କଟକ: ଲୁଟେରା ଗ୍ୟାଙ୍ଗକୁ ଧରିଲା ପୋଲିସ । ଦାମୀ ମୋବାଇଲ ଲୁଟ ମାମଲାରେ ଗୁରୁବାର ସୋଏବ ଖାନ, ଶେଖ ବବୁଲ ଓ ଅନ୍ତର୍ଯ୍ୟାମୀ ବେହେରାକୁ ଗିରଫ କରିଛି ଚାଉଳିଆଗଞ୍ଜ ଥାନା ପୋଲିସ । ଗତ ଜାନୁଆରୀ ମାସ ୬ ତାରିଖରେ ଘଟିଥିଲା ଏହି ଘଟଣା । ଆଶୁତୋଷ ଲେଙ୍କା ନାମକ ଯୁବକ ଓଏମପି ଛକ ନିକଟରେ ଥିବା ଶିଶୁ ଉଦ୍ୟାନ ନିକଟରେ ଯାଉଥିଲା ସମୟରେ ଏକ ଗାଡିରେ ଦୁଇଜଣ ଦୁର୍ବୃତ୍ତ ଆସି ଆଶୁତୋଷଙ୍କୁ ଆକ୍ରମଣ କରିବା ସହ ମୋବାଇଲ ଛଡାଇ ନେଇଯାଇଥିଲେ ।
ଏହାପରେ ଅନ୍ତର୍ଯ୍ୟାମୀ ବେହେରାକୁ ଏହି ମୋବାଇଲ ବିକିଥିଲେ । ଏହି ଘଟଣାକୁ ନେଇ ସ୍ଥାନୀୟ ଥାନାରେ ମାମଲା ହେଲାପରେ ପୋଲିସ ଆରମ୍ଭ କରିଥିଲା ତଦନ୍ତ । ତେବେ ଗୁରୁବାର ମାଷ୍ଟର ମାଇଣ୍ଡ ସୋଏବକୁ ଗିରଫ କରିବା ପରେ ବବୁଲ ଓ ଅନ୍ତର୍ଯ୍ୟାମୀକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ତେବେ ଗିରଫ ସମୟରେ ଦୁଇ ଦାମୀ ମୋବାଇଲ ଓ ଏକ ସ୍କୁଟି ଜବତ କରିଛି ପୋଲିସ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
