ମୁମ୍ବାଇ: ଅଜୟ ଦେବଗନଙ୍କ (Ajay Devgn) ଫିଲ୍ମ 'ଭୋଲା'(Bholaa) ର ଶାନଦାର ଟିଜର ଆଜି ମୁକ୍ତିଲାଭ କରିଛି । ଅଜୟ ନିଜେ ଏହି ଟିଜରକୁ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଏହି ଚଳଚ୍ଚିତ୍ରରେ ଅଭିନୟ କରିବା ବ୍ୟତୀତ ଅଜୟ ଦେବଗନ ନିଜେ ନିର୍ଦ୍ଦେଶନା ଦେଇଛନ୍ତି । ଏହି ଚଳଚ୍ଚିତ୍ରରେ ମୁଖ୍ୟ ଅଭିନେତ୍ରୀ ଭାବରେ ତବୁଙ୍କୁ ପୁଣି ଥରେ ଦେଖିବାକୁ ମିଳିବ । ଅଜୟ ଦେବଗନ୍ ଏବଂ ତବୁଙ୍କର ଏହା ହେଉଛି 9ତମ ଚଳଚ୍ଚିତ୍ର, ଯେଉଁଥିରେ ଉଭୟ ଏକାଠି ନଜର ଆସିବେ ।
- " class="align-text-top noRightClick twitterSection" data="
">
ସୋମବାର ଇନଷ୍ଟାଗ୍ରାମରେ ଫିଲ୍ମର ପ୍ରଥମ ଝଲକ ସେୟାର କରିବାବେଳେ ଅଜୟ ଟିଜର ବିଷୟରେ ସୂଚନା ଦେଇଛନ୍ତି । ବର୍ତ୍ତମାନ ଟିଜର ରିଲିଜ୍ କରି ସେ ଲେଖିଛନ୍ତି, 'କିଏ ସେ, କିଏ ଜଣା, ସେ ନିଜେ ନିଖୋଜ ଅଛି' ଅଜୟ ଟିଜର ରିଲିଜ କରିବା ମାତ୍ରେ ଏହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଏହା ବି ପଢନ୍ତୁ: Kartik Aaryan birthday: ଜନ୍ମଦିନରେ କୋକିଙ୍କୁ ସରପ୍ରାଇଜ୍ ଦେଲେ ବାପାମାଆ
ସାଉଥ୍ ଫିଲ୍ମର ରିମେକ୍ ଭୋଲା
ଭୋଲା 2019 ରେ ମୁକ୍ତିଲାଭ କରିଥିବା ତାମିଲ ସୁପରହିଟ୍ ଫିଲ୍ମ 'କୈଥୀ' (Film Kaithi)ର ହିନ୍ଦୀ ରିମେକ୍ । ଏହି ଚଳଚ୍ଚିତ୍ରର କାହାଣୀ ଜଣେ ଦୋଷୀ ବ୍ୟକ୍ତିଙ୍କ ବିଷୟରେ, ଯିଏ ଜେଲରୁ ମୁକୁଳିବା ପରେ ପ୍ରଥମ ଥର ପାଇଁ ତାଙ୍କ ଝିଅକୁ ଭେଟିବାକୁ ଚାହାଁନ୍ତି, କିନ୍ତୁ ତାଙ୍କର ସାମ୍ନା ପୋଲିସ ଏବଂ ଡ୍ରଗ୍ ମାଫିଆ ସହିତ ହୁଏ । ତବୁଙ୍କୁ ଏହି ଚଳଚ୍ଚିତ୍ରରେ ଜଣେ ବରିଷ୍ଠ ପୋଲିସ୍ ଅଧିକାରୀ ଭୂମିକାରେ ଦେଖିବାକୁ ମିଳିବ । ତେବେ ଫିଲ୍ମ 'କୈଥୀ' ବକ୍ସ ଅଫିସରେ କମାଲ କରିଥିଲା । ଯାହାର ନିର୍ଦ୍ଦେଶନା ଦେଇଛନ୍ତି ଲୋକେଶ କାନାରାଜନ । ଏବେ ଏହା ଦେଖିବାକୁ ବାକି ରହିଲା, ଦକ୍ଷିଣ ଚଳଚ୍ଚିତ୍ରର ହିନ୍ଦୀ ରିମେକ୍ ଦର୍ଶକଙ୍କ ଉପରେ କି ପ୍ରଭାବ ପକାଇବ ।
