ଭୁବନେଶ୍ବର: କୋରୋନା ମହାମାରି ଭଳି ଜାତୀୟ ବିପର୍ଯ୍ୟୟ ସମୟରେ କୌଣସି ମାସିକ ଦେୟ, ଆଡମିଶନ ଫି ଏବଂ ଅନ୍ୟାନ୍ୟ ଫି ଆଦାୟ ନକରିବା ପାଇଁ ବେସରକାରୀ ବିଦ୍ୟାଳୟମାନଙ୍କୁ ଅନୁରୋଧ କରିଥିଲେ ମୁଖ୍ୟମନ୍ତ୍ରୀ । କିନ୍ତୁ ଅନେକ ବିଦ୍ୟାଳୟ ବିଭିନ୍ନ ଆଳ ଦେଖାଇ ଟଙ୍କା ଆଦାୟ କରୁଛନ୍ତି । ଏହା ସହ ବିଦ୍ୟାଳୟ ପରିସରରେ ଘରୋଇ ପୁସ୍ତକଗୁଡ଼ିକୁ ଚଢା ଦରରେ ବିକ୍ରି କରୁଛନ୍ତି ।
ପ୍ରତ୍ୟେକ ବିଦ୍ୟାଳୟ ନିଜ ୱେବସାଇଟରେ ପୁସ୍ତକ ସମ୍ଭନ୍ଧିୟ ସମସ୍ତ ତଥ୍ୟ ଦେବେ ବୋଲି ଓଡିଶା ମନାବାଧିକାର କମିଶନର ଏପ୍ରିଲ 20 ତାରିଖରେ ନିର୍ଦ୍ଦେଶ ଦେଇଥିଲେ । ହେଲେ ଏ ସମସ୍ତ ନିୟମ ଓ ନିର୍ଦ୍ଦେଶକୁ ଫୁ କରି ଉଡ଼ାଇ ଦେଇଛି ଏହି ଘରୋଇ ବିଦ୍ୟାଳୟଗୁଡିକ । ଯାହାକୁ ନେଇ ଚାପରେ ରହିଆସୁଥିବା ଆଭିଭାବକ ମହାସଂଘ ପକ୍ଷରୁ ଭୁବନେଶ୍ୱର ଜୟଦେବ ଭବନ ସମୁଖରେ ଧାରଣାରେ ବସିଛନ୍ତି ।
ଏହିପରି ସାରା ରାଜ୍ୟରେ ସମସ୍ତ ଜିଲ୍ଲାରେ ଧାରଣାରେ ବସିଛି ସଂଘ । ଲାକଡାଉନରେ କୋଭିଡ19 ଗାଇଡ଼ ଲାଇନ ଅନୁଯାୟୀ ସାମାଜିକ ଦୂରତା ରଖି ଆନ୍ଦୋଳନ କରିଛନ୍ତି ଓଡିଶା ଅଭିଭାବକ ମହାସଙ୍ଘ ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
