ହାଇଦ୍ରାବାଦ: ସାଉଥ ଅଭିନେତା ଅଲୁ ଅର୍ଜୁନ 69 ତମ ଜାତୀୟ ଚଳଚ୍ଚିତ୍ର ପୁରସ୍କାରରେ ଯୋଗଦେବା ପାଇଁ ନୂଆଦିଲ୍ଲୀ ଅଭିମୁଖେ ବାହାରିଛନ୍ତି । ବିମାନବନ୍ଦରରେ ତାଙ୍କ ପତ୍ନୀ ଅଲ୍ଲୁ ସ୍ନେହା ରେଡ୍ଡୀଙ୍କ ସହ ଅଭିନେତା ନଜର ଆସିଛନ୍ତି । ଅଲ୍ଲୁ ଅର୍ଜୁନଙ୍କ ପୂର୍ବରୁ ଏସ୍ ଏସ୍ ରାଜାମୌଲି ଏବଂ ଏମ ଏମ କାରଭାନୀ ମଧ୍ୟ 69 ତମ ଜାତୀୟ ଚଳଚ୍ଚିତ୍ର ପୁରସ୍କାର ପାଇଁ ଦିଲ୍ଲୀରେ ପହଞ୍ଚିଛନ୍ତି ।
69 ତମ ଜାତୀୟ ଚଳଚ୍ଚିତ୍ର ପୁରସ୍କାର ବିଜେତାଙ୍କ ସମାରୋହରେ ଯୋଗଦେବା ପାଇଁ ଜାତୀୟ ରାଜଧାନୀ ଅଭିମୁଖେ ଯାତ୍ରା କରୁଥିବା ବେଳେ ହାଇଦ୍ରାବାଦ ବିମାନବନ୍ଦରରେ ଅଲ୍ଲୁ ଅର୍ଜୁନ ଏବଂ ତାଙ୍କ ପତ୍ନୀ ସ୍ନେହା ନଜର ଆସିଛନ୍ତି । ଏହି ସମୟରେ ବ୍ଲାକ ପ୍ୟାଣ୍ଟ ଏବଂ ସାର୍ଟରେ ନଜର ଆସିଥିବା ବେଳେ ସ୍ନେହା ଡେନିମ ପ୍ୟାଣ୍ଟ ଏବଂ ହ୍ବାଇଟ ସାର୍ଟରେ ନଜର ଆସିଛନ୍ତି । ସେପଟେ ଦିଲ୍ଲୀ ଏୟାରପୋର୍ଟରେ ଚଳଚ୍ଚିତ୍ର ନିର୍ମାତା ଏସ.ଏସ୍ ରାଜାମୌଲି ଏବଂ ସଙ୍ଗୀତ ରଚନା ଏମ ଏମ କାରଭାନିଙ୍କୁ ଦେଖିବାକୁ ମିଳିଛି ।
ସୂଚନା ଥାଉ କି, ଅଲୁ ଅର୍ଜୁନ, ଏସ୍ ଏସ୍ ରାଜାମୌଲି, ଏବଂ ଏମ୍ ଏମ କେରେଭାନିଙ୍କ ସମେତ ଅନ୍ୟ ବିଜେତାମାନ 69 ତମ ଜାତୀୟ ଚଳଚ୍ଚିତ୍ର ପୁରସ୍କାର କାର୍ଯ୍ୟକ୍ରମରେ ଯୋଗଦେବେ । ଏହି କାର୍ଯ୍ୟକ୍ରମ ଅକ୍ଟୋବର 17, 2023ରେ ନୂଆଦିଲ୍ଲୀର ବିଜ୍ଞାନ୍ ଭବନରେ ଆୟୋଜିତ ହେବ । ଏବଂ ସମସ୍ତ ବିଜେତାଙ୍କୁ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଦ୍ୱାରା ସମ୍ମାନିତ ହେବେ । ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ଏକ ସାମ୍ବାଦିକ ସମ୍ମିଳନୀରେ 24 ଅଗଷ୍ଟ 2023 ରେ 69 ତମ ଜାତୀୟ ଚଳଚ୍ଚିତ୍ର ପୁରସ୍କାର ବିଜେତା ଘୋଷଣା ହୋଇଥିଲା । ଫିଲ୍ମ ପୁଷ୍ପା ପାଇଁ ଶ୍ରେଷ୍ଠ ଅଭିନେତା ଭାବେ ଅଲ୍ଲୁ ଅର୍ଜୁନଙ୍କ ନାଁ ମନୋନୀତ ହୋଇଥିଲା ।
ଏହା ମଧ୍ୟ ପଢନ୍ତୁ: ଆଲିଆ-କ୍ରିତିଙ୍କୁ ଶ୍ରେଷ୍ଠ ଅଭିନେତ୍ରୀ, ଅଲ୍ଲୁ ଅର୍ଜୁନଙ୍କୁ ଶ୍ରେଷ୍ଠ ଅଭିନେତା ଆୱାର୍ଡ
ଫିଲ୍ମ ଇଣ୍ଡଷ୍ଟ୍ରିରେ ବନି ନାମରେ ପରିଚିତ ଅଲୁ ଅର୍ଜୁନ 1985ରେ ଶିଶୁ କଳାକାର ଭାବେ କ୍ୟାରିଅର ଆରମ୍ଭ କରିଥିଲେ । ପରେ ୨୦୦୩ରେ ଗଙ୍ଗୋତ୍ରୀରେ ସେ ଲିଡ ରୋଲରେ ନଜର ଆସିଥିଲେ । ଏହା ପରେ ସେ ଅନେକ ସାଉଥ ଫିଲ୍ମରେ ନିଜର ଅଭିନୟର ଯାଦୁ ଦେଖାଇ ଦର୍ଶକଙ୍କୁ ଲୋକପ୍ରିୟ ତାରକା ହୋଇଥିଲେ । ତାଙ୍କର ଅଭିନୟ କରିବାର କଳା ତାଙ୍କ ବଂଶଗତ ଅଟେ । ଅଲ୍ଲୁ ଅର୍ଜୁନ ହେଉଛନ୍ତି ହାସ୍ୟ ଅଭିନେତା ଅଲ୍ଲୁ ରାମଲିଙ୍ଗାୟାଙ୍କ ନାତି ତଥା ଅଲୁ ଅରବିନ୍ଦଙ୍କ ପୁତ୍ର ଏବଂ ମେଗାଷ୍ଟାର ଚିରଞ୍ଜୀବୀଙ୍କ ଭଣଜା। ୱାର୍କପ୍ରଣ୍ଟ କଥା କହିବାକୁ ଗଲେ, ଅଲ୍ଲୁଙ୍କୁ ଆଗାମୀ ଫିଲ୍ମ ପୁଷ୍ପା ୨ ରେ ଦେଖିବାକୁ ମିଳିବ । ଯାହା ଅଗଷ୍ଟ ୧୫, ୨୦୨୪ରେ ରିଲିଜ ହେବ ।
