ଭୁବନେଶ୍ୱର: କୋଭିଡ19 ଯୋଗୁଁ ସାରା ଦେଶରେ ଲକ ଡାଉନ ହେବା ଫଳରେ ସମସ୍ତ ଉତ୍ସବ ଓ ଯାତ୍ରାକୁ ବନ୍ଦ କରିଦିଆଯାଇଛି । ଏପରିକି ପାରମ୍ପରିକ ଦଣ୍ଡଯାତ୍ରା ଓ ଝାମୁଯାତ୍ରା କରୋନା ମହାମାରୀ ପାଇଁ ବନ୍ଦ । ମାତ୍ର ରୀତିନୀତି ଅନୁସାରେ କିଛି ପୂଜକ ନିୟୋଜିତ ହୋଇ ପ୍ରସାଶନିକ ଆଦେଶ ଅନୁସାରେ ମନ୍ଦିର ଭିତରେ ମାଙ୍କ ଝାମୁ ଯାତ୍ରାର ପାରମ୍ପରିକ ପୂଜାର୍ଚ୍ଚନା କରିଛନ୍ତି ।
ରଙ୍ଗମାଟିଆରେ ସାମାଜିକ ଦୂରତା ରକ୍ଷାକରି ହେଲା ପାରମ୍ପରିକ ଦଣ୍ଡ ପୂଜା
ରଙ୍ଗମାଟିଆ ମା’ ବାସୁଳାଇ ପୀଠର ମୁଖ୍ୟ କାଳେଶୀ ଭଗବାନ ମହାରଣା ହୋମ ଯଜ୍ଞରେ ମୁଖ୍ୟ କର୍ତ୍ତା ଭାବେ ଯୋଗଦେଇ କାର୍ଯ୍ୟକ୍ରମକୁ ପରିଚାଳନା କରିଥିଲେ । ଅନ୍ୟତମ କାଳେଶୀ ଛବିନ୍ଦ୍ର ଜେନା, ରବି ସାମଲ ଓ କାଳିଆ ସାମଲ ଓ ଗ୍ରାମର ପାଖାପାଖି ଦଶଜଣ ଭାଗ ନେଇଥିଲେ । ଏହି ସମୟରେ ସମସ୍ତେ ମୁହଁରେ ଗାମୁଛା ବାନ୍ଧି ସାମାଜିକ ଦୂରତା ରକ୍ଷକାରି ଉତ୍ସବକୁ ନିରାଡ଼ମ୍ବରରେ ପାଳନ କରିଥିବା ଦେଖିବାକୁ ମିଳିଥିଲା ।
ଭୁବନେଶ୍ୱରରୁ ଲକ୍ଷ୍ମୀକାନ୍ତ ଦାସ,ଇଟିଭି ଭାରତ
