ରାଉରକେଲା: ପୋଲିସ ଆଗରେ ମାଓବାଦୀ ମଙ୍ଗଳ ସିଂହ ମୁଣ୍ଡା ଓରଫ ଅଲିନ୍ଦେରର ଆତ୍ମସମର୍ପଣ । 0ରାଉରକେଲା ପୋଲିସ ଓ ସମ୍ବଲପୁର ପୋଲିସର ମିଳିତ ଅପରେସନ ପରେ ମଙ୍ଗଳ ସିଂ ରାଉରକେଲା ଏସପି କେ.ଶିବ ସୁବ୍ରମଣି ଓ ସମ୍ବଲପୁର ଏସପି କେଭି ସିଂହଙ୍କ ସମ୍ମୁଖରେ ଆତ୍ମସମର୍ପଣ କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ମଙ୍ଗଳ ଅନମୋଲ ନେତୃତ୍ବରେ ସଙ୍ଗଠନରେ ଆସିଥିବା ବେଳେ ମାଓବାଦୀ ମିଶିର ବେଶ୍ରାର ବଡ଼ିଗାର୍ଡ ଭାବେ କାମ କରୁଥିଲା । ରାଜ୍ୟ ସରକାର ମଙ୍ଗଳ ବିରୋଧରେ 4 ଲକ୍ଷ ଟଙ୍କାର ପୁରସ୍କାର ରଖିଥିଲେ । ମଙ୍ଗଳ ସିଂହ ମୁଣ୍ଡା ଝାଡଖଣ୍ଡର ତମାଡ଼ ଥାନା ବଗୋଇ ଗାଁର ବୋଲି ଜଣା ପଡିଛି । ମଙ୍ଗଳ କୋଲହାନ ଓ ସରାଣ୍ଡା ପରେ ଓଡିଶାର ସୁନ୍ଦରଗଡ, ଦେବଗଡ ଓ ଅନୁଗୋଳ ଜିଲ୍ଲାରେ ସକ୍ରିୟ ରହିଥିଲା ।
ସମାଜର ମୁଖ୍ୟଧାରାରେ ସାମିଲ ହେବା ପାଇଁ ମଙ୍ଗଳ ପୋଲିସ ଆଗରେ ଆତ୍ମସମର୍ପଣ କରିଛି ବୋଲି ଉଭୟ ରାଉରକେଲା ଓ ସମ୍ବଲପୁର ଏସପି ସୂଚନା ଦେଇଛନ୍ତି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
