ସମ୍ବଲପୁର : ଔଷଧ ଦୋକାନ ଭିତରେ ପଶି ଖଣ୍ତା ତରୁଆଲ ବୁଲାଇ ଲୁଟ କଲେ ଦୁବୃର୍ତ୍ତ । ସମ୍ବଲପୁର ସହର ଧନୁପାଲି ଥାନା ଅଞ୍ଚଳରେ ଘଟିଛି ଏ ଘଟଣା। ସବୁଠାରୁ ବଡ଼ କଥା ହେଲା ଏହି ସବୁ ଘଟଣା କଏଦ ହୋଇଛି ସିସିଟିଭିରେ । ଦାଦା ବଟି ଟଙ୍କା ନ ଦେବାରୁ ଔଷଧ ଦୋକାନ ମାଲିକଙ୍କୁ ଭୁଜାଲିରେ ଆକ୍ରମଣ କରିଛନ୍ତି ଦୁବୃର୍ତ୍ତ । ଟଙ୍କା ଦେବାକୁ ମନା କରିବାରୁ ତିନି ଥର ଭୁଜାଲିରେ ଚୋଟ ପକାଇଥିଲେ ଦୁବୃର୍ତ୍ତ ।
ମେଡ଼ିସିନ ଷ୍ଟୋର ମାଲିକଙ୍କୁ ଭୁଜାଲିରେ ଆକ୍ରମଣ କରି ଲୁଟ : ସିସିଟିଭିରେ କଏଦ ହେଲା ପୁରା ଘଟଣା
ପରେ ଜୋର ଜବରଦସ୍ତି ଖଣ୍ଡା ଦେଖାଇ ଟଙ୍କା ନେଇଥିଲେ । ସମ୍ବଲପୁର ଧନୁପାଲି ଥାନା ଅନ୍ତଗତ ଧନକଉଡା ବ୍ଲକ ସମ୍ମୁଖରେ ଥିବା ଏକ ମେଡିକାଲ ଷ୍ଟୋର ଭିତରେ ଏ ଘଟଣା ହୋଇଛି । ଆଉ ଲୁଟ ସମୟ ସବୁ ଚିତ୍ର ସିସିଟିଭି କ୍ୟାମେରା କଏଦ ହୋଇଛି । ଏହି ଘଟଣାରେ 2ଜଣ ଦୁବୃର୍ତ୍ତ ସାମିଲ ଥିବାବେଳେ ଜଣେ ମୁହଁରେ ମୁଖା ପିନ୍ଧିଥିବାବେଳେ ଆଉ ଜଣେ ହେଲମେଟ ଲଗାଇଥିଲେ। ସିସିଟିଭିକୁ ଆଧାର କରି ଧନୁପାଲି ପୋଲିସ ତଦନ୍ତ ଆରମ୍ଭ କରିଛି।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
