ଭୁବନେଶ୍ବର: ନେତାଜୀ ସୁଭାଷ ଚନ୍ଦ୍ର ବୋଷଙ୍କ 125ତମ ଜୟନ୍ତୀ ପାଳନ ନେଇ ହାଇ ପାଓ୍ବାର କମିଟି ଗଠିତ । କମିଟିରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସାମିଲ । କେନ୍ଦ୍ର ସଂସ୍କୃତି ଏବଂ ପର୍ଯ୍ୟଟନ ମନ୍ତ୍ରୀଙ୍କ ଦ୍ବାରା ଗଠିତ କମିଟିରେ ମୁଖ୍ୟମନ୍ତ୍ରୀଙ୍କୁ ସ୍ଥାନ ମିଳିଛି । ଏହି କମିଟିର ଅଧ୍ୟକ୍ଷତା କରିବେ ପ୍ରଧାନମନ୍ତ୍ରୀ ମୋଦି । 23 ଜାନୁୟାରୀ, 2021 ରୁ ଏକ ବର୍ଷର ସ୍ମୃତିଚାରଣ ପାଇଁ କାର୍ଯ୍ୟକଳାପ ଉପରେ କମିଟି ନିଷ୍ପତ୍ତି ନେବ। ଉଚ୍ଚସ୍ତରୀୟ କମିଟିରେ ଗୃହମନ୍ତ୍ରୀ ଅମିତ ଶାହା ମଧ୍ୟ ସାମିଲ । ଏହି ସ୍ମୃତି ସମାରୋହକୁ ଭାରତର ସ୍ବାଧୀନତା ସଂଗ୍ରାମରେ ନେତାଜୀଙ୍କ ଅବଦାନ ପାଇଁ କୃତଜ୍ଞତାର ଚିହ୍ନ ଭାବରେ ପାଳନ କରାଯାଉଛି ।
କମିଟିର ସଦସ୍ୟମାନେ ବିଶେଷଜ୍ଞ, ଐତିହାସିକ, ଲେଖକ, ନେତାଜୀ ସୁଭାଷ ଚନ୍ଦ୍ର ବୋଷଙ୍କ ପରିବାର ସଦସ୍ୟ ତଥା ଆଜାଦ ହିନ୍ଦ ଫୌଜ-ଆଇଏନଏ ସହ ଜଡିତ ବିଶିଷ୍ଟ ବ୍ୟକ୍ତିମାନଙ୍କୁ ସାମିଲ କରାଯାଇଛି। ଦିଲ୍ଲୀ, କୋଲକାତା ତଥା ନେତାଜୀ ଏବଂ ଆଜାଦ ହିନ୍ଦ ଫୌଜ ସହ ଜଡିତ ଅନ୍ୟାନ୍ୟ ସ୍ଥାନ ତଥା ଭାରତ ତଥା ବିଦେଶରେ ଏହି କମିଟି ମଧ୍ୟ ମାର୍ଗଦର୍ଶନ ହେବ।
କମିଟିରେ କେତେକ ବିଶିଷ୍ଟ ବ୍ୟକ୍ତିଙ୍କୁ ସାମିଲ କରାଯାଇଛି। ସେମାନଙ୍କ ମଧ୍ୟରେ ସାଂସଦ ଅଧୀର ରଞ୍ଜନ ଚୌଧୁରୀ,ଶରଦ ପାୱାର, ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ, ଗୁଲାମ ନବୀ ଆଜାଦ୍, ଲୋକସଭା ବାଚସ୍ପତୀ ଓମ ବିର୍ଲା, ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ,ବିସିସିଆଇ ସଭାପତି ସୌରଭ ଗାଙ୍ଗୁଲି, ସଙ୍ଗୀତକାର ଏଆର ରହମାନ, ବଲିଉଡ୍ ଅଭିନେତା ମିଥୁନ ଚକ୍ରବର୍ତ୍ତୀ ରହିଛନ୍ତି।
ପ୍ରଧାନମନ୍ତ୍ରୀ କହିଛନ୍ତି ଯେ,''ନେତାଜୀ ସୁଭାଷ ବୋଷ ନିଜ ସାହସିକତା ପାଇଁ ଜଣାଶୁଣା । ସେ ଜଣେ ପଣ୍ଡିତ, ସୌନିକ ଏବଂ ରାଜ୍ୟସ୍ତରୀୟ ଶ୍ରେଷ୍ଠ ବ୍ୟକ୍ତି । ଆମେ ଖୁବ୍ ଶୀଘ୍ର ତାଙ୍କର 125 ତମ ଜୟନ୍ତୀ ଉତ୍ସବ ଆରମ୍ଭ କରିବାକୁ ଯାଉଛୁ । ସେନେଇ ଏକ ଉଚ୍ଚ ସ୍ତରୀୟ କମିଟି ଗଠନ କରାଯାଇଛି। ଏହି ବିଶେଷ ଉତ୍ସବକୁ ଏକ ମହାନ ଢଙ୍ଗରେ ପାଳନ କରିବାକୁ ମୋଦି ସମସ୍ତଙ୍କୁ ଆହ୍ବାନ ଦେଇଛନ୍ତି।''
ବ୍ୟୁରୋ ରିପୋର୍ଟ, ଇଟିଭି ଭାରତ
