି । କୃଷ୍ଣା ସେଲ୍ଫି ଭିଡିଓ କରୁଥିବା ବେଳେ ଦିଶାଙ୍କ ପୋଜ୍ ଦେଇଛନ୍ତି । ପରେ ଆଲେକ୍ସଜାଣ୍ଡାରଙ୍କ ହାତକୁ ଜୁମ୍ କରନ୍ତି, ଯେଉଁଠାରେ ଦିଶାଙ୍କ ଚେହେରାର ଟାଟୁ ହୋଇଥିବା ଦେଖିବାକୁ ମିଳେ । ଆଲେକ୍ସଜାଣ୍ଡାରଙ୍କ ବାହୁରେ ଦିଶାଙ୍କ ଚେହେରା ଟାଟୁ ବହୁତ ସୁନ୍ଦର ଦେଖାଯାଉଛି । ଏହି ଭିଡିଓକୁ ଦିଶା ନିଜ ଇନ୍ଷ୍ଟାଗ୍ରାମ ଷ୍ଟୋରୀରେ ମଧ୍ୟ ସେୟାର କରିଛନ୍ତି । ଦିଶା ପାଟନିଙ୍କ ଏହି ଭିଡିଓ ସୋସିଆଲ ମିଡିଆରେ ସେୟାର ହେବା ମାତ୍ରେ ଫ୍ୟାନ୍ସ ଏହାକୁ ଲାଇକ୍ କରିବା ସହ ପ୍ରତିକ୍ରିୟା ଦେଇଛନ୍ତି । ଜଣେ ଲେଖିଛନ୍ତି, 'ବର୍ତ୍ତମାନ ଟାଇଗରଙ୍କ ସହ କ’ଣ ହେବ?' ଆଉ ଜଣେ ଲେଖିଛନ୍ତି, 'ଟାଇଗର ଏବେବି ଜୀବିତ ଅଛନ୍ତି।' ଅନ୍ୟ ଜଣେ ଥଟ୍ଟା କରି କହିଛନ୍ତି, ଦିଶା ଟାଟୁରେ ଆଦିବାସୀ ଦେଖାଯାଉଛନ୍ତି।
ସୂଚନା ଥାଉ କି, ଦିଶା ପଟାନି ଦୀର୍ଘ ସମୟ ଧରି ଟାଇଗର ଶ୍ରଫଙ୍କୁ ଡେଟ୍ କରିଥିଲେ, କିନ୍ତୁ ଉଭୟ କେବେ ବି ନିଜ ରିଲେସନକୁ ନେଇ କୌଣସି ଆଲୋଚନା କରିନଥିଲେ । ସବୁବେଳେ ପରସ୍ପରକୁ ଭଲ ବନ୍ଧୁ ବୋଲି କହୁଥିଲେ । କିଛି ମାସ ପୂର୍ବରୁ ଉଭୟଙ୍କ ବ୍ରେକ୍ଅପ ଖବର ସାମ୍ନାକୁ ଆସିଥିଲା । ତେବେ ବ୍ରେକଅପ୍ ପରେ ଏବେ ଦିଶା ବର୍ତ୍ତମାନ ନିଜ ଲାଇଫ୍ରେ ଆଗକୁ ବଢ଼ିଛନ୍ତି । ବର୍ତ୍ତମାନ ଦିଶା ଆଲେକ୍ସଜାଣ୍ଡାରଙ୍କ ସହ ଡେଟ୍ କରୁଥିବା ରୁମର ହେଉଛି । ନିକଟରେ ଦିଶା ଏବଂ ଆଲେକ୍ସଜାଣ୍ଡାରଙ୍କ ଏକ ଭିଡିଓ ସାମ୍ନାକୁ ଆସିଥିଲା, ଯେଉଁଥିରେ ଆଲେକ୍ସଜାଣ୍ଡାରଙ୍କୁ ଦିଶା ତାଙ୍କ ପ୍ରେମିକ ବୋଲି କହୁଥିବା ନଜର ଆସିଥିଲେ ।
ଏହା ମଧ୍ୟ ପଢନ୍ତୁ: ଟାଇଗର-ଦିଶାଙ୍କ ସମ୍ପର୍କରେ ଫାଟ, ୬ ବର୍ଷ ଡେଟ୍ ପରେ ହେଲେ ଅଲଗା !
ଦିଶାଙ୍କ ୱାର୍କଫ୍ରଣ୍ଟ କଥା କହିବାକୁ ଗଲେ, 2015 ମସିହାରେ ଫିଲ୍ମ 'ଲୋଫର୍' ସହ ବଲିଉଡ କ୍ୟାରିୟର ଆରମ୍ଭ କରିଥିଲେ ଦିଶା ପଟାନୀ । ପରେ ବି ଅନେକ ହିଟ୍ ଫିଲ୍ମରେ ନିଜ ଅଭିନୟରେ ଦର୍ଶକଙ୍କ ମନ ଜିତିଛନ୍ତି । ବର୍ତ୍ତମାନ ଏହି ଅଭିନେତ୍ରୀ ଖୁବ୍ ଶୀଘ୍ର 'କଲ୍କି 2898 AD'ରେ ନଜର ଆସିବେ । ଏହି ଫିଲ୍ମରେ ସାଉଥ୍ ସୁପରଷ୍ଟାର ପ୍ରଭାସ, କମଲ ହାସନ, ବଳିଉଡ୍ ଅଭିନେତା ଅମିତାଭ ବଚ୍ଚନ ଏବଂ ଅଭିନେତ୍ରୀ ଦୀପିକା ପାଦୁକୋନ ବି ନଜର ଆସିବେ । ଏଥିସହ ଦିଶା ପଟାନୀ ମଧ୍ୟ ନଜର ଆସିବେ । ନିକଟରେ ସେ ମ୍ୟୁଜିକ୍ ଭିଡିଓ 'କ୍ୟୁ କରୁଁ ଫିକର୍' ସହ ତାଙ୍କର ପ୍ରଥମ ନିର୍ଦ୍ଦେଶନା କ୍ୟାରିଅର ଆରମ୍ଭ କରିଛନ୍ତି ।
