ସମ୍ବଲପୁର: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ରଙ୍କ ସମ୍ବଲପୁର ଗସ୍ତ । ଶନିବାର କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସମ୍ବଲପୁର ଗସ୍ତରେ ଆସି ମାଆ ସମଲେଶ୍ବରୀଙ୍କ ଦର୍ଶନ କରିଛନ୍ତି । ସମଲେଶ୍ବରୀଙ୍କୁ ପୂଜା ଅର୍ଚ୍ଚନା କରିଥିଲେ । ପରେ ସେ ଆଜାଦି କା ଅମୃତ ମହୋତ୍ସବ(Azadi Ka Amrit Mahotsav)ଅବସରରେ ଜାତୀୟ ପତାକା ବଣ୍ଟନ କାର୍ଯ୍ୟକ୍ରମରେ ଯୋଗ ଦେଇଥିଲେ । ସ୍ଵାଧୀନତା ୭୫ ବର୍ଷ ପୂର୍ତ୍ତି ଅବସରରେ ପ୍ରଧାନମନ୍ତ୍ରୀଙ୍କ ହର ଘର ତ୍ରିରଙ୍ଗା ନାରାକୁ ଅନୁସରଣ କରି ସମ୍ବଲପୁର ପ୍ରଖ୍ୟାତ ବ୍ୟକ୍ତି ବିଶେଷଙ୍କୁ ତ୍ରିରଙ୍ଗା ପ୍ରଦାନ କରିଥିଲେ ।
କବି ବିନୋଦ ପଶାୟତ, ଲେଖକ ଶ୍ୟାମ ସୁନ୍ଦର ଧର, ସଙ୍ଗୀତ ନିର୍ଦ୍ଦେଶକ ତୁଲାରାମ କଲେତ, କଣ୍ଠଶିଳ୍ପୀ ପଦ୍ମିନୀ ଦୋରା, ଲାୟନ୍ସ କ୍ଲବ ସଦସ୍ୟ ଯସବୀର ସିଂ ହୁରା ପ୍ରମୁଖଙ୍କୁ ଜାତୀୟ ପତାକା ଦେଇଥିଲେ । ଏହାସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଫଟୋ ଚିତ୍ର ଦେଇ ସମ୍ବର୍ଦ୍ଧିତ କରିଥିଲେ । ଏନେଇ କେନ୍ଦ୍ର ଶିକ୍ଷାମନ୍ତ୍ରୀ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଯେ, ‘‘ପୁରା ଦେଶରେ ଉତ୍ସାହ ଦେଖାଦେଇଛି । ନାଗରିକମାନେ ପ୍ରଧାନମନ୍ତ୍ରୀଙ୍କ ଆହ୍ବାନକୁ ଆପଣେଇଛନ୍ତି । କେନ୍ଦ୍ର ସରକାରଙ୍କ ହରଘର ତ୍ରିରଙ୍ଗା ଅଭିଯାନକୁ ସଫଳ କରିବାରେ ଲାଗିଛନ୍ତି ସଭିଏଁ’’ ବୋଲି ସେ କହିଛନ୍ତି ।
ଇଟିଭି ଭାରତ,ସମ୍ବଲପୁର
