ମୁମ୍ବାଇ: ବଲିଉଡର 'ସିଂଘମ୍' ଅଜୟ ଦେବଗନଙ୍କ ଫ୍ୟାନ୍ସଙ୍କ ପାଇଁ ଖୁସି ଖବର । ମାର୍ଚ୍ଚ 30ରେ ରିଲିଜ ହେବାକୁ ଯାଉଛି ଅଜୟ ଦେବଗନଙ୍କ ଅଭିନୀତ ଫିଲ୍ମ 'ଭୋଲା' । ଏହାରି ମଧ୍ୟରେ ଫ୍ୟାନ୍ସକୁ ସରପ୍ରାଇଜ କରିବାକୁ ଯୋଜନା କରିଛନ୍ତି ଅଭିନେତା। ନିଜ ଫିଲ୍ମ ରିଲିଜ ସହ ନିଜ ଆଗାମୀ ଫିଲ୍ମ 'ମୈଦାନ'ର ଟିଜର ମଧ୍ୟ ରିଲିଜ କରିବାକୁ ଯାଉଛନ୍ତି । ସୋସିଆଲ ମିଡିଆରେ ଏକ ପୋଷ୍ଟ ମାଧ୍ୟମରେ ଏହି ଖବର ସେୟାର କରାଯାଇଥିବା ଦେଖିବାକୁ ମିଳିଛି ।
- " class="align-text-top noRightClick twitterSection" data="
">
ବଲିଉଡର ପ୍ରସିଦ୍ଧ ଫିଲ୍ମ ନିର୍ମାତା ବୋନି କପୁର ନିଜ ଇନଷ୍ଟାଗ୍ରାମ ହ୍ୟାଣ୍ଡଲରେ ଫିଲ୍ମ 'ମୈଦାନ' ନେଇ ଏକ ପୋଷ୍ଟର ସେୟାର କରିଛନ୍ତି । ପୋଷ୍ଟର ସେୟାର କରି ସେ ଲେଖିଛନ୍ତି one man, one belief, one sprit ଏକ ସତ ଘଟଣା ଉପରେ ଆଧାରିତ । ଯାହାର ଟିଜର ମାର୍ଚ୍ଚ 30ରେ ରିଲିଜ ହେବ ।
ବୋନି କପୁରଙ୍କ ଦ୍ବାରା ନିର୍ମିତ ଫିଲ୍ମ 'ମୈଦାନ'ରେ ଅଜୟ ଦେବଗନଙ୍କ ବ୍ୟତୀତ ସାଉଥ ଅଭିନେତ୍ରୀ ପ୍ରିୟମଣି, ଗଜରାଜ ରାଓ ଏବଂ ସାଉଥ ଅଭିନେତ୍ରୀ କିର୍ତ୍ତୀ ସୁରେଶ ମୁଖ୍ୟ ଭୂମିକାରେ ନଜର ଆସିବେ । ଏହି ଫିଲ୍ମକୁ ଅମିତ ଶର୍ମା ନିର୍ଦ୍ଦେଶନା ଦେଇଥିବା ବେଳେ ଏ ଆର୍ ରହମାନ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି । ତେବେ ଏହି ଫିଲ୍ମର ରିଲିଜ୍ ତାରିଖ ଅନେକ ଥର ଘୁଞ୍ଚା ଯାଇଥିବା ବେଳେ ବର୍ତ୍ତମାନ ଏହି ଫିଲ୍ମ ଚଳିତ ବର୍ଷର ଜୁନ୍ 23ରେ ରିଲିଜ କରାଯିବ ବୋଲି କୁହାଯାଉଛି ।
ଫିଲ୍ମ 'ମୈଦାନ' କ୍ରୀଡ଼ା ଉପରେ ଆଧାରିତ ଏକ ଫିଲ୍ମ ହୋଇଥିବା ବେଳେ ଏଥିରେ ଅଜୟ ଦେବଗନ ଏକ ଫୁଟବଲ ପ୍ରଶିକ୍ଷକ ଭୂମିକାରେ ନଜର ଆସିବେ । ତେବେ ଅଜୟଙ୍କ ଫିଲ୍ମ ଭୋଲା ରିଲିଜ ହେବା ଦିନ ସିନେମାହଲରେ ଫିଲ୍ମ 'ମୈଦାନ'ର ଟିଜର ରିଲିଜ କରାଯିବ ବୋଲି ଜଣାପଡିଛି । ଏଭଳି ପରିସ୍ଥିତିରେ ଅଜୟ ଦେବଗନ୍ ତାଙ୍କ ପ୍ରଶଂସକଙ୍କ ସହ ଦୁଇଥର ଧମାଲ କରିବାକୁ ଯାଉଛନ୍ତି ।
ମାର୍ଚ୍ଚ 30ରେ ରିଲିଜ ହେବାକୁ ଥିବା ଅଜୟ ଦେବଗନଙ୍କ ଫିଲ୍ମ 'ଭୋଲା'ରେ ମୂଖ୍ୟ ଭୁମିକାରେ ଅଭିନେତ୍ରୀ ତବୁ, ଆମଲା ପାଉଲ ରହିଥିବା ବେଳେ ଅଭିନେତା ଦୀପକ ଡୋବ୍ରିଆଲଙ୍କୁ ଖଲନାୟକ ଭୂମିକାରେ ଦେଖିବାକୁ ମିଳିବ । ଫିଲ୍ମ 'ଭୋଲା'ରେ ନିଜେ ଅଜୟ ଦେବଗନ ନିର୍ଦ୍ଦେଶନା ଦେଇଛନ୍ତି । ଏହା ହେଉଛି ତାମିଲ ଫିଲ୍ମ 'କୈନ୍ଦୀ'ର ହିନ୍ଦୀ ରିମେକ୍ । ତାମିଲ ଅଭିନେତା କାର୍ତ୍ତୀଙ୍କ ଅଭିନୀତ ଚଳଚ୍ଚିତ୍ର ଫିଲ୍ମ 'କୈନ୍ଦୀ'ର ଯୁବ ନିର୍ଦ୍ଦେଶକ ଲୋକେଶ କନଗରାଜ ନିର୍ଦ୍ଦେଶନା ଦେଇଥିଲେ । ଏହି ଆକ୍ସନ୍-ଥ୍ରୀଲର ଫିଲ୍ମ ବକ୍ସ ଅଫିସରେ ଏକ ହିଟ୍ ଫିଲ୍ମ ପ୍ରମାଣିତ ହୋଇଥିଲା । ତେବେ 'ଭୋଲା'କୁ ନେଇ ବଲିଉଡ ବକ୍ସ ଅଫିସ୍ରେ କିଭଳି ପ୍ରତିକ୍ରିୟା ରହିବ ତାହା ଦେଖିବାକୁ ବାକି ରହିଲା ।
