ପୁରୀ: ହାଇଦ୍ରାବାଦ ଗଣଦୁଷ୍କର୍ମ ଓ ହତ୍ୟା ମାମଲାର 4 ଅଭିଯୁକ୍ତଙ୍କୁ ତେଲେଙ୍ଗାନା ପୋଲିସର ଏନକାଉଣ୍ଟର । ପୋଲିସର ଏଭଳି ପଦକ୍ଷେପକୁ ସ୍ବାଗତ କରିଛି ସାରା ଦେଶ । ଏହାେକୁ ମଧ୍ୟ ବାଲୁକାଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ମଧ୍ୟ ବାଲୁକା କଳାରେ ତେଲେଙ୍ଗାନା ପୋଲିସକୁ ସାଲ୍ୟୁଟ କରିଛନ୍ତି । ଏହି କାର୍ଯ୍ୟାନୁଷ୍ଠାନ ସମାଜକୁ ଏକ ବଡ ବାର୍ତ୍ତା ଦେଉଥିବାର ସେ ବାଲୁକାକଳାରେ ଦର୍ଶାଇଛନ୍ତି ।
ବାଲୁକାକଳାରେ ତେଲେଙ୍ଗାନା ପୋଲିସକୁ ସାଲ୍ୟୁଟ
ସୂଚନାଯୋଗ୍ୟ, ପ୍ରମାଣ ପାଇଁ ପୋଲିସ ମାମଲାର ସିନ୍ ରିକ୍ରିଏସନ କରିବାକୁ ଭୋର 4ଟା ସମୟରେ ଉକ୍ତ ଘଟଣାସ୍ଥଳକୁ ଅଭିଯୁକ୍ତଙ୍କ ନେଇ ଯାଇଥିଲେ । ଏହି ସମୟରେ ଅଭିଯୁକ୍ତମାନେ ପୋଲିସର ବନ୍ଧୁକ ଛଡାଇ ପଳାଇବାକୁ ଉଦ୍ୟମ କରିଥିଲେ । ଏହାପରେ ପୋଲିସ ନିଜର ଆତ୍ମରକ୍ଷା କରିବାକୁ ଯାଇ ଏନକାଉଣ୍ଟର କରିଥିଲା ବୋଲି କହିଛନ୍ତି କମିଶନର ଭିସି ସଜ୍ଜନାର ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
