ପୁରୀ: ପ୍ରଧାନମନ୍ତ୍ରୀ ମୋଦିଙ୍କ 70 ତମ ଜନ୍ମ ଦିନ ଅବସରରେ ପୁରୀରେ ଲୋକଙ୍କୁ ରସଗୋଲା ଓ ଚା' ବଣ୍ଟନ କରାଯାଇଛି । ପୁରୀର ଟାଉନ ହଲ ଛକରେ ଚା' ଦୋକାନ କରିଥିବା ଜୟ ସିଂ ମୋଦିଙ୍କ ଜନ୍ମ ଦିନ ଅବସରରେ ଏହି ନିଆରା କାର୍ଯ୍ୟ କରି ପ୍ରଧାନମନ୍ତ୍ରୀଙ୍କୁ ଜନ୍ମ ଦିନର ଶୁଭେଚ୍ଛା ଦେଇଛନ୍ତି।
ପୁରୀରେ ଚା' ଓ ରସଗୋଲା ବାଣ୍ଟି ମୋଦିଙ୍କୁ ଜନ୍ମ ଦିନ ଶୁଭେଚ୍ଛା
ପ୍ରଧାନମନ୍ତ୍ରୀ ମୋଦି ପିଲା ଦିନେ ଜଣେ ଚା' ବିକାଳୀ ଥିବା ବେଳେ ସେ କଠିନ ପରିଶ୍ରମ ଓ ନିଷ୍ଠା ଯୋଗୁଁ ଦେଶର ପ୍ରଧାନମନ୍ତ୍ରୀ ହୋଇଥିବା ଜୟ ସିଂ କହିଛନ୍ତି। ସେହିପରି ତାଙ୍କ ଦ୍ୱାରା ସ୍ୱଚ୍ଛ ଭାରତ ଅଭିଯାନ ଯୋଗୁଁ ଦେଶରେ ଏକ ନୂଆ ବାତ୍ତାବରଣ ଆସିଥିବା ବେଳେ ଏହି କାର୍ଯ୍ୟ ପାଇଁ ସେ ମୋଦିଙ୍କର ବଡ ପ୍ରଶଂସକ ବୋଲି ସେ କହିଛନ୍ତି। ସେହିପରି ସଠିକ ପଦକ୍ଷେପ ଯୋଗୁଁ ଦେଶରେ କୋଭିଡ ମହାମାରୀ ନିୟନ୍ତ୍ରଣରେ ଥିବା ବେଳେ ଏଥିପାଇଁ ସେ ମୋଦିଙ୍କୁ ଧନ୍ୟବାଦ ଦେଇଛନ୍ତି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
