କଟକ: ଓଡିଶା ପୋଲିସ ପକ୍ଷରୁ 67ତମ ବୃତ୍ତିଗତ ପ୍ରତିଯୋଗିତା ପୋଲିସ ଆଇପିଏସ ମେସରେ ଅନୁଷ୍ଠିତ ହୋଇଯାଇଛି । ପୋଲିସ ଡିଜି ବିଜୟ କୁମାର ଶର୍ମା ଆନୁଷ୍ଠାନିକ ଭାବେ ଏହାକୁ ଉଦଘାଟନ କରିଛନ୍ତି । ଏହି ଅବସରରେ ଆୟୋଜିତ ଏକ ପରେଡ଼ରେ ଡିଜି ଶର୍ମା ଅଭିବାଦନ ଗ୍ରହଣ କରିବା ସହ ଉପସ୍ଥିତି ଅଧିକାରୀଙ୍କୁ ଉଦବୋଧନ ଦେଇଛନ୍ତି ।
ପୋଲିସ ବୃତ୍ତିଗତ ପ୍ରତିଯୋଗିତା ପୋଲିସ ବ୍ୟବହାରିକ ଜ୍ଞାନକୌଣଳ ଓ ଦକ୍ଷତା ବୃଦ୍ଧିରେ ସହାୟକ ହେବ । ସେହିପରି ଏହା ସେମାନଙ୍କର ଜ୍ଞାନ କୌଶଳ ପ୍ରଦର୍ଶନ ପାଇଁ ଏକ ସୁଯୋଗ ସୃଷ୍ଟି କରିବ । ତେବେ ପାରମ୍ପରିକ ପଦ୍ଧତି ଛାଡି ଆଧୁନିକ ପଦ୍ଧତିରେ ଅନୁସନ୍ଧାନ କରିବାକୁ ଡିଜି ପରାମର୍ଶ ଦେଇଛନ୍ତି।
ଏହି ବୃତ୍ତି ଗତ ପ୍ରତିଯୋଗିତାରେ ରାଜ୍ୟର ସମସ୍ତ ଜିଲ୍ଲା ଓ ପ୍ରତିଷ୍ଠାନରୁ 212 ଜଣ ପ୍ରତିଯୋଗୀ ଅଂଶ ଗ୍ରହଣ କରିଛନ୍ତି। ପ୍ରତିଯୋଗୀଙ୍କ ମଧ୍ୟରେ 45ଜଣ ଇନିସପେକ୍ଟର, 52 ସବ-ଇନିସପେକ୍ଟର, 49 ଏଏସଆଇ ଓ 66 ଜଣ କନେଷ୍ଟବଳ ଅଂଶ ଗ୍ରହଣ କରିଛନ୍ତି । 3 ଦିନ ଧରି ହେବାକୁ ଥିବା ଏହି ପ୍ରତିଯୋଗିତାରେ ଫଟୋଗ୍ରାଫି, ଆଙ୍ଗୁଳିଛାପ, ବୈଜ୍ଞାନିକ ପଦ୍ଧତିରେ ଅନୁସନ୍ଧାନ ଆଦି ବିଭାଗରେ ପ୍ରତିଯୋଗିତା କରାଯିବ।
କଟକରୁ ନାରାୟଣ ସାହୁ, ଇଟିଭି ଭାରତ
