ଯୁକ୍ତ ୩ ଫର୍ମ ଫିଲପରେ ଅନିୟମିତତା ନେଇ ଉତ୍ତେଜନା

ଯୁକ୍ତ ୩ ଫର୍ମ ଫିଲପରେ ଅନିୟମିତତା ନେଇ ଉତ୍କଳ ବିଶ୍ୱବିଦ୍ୟାଳୟରେ ଉତ୍ତେଜନା । ଜୟଦେବ ବିହାରସ୍ଥିତ ବିଜୁ ପଟ୍ଟନାୟକ କଲେଜର 30ରୁ ଊର୍ଦ୍ଧ୍ବ ଛାତ୍ରଛାତ୍ରୀ ମିଳିତ ଭାବେ ଉତ୍କଳ ବିଶ୍ୱବିଦ୍ୟାଳୟରେ ପ୍ରତିବାଦ କରିବା ସହ ଧାରଣା ଦେଇଛନ୍ତି । ଅଧିକ ପଢନ୍ତୁ

ଭୁବନେଶ୍ୱର: ଯୁକ୍ତ ୩ ଫର୍ମ ଫିଲପରେ ଅନିୟମିତତା ନେଇ ଉତ୍କଳ ବିଶ୍ୱବିଦ୍ୟାଳୟରେ ଉତ୍ତେଜନା । ଜୟଦେବ ବିହାରସ୍ଥିତ ବିଜୁ ପଟ୍ଟନାୟକ କଲେଜର 30ରୁ ଊର୍ଦ୍ଧ୍ବ ଛାତ୍ରଛାତ୍ରୀ ମିଳିତ ଭାବେ ଉତ୍କଳ ବିଶ୍ୱବିଦ୍ୟାଳୟରେ ପ୍ରତିବାଦ କରିବା ସହ ଧାରଣା ଦେଇଛନ୍ତି ।

ଅଭିଯୋଗ ମୁତାବକ ଜଣେ ଛାତ୍ର କୋଭିଡ ଆକ୍ରାନ୍ତ ହୋଇଥିବାରୁ ଫର୍ମ ଫିଲପରୁ ବଞ୍ଚିତ ହୋଇଥିଲେ । ସୁସ୍ଥ ହେବାପରେ ତାରିଖ ଗଡ଼ି ଯାଇଥିବାରୁ ନିଜ କଲେଜ ଓ ଉତ୍କଳ ବିଶ୍ବବିଦ୍ୟାଳୟରେ ବାରମ୍ବାର ଅଭିଯୋଗ କଲେ । କିନ୍ତୁ, ତାଙ୍କୁ ଅଣଦେଖା କରିବା ସହ ଗୋଟିଏ ବର୍ଷ ଅପେକ୍ଷା କରିବାକୁ କହିଥିବା ସେ ଅଭିଯୋଗ କରିଛନ୍ତି । ତେଣୁ, ଫର୍ମ ଫିଲପରେ ତାଙ୍କୁ ସୁଯୋଗ ଦେବା ଦାବିରେ ଆଜି(ଗୁରୁବାର) ଏକାଧିକ ଛାତ୍ରଛାତ୍ରୀ ବିଶ୍ଵବିଦ୍ୟାଳୟ କାର୍ଯ୍ୟାଳୟ ଆଗରେ ହାତରେ ପ୍ଲାକାର୍ଡ ଧରି ଆନ୍ଦୋଳନ କରିଛନ୍ତି ।

ଭୁବନେଶ୍ୱରରୁ ବିକାଶ କୁମାର ଦାସ, ଇଟିଭି ଭାରତ