ରାଉରକେଲା: ମୋଟରଯାନ ଆଇନ ଯେଭଳି କଡାକଡି ହୋଇଛି ଏହାର ପ୍ରଭାବ ଦୁର୍ଘଟଣାରେ ବିଶେଷ ପଡିବା ପରି ମନେ ହେଉନାହିଁ । ସୋମବାର ଅପରାହ୍ଣରେ 143 ନମ୍ବର ଜାତୀୟ ରାଜପଥର ଦେଓଗାଁ ନିକଟରେ ଟ୍ରକ ଧକ୍କାରେ ଜଣେ ଯୁବକର ମୃତ୍ୟୁ ଘଟିଛି । ମଙ୍ଗଳବାର ଦିନ 12 ଟା ବେଳେ ରାଉରକେଲା ନିକଟ ସେହି 143 ନମ୍ବର ଜାତୀୟ ରାଜପଥର କାର୍ମେଲ ସ୍କୁଲ ଆଗରେ ଟ୍ରକ ଧକ୍କାରେ ଆଉ ଜଣେ ଯୁବକର ମୃତ୍ୟୁ ଘଟିଛି । ଏହାସହ ଅନ୍ୟ ଜଣେ ଗୁରୁତର ଆହତ ହୋଇଛି । ଏହି ଘଟଣାକୁ ନେଇ ଉତ୍ତେଜନା ପରିସ୍ଥିତି ସୃଷ୍ଟି ହୋଇଛି ।
143 ନମ୍ବର ଜାତିୟ ରାଜପଥରେ ବାରମ୍ବାର ଦୁର୍ଘଟଣା, ପ୍ରତିବାଦରେ ରାସ୍ତାରୋକ
ସୂଚନା ଅନୁସାରେ ହାଇୱେରେ ଗାଡିର ବେଗ ନିୟନ୍ତ୍ରଣ ଏବଂ କ୍ଷତିପୂରଣ ଦାବିରେ ସ୍ଥାନୀୟ ଲୋକେ 143 ନମ୍ବର ଜାତୀୟ ରାଜପଥ ଅବରୋଧ କରିଛନ୍ତି । ଘଟଣାସ୍ଥଳରେ ଶହଶହ ଗାଡିକୁ ଅଟକାଇ ରାସ୍ତା ଅବରୋଧ କରିଛନ୍ତି ସ୍ଥାନୀୟ ଲୋକେ। ସୂଚନା ପାଇ ରଘୁନାଥପାଲି ଥାନା ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରୁଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
