କଟକ: ନବବଧୂକୁ ନିର୍ଯାତନା । ବାଙ୍କୀ ଥାନା ଚକାପଦ ଗ୍ରାମରେ ଘଟିଛି ଏଭଳି ଅଭାବନୀୟ ଘଟଣା । ପାରିବାରିକ କଳହକୁ ନେଇ ନବବଧୂକୁ ଘରେ ବାଡେଇବା ସହ ଘୋଷାଡି ଆଣି ମୁର୍ମୂଷୁ ଅବସ୍ଥାରେ ରାସ୍ତାକଡରେ ସ୍ବାମୀ ଓ ଶାଶୂ ଫିଙ୍ଗି ଦେଇଥିବା ଅଭିଯୋଗ ହୋଇଛି ।
ନବବଧୂକୁ ନିର୍ଯାତନା, ଥାନାରେ ସ୍ବାମୀ ଅଟକ
ମୁର୍ମୂଷୁ ଅବସ୍ଥାରେ ପଡିଥିବା ସମୟରେ ଗ୍ରାମବାସୀ ଓ ଅଗ୍ନିଶ୍ରମ ବିଭାଗ ନବବଧୂକୁ ଉଦ୍ଧାର କରି ବାଙ୍କୀ ମେଡିକାଲରେ ଭର୍ତ୍ତି କରିଛନ୍ତି । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି । ସେପଟେ ଗ୍ରାମବାସୀ ପୋଲିସକୁ ଖବର ଦେବା ପରେ ପୋଲିସ ଘଟଣାର ତଦନ୍ତ କରିବା ସହ ସ୍ବାମୀକୁ ଅଟକ ରଖି ପଚରାଉଚରା ଚଳାଇଛି ।
