ଭୁବନେଶ୍ବର: ପିପିଲି ଉପନିର୍ବାଚନ ଲାଗି ଆଜି ପ୍ରଚାର ମୈଦାନକୁ ଓହ୍ଲାଇବେ କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ । ଆଜି ଦିନ ତମାମ ପିପିଲି ନିର୍ବାଚନଣ୍ଡଳୀର ବିଭିନ୍ନ ସ୍ଥାନରେ ରୋଡ ଶୋ’ କରି ପ୍ରାର୍ଥୀ ଆଶ୍ରିତ ପଟ୍ଟନାୟକଙ୍କ ପାଇଁ ଭୋଟ ମାଗିବେ ପ୍ରତାପ ।
ପ୍ରଥମ ଥର ପିପିଲି ଉପନିର୍ବାଚନ ଲାଗି ପ୍ରଚାର ମୈଦାନକୁ ଓହ୍ଲାଇବେ କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ । ପିପିଲିରେ ଦିନ ତମାମ ବିଭିନ୍ନ ସ୍ଥାନରେ ରୋଡ ଶୋ’ ପଥପ୍ରାନ୍ତ ବୈଠକ କରିବେ ପ୍ରତାପ । ପୂର୍ବାହ୍ନ 10ଟାରେ ଡେଲାଙ୍ଗ ବ୍ଲକ ଜେନାପୁରର ଗୋବିନ୍ଦପୁର, ହକପଡା, ସେବକସାହିପାଟଣାରୁ ପ୍ରଚାର କରିବେ । 10.30 ରେ ଶ୍ରୀପୁରୁଷୋତ୍ତମ, 11ଟାରେ ଇନ୍ଦୁପୁର ଦେଉଳିରେ ପ୍ରଚାର କରିବେ ।
ଏହା ପରେ 11.30 ରେ ଧାନକେରା, ବରକେରା, 12 ଟାରେ ମୁଣ୍ଡିଆ, ଚାନ୍ଦୋଲା ପଞ୍ଚାୟତରେ ଆଶ୍ରିତଙ୍କ ଲାଗି ଭୋଟ ମାଗିବେ । 12.30 ରୁ 1.30 ଯାଏଁ କଲ୍ୟାଣସିଂହପୁର, ତୋଟାସାହି, ବାଲିହୁଙ୍କା, ଶିଶୁଆପଦ, ଘୋରଡିଆରେ ରୋଡ ଶୋ ହେବ । ୨ ଟାରୁ 5ଟା ଯାଏଁ ସୁଜନପୁର, ହାଟ ଡେଲାଙ୍ଗ, ରାମଚନ୍ଦ୍ରପୁର, ବାରବୋଇ, ଷ୍ଟେସନ ବଜାର, ତହସିଲ ଛକ, ଅରିସଲ ଛକ, ପିପିଲି ଏନଏସିରେ ପ୍ରଚାର ଶେଷ କରିବେ ।
ସେହିପରି ଭୁବନେଶ୍ବର ସାଂସଦ ତଥା ଜାତୀୟ ମୁଖପାତ୍ର ଅପରାଜିତା ଷଡଙ୍ଗୀ ଅପରାହ୍ନରେ ଦ୍ଵିତୀୟ ଦିନ ଲାଗି ପ୍ରଚାର କରିବେ । ଗତକାଲି ପିପିଲି ଗଡରେ ପ୍ରଚାର କରିଥିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ଭୁବନେଶ୍ବରରୁ ଭବାନୀଶଙ୍କର ଦାସ, ଇଟିଭି ଭାରତ
