କଟକ: ସୋସିଆଲ ମିଡିଆରେ ବର୍ଷାଙ୍କ ଉଦ୍ଦେଶ୍ୟରେ ଅସମ୍ମାନଜନକ ଟିପ୍ପଣୀ କରିଥିବା ୟୁଜର୍ସ ଅଡୁଆରେ ପଡିପାରନ୍ତି । ଫେସବୁକକୁ ଚିଠି ଲେଖି ତଥ୍ୟ ମାଗିଲା କଟକ ସାଇବର ଥାନା ପୋଲିସ । ବର୍ଷାଙ୍କ ଅଭିଯୋଗ ଆଧାରରେ ସାଇବର ଥାନା ଏହି ତଥ୍ୟ ମାଗିଛି । ଫେସବୁକ ଆକାଉଣ୍ଟରୁ କେହି ଜଣେ ଅସମ୍ମାନଜନକ ଟିପ୍ପଣୀ ଦେଇଥିବା ନେଇ ବର୍ଷା ଅଭିଯୋଗ କରିଥିଲେ ।
ସୂଚନା ଅନୁଯାୟୀ, ଅନୁଭବ ମହାନ୍ତି ରିଅଲ ହିରୋ ଅଫ କେନ୍ଦ୍ରାପଡା ନାମରେ ଏକ ଫେସବୁକ ଆକାଉଣ୍ଟରୁ ବର୍ଷାଙ୍କ ବିରୋଧରେ ବିଭିନ୍ନ ଅସମ୍ମାନ ଜନକ ଟିପ୍ପଣୀ ଦିଆଯାଇଛି । ଯାହାକୁ ନେଇ ଗତ ୨୫ ତାରିଖରେ ବର୍ଷା ସାଇବର ଥାନାରେ ଅଭିଯୋଗ କରିଥିଲେ । ଫେସବୁକ ଆକାଉଣ୍ଟଟି କେଉଁଠାରୁ ଓ କିଏ ଏହାକୁ ଅପରେଟ୍ କରୁଛି ସେନେଇ ଫେସବୁକକୁ ତଥ୍ୟ ମାଗିଛି ସାଇବର ଥାନା ପୋଲିସ ।
ଇଟିଭି ଭାରତ, କଟକ
