ଭୁବନେଶ୍ବର: ରାଜ୍ୟରେ କୋରୋନା ଅଣାୟତ୍ତ ହେବାରେ ଲାଗିଛି । ଏଭଳି ସ୍ଥିତିରେ ରାଜ୍ୟ ସରକାର କେନ୍ଦ୍ର ସରକାରଙ୍କ ସହାୟତା ଲୋଡନ୍ତୁ ବୋଲି ବିଜେପି ନେତା ଭୃଗୁ ବକ୍ସିପାତ୍ର କହିଛନ୍ତି । ଏହାସହ ରାଜ୍ୟ ସରକାର ଏବେ କୋରୋନା ମୁକାବିଲା କରିବାରେ ବିଫଳ ହୋଇଥିବା ଅଭିଯୋଗ କରିଛନ୍ତି ଭୃଗୁ ।
ଭୃଗୁ କହିଛନ୍ତି ଯେ, କୋରୋନା ସଂକ୍ରମଣ ରୋଖିବାରେ ଲାଜ୍ୟ ସରକାର ସମ୍ପୁର୍ଣ୍ଣ ଫେଲ ମାରିଛନ୍ତି । ପୂର୍ବରୁ ମୃତ୍ୟୁ ସଂଖ୍ୟା ଲୁଚାଉ ଥିଲେ, ଆଉ ଏବେ ଶବ ଲୁଚାଉଛନ୍ତି ବୋଲି ବିଜେପି ନେତା ସାଙ୍ଘାତିକ ଅଭିଯୋଗ କରିଛନ୍ତି । ଆମ୍ବୁଲାନ୍ସ, ଆଇସିୟୁ, ଭେଣ୍ଟିଲେଟର ଯୋଗାଇବାରେ ସରକାର ଅସମର୍ଥ । ଏପଟେ ଗଞ୍ଜାମରେ ଦିନକୁ ଦିନ ପରିସ୍ଥିତି ବିଗାଡିବାରେ ଲାଗୁଥିବାବେଳେ ଏଯାଁଏ। ପ୍ଲାଜମା ବ୍ୟାଙ୍କିଙ୍ଗ ବ୍ୟବସ୍ଥା ଗଞ୍ଜାମରେ ହେଲାନି ।
ତେଣୁ ମୁଖ୍ୟମନ୍ତ୍ରୀଙ୍କୁ ଗଞ୍ଜାମରୁ ଏକପାଖିଆ ସମର୍ଥନ ମିଳିଥିବାରୁ ଆଜି ସେ ଶାସନ କରୁଛନ୍ତି । ଓଡ଼ିଶାର ଆର୍ଥିକ ମେରୁଦଣ୍ଡ ହେଉଛି ଗଞ୍ଜାମ । ତେଣୁ ରାଜ୍ୟ ସରକାର ଗୃହମନ୍ତ୍ରୀ ଅମିତ ସାହାଙ୍କ ସହଯୋଗ ଲୋଡି କୋରୋନା ନିୟନ୍ତ୍ରଣରେ ପଦକ୍ଷେପ ନିଅନ୍ତୁ ବୋଲି ସେ କହିଛନ୍ତି ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
